Gálatas 5:12 - Kashibo-Kakataibo Biblia

¹² An mitsu ꞌunántioracanun quixun ubíocë unicama aín namiribi tëatibi ca ꞌia.

Nukën 'Ibu Diosan ain unikama 'inan ain bana

¹² An mitsu 'unántioracanun quixun ubíocë unicama aín namiribi tëatibi ca 'ia.

Gálatas 5:12 ပူးပေါင်းရင်းမြစ်များ

Génesis 17:14

ꞌAínbi ka uix kara ꞌunántiorakaisama tania ax mitsunua chikínkë ꞌiti ꞌikën, ꞌën achúshi ñu ꞌakë a bana kikësokin ꞌaisama tankë kupí.

Génesis 30:34

—Ësokian kakëxun ka asabika, min sinánkë ax ꞌikën —kixun Labánën kakëxa.

Éxodo 12:15

Ënë nëtë inúkin kamina anun chamiti ñu këñuma ꞌakë pán mapai achúshi ꞌimainun rabë́ nëtë sënë́nmikin piti ꞌain; usa ꞌain ka a nëtë ꞌikëbëtan uix kara anun pán chamiti ñu aín xubunu nankë ꞌikë an aín xubunua bixun niti ꞌikën. Uin kara ënë bana tankima anun chamiti ñu këñun ꞌakë pán mapai achúshi ꞌimainun rabë́ nëtë ënën, pia ax ka Israel unikaman a rapasu ꞌimikima chikínkë ꞌiti ꞌikën.

Juan 9:34

Cacëxun ca fariseo unicaman cacëxa: —Mix camina ꞌuchañubia min tita bacë́an ꞌaish usabi ꞌain. ¿Usa ꞌixunbi caramina min nu bana ñuixuinsa tanin? Usaquin caquin ca bëpë́xcucë uni anuaxa cuantánun quixun chiquíancëxa.

Hechos 15:24

Nun xucë́xmabi cuanxun isa uni raírinën mitsubë banaquin, usai judíos unicama ꞌiti Moisés quiásabi oi camina ꞌiti ꞌain quixun caquin mitsu masá nuitumiaxa quixuan ñuicania cananuna cuan.

Hechos 5:5

Ësai quia cuatishi ca Ananías nipacëti bamacëxa. An usai bamacë ñuicania cuacë unicamax ca racuë́iracëxa.

Hechos 5:9

Cacëxunbi ca Pedronën cacëxa: —¿Uisaira ꞌixun caramina Nucën Papa Diosan Bëru Ñumshin Upí parani ami ꞌuchati min bënëbëtan sinan? Bëná unicama ca min bënë maínbëtsini aia. Atun ca usaribitimi bamaia miribi buánti ꞌicën.

Gálatas 2:4

Usa ꞌaínbi ca a cushi unicaman ꞌë uisaquin cacëbëmabi, nuxnu anu timë́anbi ax isa Jesucristomi catamëcë ꞌicë quibi cëmëcë unicama, axribi anu atsíancëxa. A unicamax ca, judíosma unicama ca Jesucristomi catamëcë ꞌaish judíos unicama ꞌicësai ꞌinun ꞌunántioracacë ꞌiti ꞌicë quixun nu sinánmisa tani, uisa cupí caranuna judíosma unicama ꞌunántiocë ꞌinun ꞌimicëma ꞌai quixun isi uacëxa. A unicaman, judíosma uniribi ca ꞌunántiocë ꞌiti ꞌicë quixun caquin nu sinánmisa tancëbëtanbi ca axa Jesucristomi catamëcë unin cushicaman Tito, ꞌunántioracamicëma ꞌicëbi nu uisaquinbi cáma ꞌicën.

Gálatas 5:10

Usa ꞌaínbi cana mitsúxmi Nucën ꞌIbu Jesucristomi catamëcë ꞌain ësaquin sinanin, mitsun camina ꞌën ꞌacësaribi oquin —Moisésnëan cuënëo bana cupíma Jesucristomi catamëcë cupíshi cananuna Nucën Papa Diosan iscëx upí ꞌai —quixun ꞌunanin. Usa ꞌaínbi ca an mitsu ꞌatimaquin sinanamisa tancë uni, uisa uni cara, abi Nucën Papa Diosan castícanti ꞌicën.

Tito 3:10

Uinu ꞌicë unin cara axa Jesucristomi catamëcë unicama bëtsin sináncësa oquian sinánunma amanu amanu sinánmia, a camina usai ꞌiaxma ꞌinun quixun caquin ꞌësëti ꞌain. Cacë́xbia sinanatiama camina amiribishi catëcënti ꞌain. Cacëxunbia cuatiama camina mitsubëa ꞌinúnma ënti ꞌain,