Gálatas 5:13 - Kashibo-Kakataibo Biblia

¹³ ꞌËn xucë́antu, mitsun ñu ꞌacë cupíma Cristomi catamëcë cupíshi an iscëx upí ꞌinun ca Nucën Papa Diosan mitsu caísaxa. Usa ꞌixun camina mitsux cuëëncësabi oquin ñu ꞌatima ꞌati sinántima ꞌain. Usaquin ꞌaíma camina bëtsibë nuibanani asérabi ꞌaquiananti ꞌain.

Nukën 'Ibu Diosan ain unikama 'inan ain bana

¹³ 'Ën xucë́antu, mitsun ñu 'acë cupíma Cristomi catamëcë cupíshi an iscëx upí 'inun ca Nucën Papa Diosan mitsu caísaxa. Usa 'ixun camina mitsux cuëëncësabi oquin ñu 'atima 'ati sinántima 'ain. Usaquin 'aíma camina bëtsibë nuibanani asérabi 'aquiananti 'ain.

Gálatas 5:13 ပူးပေါင်းရင်းမြစ်များ

Isaías 61:1

Nukën ꞌIbun kushi ax ka ꞌëbë ꞌikën, Usa ꞌain ka Nukën ꞌIbun ꞌë kaístankëxun ñuñuma unikama aín bana ñuixunun ꞌë xuaxa, ꞌimainun ka axa bëtsin ꞌatimokëx masá nuitukë, a upíokin kanan axa ñatanbianxun tëmëramikë unikama a chikínun ꞌë xuaxa, ꞌimainun ñatanxun sipunu nankë akamaxribi basiramashi ka chikiti ꞌikën, kakin kuëëminun ꞌë xuaxa;

Lucas 4:18

Nucën ꞌIbu Diosan xucëx ꞌënu uax ca aín Bëru Ñunshin Upí ꞌëbë ꞌicën. An ca aín Bëru Ñunshin Upí ꞌinánquin cushioquin ñuñuma unicama upí bana anúan atux Nucën Papa Diosnan ꞌi cuëënun ñuixuanan, axa masá nuitucë unicama upí oquin sinánminun ꞌë caxa. ꞌImainun ca sipuacë ꞌaíshbia upitax chiquíncë ꞌinun ꞌimianan bëxuñu unicama bëxuñuma ꞌinun ꞌimianan bëtsi bëtsi ocë unicama bëtsi bëtsi ocëma ꞌiminun ꞌë caxa.

Hechos 20:35

Usaquin ñu mëëcë ꞌixun cana mitsu ꞌunánmia, mitsúnribimi usoquin ꞌanun, ñuñuma uni ñu ꞌinánuxun. Usaquin ꞌati sinani ca Nucën ꞌIbu Jesús ësai quiacëxa: “A unin ñu ꞌináncë uni ax cuëëncësamaira oi ca an uni ñu ꞌináncë uni ax cuëënia”. A bana camina manuquinma sinánti ꞌain.

1 Corintios 8:9

ꞌAisa tanquin camina uni itsin usa ñu rabiquin ñuina ꞌacë aín nami piti ꞌain. Usa ꞌaínbi camina an upí oquin —a ñux ca unin ꞌacë ꞌaish ñuishi ꞌicë —quixun ꞌunáncëma uni a ꞌuchamiti rabanan sinánti ꞌain, —cana pitima ꞌai —quixun.

1 Corintios 9:19

ꞌËa unin ñu mëëmicëma, ꞌaíshbi Nucën Papa Dios cuëëncësabi oíshi ꞌiquin cana an camabi uni ñu mëëxuncë unisa ꞌixun, Cristomi catamënun unicama aín bana ñuixunin.

2 Corintios 12:15

ꞌËx asérabi mitsu nuibati tëmëraquinbi cana Cristo cupí mitsux upí ꞌinun mitsu aín bana ñuixunquin, ꞌën curíqui cëñúanan ꞌën cushi cëñúquinbi ꞌaquinti ꞌain. ꞌËn mitsu asérabiira nuibacëxunbi sapi camina ꞌën ꞌacësaribi oquin mitsun ꞌë nuibatiman.

2 Corintios 2:8

Usaquin ꞌaquin camina axribia mitsubë timë́nun canan mitsun camina a nuibati quixuan ꞌunánun abë upíonanti ꞌain.

2 Corintios 3:17

Nucën ꞌIbu Jesucristonën sináncësaribi oquin ca Nucën Papa Diosan Bëru Ñunshin Upitan sinania. Usa ꞌain ca axa Jesucristomi catamëcë unin Nucën Papa Diosan Bëru Ñunshin Upitan ꞌimicëxun, upí oquin uisashi oquin cara Nucën Papa Diosan aín unicama ꞌimiti ꞌicë quixun ꞌunánan, Nucën Papa Dios quicësabi oi ꞌi cuëënia.

2 Corintios 4:5

Nuxbi ñuiacaquin cananuna unicama bana ñuixuniman. Usoquin cananuna —Jesucristo ax ca Nucën ꞌIbu ꞌicë —quixun unicama bana ñuixunin. Nuxbi ñuiacaquinma cananuna Jesús, an nu nuibacë, an nu sinánmicësabi oquin aín bana mitsu ñuixunin.

