Gálatas 5:17 - Kashibo-Kakataibo Biblia

¹⁷ Nun sináncësa oquinshi ënë nëtënu ꞌicë ñu ꞌaquin cananuna Nucën Papa Diosan Bëru Ñunshin Upí cuëëncësama oquin ꞌain. Nucën Papa Diosan Bëru Ñunshin Upí ax ca nun sináncësa oquinu ñu ꞌati cuëënima. Usa ꞌixun camina mitsux an sinánmicë ꞌixun mitsun cuëëncë ñu ꞌatima ꞌain.

Nukën 'Ibu Diosan ain unikama 'inan ain bana

¹⁷ Nun sináncësa oquinshi ënë nëtënu 'icë ñu 'aquin cananuna Nucën Papa Diosan Bëru Ñunshin Upí cuëëncësama oquin 'ain. Nucën Papa Diosan Bëru Ñunshin Upí ax ca nun sináncësa oquinu ñu 'ati cuëënima. Usa 'ixun camina mitsux an sinánmicë 'ixun mitsun cuëëncë ñu 'atima 'ain.

Gálatas 5:17 ပူးပေါင်းရင်းမြစ်များ

Génesis 6:3

ꞌAínbi ka Nukën ꞌIbu kiakëxa: ꞌËn kana uni xënibutia tsónun ꞌimitima ꞌain, usa ꞌaish ka bamati ꞌikën, unix ka namishi ꞌikën, usa ꞌain ka unix tsóti ꞌikën, ciento veinte baritia ishi.

Salmos 119:133

Min bana kikësabi oi ninun ꞌimikin kamina; ꞌaisama ñukama ꞌaisatankinbi tënënun ꞌë ënkinma ꞌakinti ꞌain.

Salmos 130:3

ꞌËn ꞌIbu Dios, minmi unin ꞌucha ꞌunánkëbë kara, ¿uix mi rapasu kuanti ꞌik?

Salmos 65:3

Nun ñu ꞌatima ꞌakëkama an ka nu ꞌatimakin sinánmia, ꞌaínbi kamina min nun ꞌuchakama nu mëníoxunin.

Isaías 6:5

Usakin ꞌaia iskin sinani kana ësai kian: “¡Uisai karana ꞌiti ꞌain, bërí sapi kana bamati ꞌain! ꞌËnbi kana ꞌapu ꞌaish kamabi kushiñu Dios a isan; ꞌëx kana achúshi uni ꞌën kuëbitan ꞌatimati banakë ꞌimainun, kana achúshi ëma ꞌatimati banakë unikama nëbëtsi tsotin.”

Mateo 12:30

Ësaribi ca. Unían bërúanquin timëcëma ꞌaish ca aín ꞌaracacë ñuinacama tsuáquia. Usaribi oquin ca an ꞌëmia sinánun uni ꞌaquincëma uni an ꞌëmi sinánxma ꞌinun uni ꞌimia.

Mateo 16:17

Cacëxun ca Jesusan cacëxa: —Simón, Jonasan bëchicë, cana mi cain, unin ca usaquin mi sinánmicëma ꞌicën. ꞌËn Papa naínu ꞌicë an ca mi sinánxunquin usoquinmi sinánun mi sinánmiaxa. An ca mi sinánmiaxa quixun ꞌunani camina cuëënti ꞌain.

Mateo 16:23

Usaquin cacëx cuainacëquin ca Jesusan Pedro ñu caquin cacëxa: —Min camina ñunshin ꞌatimanën ꞌapu, Satanás, an sináncësa oquin sinanin. Usaquin sinánxunma ca ꞌat. Min camina ꞌë ñu ꞌatima ꞌamitisa tanin. ꞌËn Papa Dios cuëëncësabi oi ꞌiáxma ꞌëx ꞌinun quixun sinánquin camina unin sináncësa oquinshi sinanin.

Mateo 26:41

Mitsux ꞌëx cuëëncësoi ꞌiisa taníbi camina asérabi usai ꞌiman. Usa ꞌain camina ꞌuchati rabanan ꞌuxti tëai Nucën Papa Diosbë banati ꞌain.

Mateo 5:6

ꞌAcëñuma bamaia uni piti cuëëncësaribi oi Nucën Papa Diosan iscëx upí ꞌiti cuëëncë uni, a ca an usaía ꞌinun ꞌimiti ꞌicën. Usai ca ꞌiti ꞌicë quixun ꞌunani ca chuámarua tani cuëënia.

Lucas 22:33

Cacëxun ca Simón Pedronën cacëxa: —Mi ꞌacësaribi oquin sipuanan unin ꞌanúnbi cana mi ëniman.

Lucas 22:46

Mëraquin ca bësúnquin cacëxa: —¿Uisacatsi caramina usaira ꞌuxin? Ca nirut. ꞌUchati rabanan camina ꞌuxti tëai Nucën Papa Diosbë banati ꞌain.

Juan 3:6

Axa xanunuax bacë́ncë, ax ca unishi ꞌia; axa aín Bëru Ñunshin Upitan bacë́ncë uni, ax ca Nucën Papa Diosan Bëru Ñunshin Upíñu ꞌia.

Romanos 8:13

Axa ënë nëtënu ꞌicë ñuishi sinani aín cuëëncësa oíshi ꞌicë uni ax ca Nucën Papa Diosnanma ꞌaish abë ꞌitima ꞌicën. Usa ꞌaínbi ca an Nucën Papa Diosan Bëru Ñunshin Upitan sinánmicësabi oquin ñu ꞌatima ꞌati ëncë uni, ax cuni ainan ꞌaish Nucën Papa Diosbë ꞌiti ꞌicën.

Gálatas 3:21

¿ꞌËx ësai qui carana Nucën Papa Diosan Abraham cá banaxa bëtsi ꞌimainun ca an Moisés cá banáxribi bëtsi ꞌicë quin? Usama ca. Moisésnën cuënëo bana quicësabi oquin ꞌacë cupía uni aín nuitu upí ꞌaish Nucën Papa Diosnan ꞌain, ca a bana ꞌacë cupíshi uni Nucën Papa Diosan iscëx upí ꞌitsíanxa.

Santiago 3:2

Camaxunbi cananuna ñu ꞌaisama ꞌain. Axa uisaíbi ꞌatimati banacëma uni ax ca asérabi upí uni ꞌicën. A unin ca ꞌatimati banatisa tanquinbi tënëti ꞌunáncë ꞌixun uisa ñu ꞌatima ꞌati cara sinania, abi tënëti ꞌicën.