Gálatas 2:4

Usa ꞌaínbi ca a cushi unicaman ꞌë uisaquin cacëbëmabi, nuxnu anu timë́anbi ax isa Jesucristomi catamëcë ꞌicë quibi cëmëcë unicama, axribi anu atsíancëxa. A unicamax ca, judíosma unicama ca Jesucristomi catamëcë ꞌaish judíos unicama ꞌicësai ꞌinun ꞌunántioracacë ꞌiti ꞌicë quixun nu sinánmisa tani, uisa cupí caranuna judíosma unicama ꞌunántiocë ꞌinun ꞌimicëma ꞌai quixun isi uacëxa. A unicaman, judíosma uniribi ca ꞌunántiocë ꞌiti ꞌicë quixun caquin nu sinánmisa tancëbëtanbi ca axa Jesucristomi catamëcë unin cushicaman Tito, ꞌunántioracamicëma ꞌicëbi nu uisaquinbi cáma ꞌicën.

Gálatas 4:22

A banax ca quia, Abraham ca rabë́ bëbu bëchicëñu ꞌiacëxa. Bëtsin titax ca Abrahamnën xanúan ñu mëëmicë, Agar cacë xanu, ꞌiacëxa. Bëtsix ca Abrahamnën xanun tuábi ꞌiacëxa.

Gálatas 5:1

Nun Moisésnën usai ca judíos unicama ꞌiti ꞌicë quixun cuënëo bana quicësabi oquin ꞌacë cupíma cananuna Cristomi catamëcë cupíshi Nucën Papa Diosnan ꞌain. Usa ꞌain camina asérabi Cristomi catamëquin a ënti sinántima ꞌain. Usai judíos unicama ꞌiti Moisésnën cuënëo bana quicësabi oquin ꞌacë cupí cana Nucën Papa Diosnan ꞌai quixun camina sinántëcëntima ꞌain.

Gálatas 5:14

Nucën Papa Diosan bana ca quia: —“Mixmi bërúancacësaribi oquin camina min aintsicama nuibanan axa ꞌaquinsa ꞌicë ꞌaquinti ꞌain”. A bana quicësa oquin ꞌacë ꞌixun camina bëtsi uni nuibati ꞌain, mix bërúancacësaribi oquin. Usoquin ꞌacë ꞌixun camina Nucën Papa Diosan bana raírinëxa quicësabi oquin ꞌacë ꞌiti ꞌain.

Gálatas 5:22

Usa ꞌaínbi ca Nucën Papa Diosan Bëru Ñunshin Upitan sinánmicëxuan an sináncë uni ax ësai ꞌia: unicama nuibacë, chuámarua ꞌaish cuëëncë, uisa ñu cara ꞌicëbëbi chuámarua ꞌaish bënë́cëma, an ꞌatimocëxunbi uni cupicëma, cuëmëninínshi banacë, upí nuituñu, ꞌimainun Jesucristomi upiti catamëcë,

Gálatas 6:2

Min ñuishi ꞌati sinánquinma camina uni raíriribi ami sinánquin ꞌaquinsa ꞌicë ꞌaquinti ꞌain. Usai camina bëtsibë bëtsibë ꞌaquiananti ꞌain. Usai ꞌi camina Cristo quiásabi oi ꞌiti ꞌain.

Efesios 5:21

Nucën Papa Diosnan ꞌaish camina bëtsibë nishananima an cacëxun aín bana cuati, uni raíribë nuibananti ꞌain.

1 Tesalonicenses 1:3

Nucën Papa Diosbë banaquin cananuna mitsúnmi amiira pain catamëquin ax cuëëncësabi oquin ꞌanan, upí oquin unicama nuibaquin ꞌaquianan, a ëníma, Nucën ꞌIbu Jesucristonën ca ax quicësabi oquin nu ꞌimiti ꞌicë quixun manucëma cupí —asábi ca —quixun a cain.

1 Pedro 2:16

Mitsun upí ñuishi ꞌai camina ꞌapucamami racuë́tima ꞌain. Usa ꞌaíshbi camina —ꞌëx cana camabi unin iscëx upí uni ꞌai —quixun sinánquin amo cëmëanan ñu ꞌatima unë́xun ꞌati sinántima ꞌain. An asérabi Nucën Papa Dios cuëëncësabi oquinshi ꞌacë unisa camina ꞌiti ꞌain.

2 Pedro 2:19

Usoquin ꞌaquin ca caia, uisari caramina ꞌiisa tani usai camina ꞌiti ꞌain. Usaími ꞌiabi ca Nucën Papa Diosan mi uisabi oima. Usai quicë ꞌixunbi ca atun ñu upí ꞌaisa tanquinbi ꞌatima ꞌicën, atun sinan upíma ꞌixun. Aín sinan upí ꞌixun ca unin aín ꞌacësabi oquin upí ñu ꞌaia. Usa ꞌaínbi ca aín sinan ꞌaisama ꞌixun unin usabi ꞌatima ñu ꞌaia.

Judas 1:4

Uni raírinëx ca parani mitsubë timëtia. Mitsubë timë́xunbi ca mitsun sináncësabi oquin sinanima. A unicamax ca ësai quia: Nucën Papa Dios upí ꞌixun ca nux cuëëncësa oquinshi ñu ꞌaiabi nu uisabi oimá. Usaquin sinánquin ca ꞌaisama ñu ꞌaia. ꞌAi ca —ꞌëx cana Nucën Papa Diosnan ꞌai —quibi axëshi nun ꞌIbu, ax cuëëncësabi oi ꞌima. —ꞌËx cana Nucën ꞌIbu Jesucristonan ꞌai —quixunbi ca aín bana quicësabi oquin ꞌaima. Usa uni ñui ca Nucën Papa Diosan bana cuënëo quia, usaía ꞌicë unicamax ca ꞌaisamaira oquin ꞌuchocë ꞌiti ꞌicë quiax.