Gálatas 5:10 - Kashibo-Kakataibo Biblia

¹⁰ Usa ꞌaínbi cana mitsúxmi Nucën ꞌIbu Jesucristomi catamëcë ꞌain ësaquin sinanin, mitsun camina ꞌën ꞌacësaribi oquin —Moisésnëan cuënëo bana cupíma Jesucristomi catamëcë cupíshi cananuna Nucën Papa Diosan iscëx upí ꞌai —quixun ꞌunanin. Usa ꞌaínbi ca an mitsu ꞌatimaquin sinanamisa tancë uni, uisa uni cara, abi Nucën Papa Diosan castícanti ꞌicën.

Nukën 'Ibu Diosan ain unikama 'inan ain bana

¹⁰ Usa 'aínbi cana mitsúxmi Nucën 'Ibu Jesucristomi catamëcë 'ain ësaquin sinanin, mitsun camina 'ën 'acësaribi oquin —Moisésnëan cuënëo bana cupíma Jesucristomi catamëcë cupíshi cananuna Nucën Papa Diosan iscëx upí 'ai —quixun 'unanin. Usa 'aínbi ca an mitsu 'atimaquin sinanamisa tancë uni, uisa uni cara, abi Nucën Papa Diosan castícanti 'icën.

Gálatas 5:10 ပူးပေါင်းရင်းမြစ်များ

Hechos 15:24

Nun xucë́xmabi cuanxun isa uni raírinën mitsubë banaquin, usai judíos unicama ꞌiti Moisés quiásabi oi camina ꞌiti ꞌain quixun caquin mitsu masá nuitumiaxa quixuan ñuicania cananuna cuan.

1 Corintios 5:5

Timë́xun camina a uni ñunshin ꞌatimanën ꞌapun uisoquin cara ꞌati ꞌicë usoquian ꞌanun ënti ꞌain. Usaquian ꞌacë́xa sinanacë ca a uni bamacëbi aín bëru ñunshin Nucën ꞌIbu Jesusan utëcënquin upí isti ꞌicën.

2 Corintios 1:15

Mitsúxmi usai nubë cuëënti ꞌunánx cana mitsu isi rabëti cuanti sinan, mitsúxmi nubë isanani cuëënun.

2 Corintios 10:2

Usai quicëbëtanbi cana mitsu cain, mitsu isi cuanquin, ꞌën isna axa ꞌëbë nicë unibëtan, Nucën Papa Diosan sinánmicëma, nunbi sinánxun bana uni ñuixuni quixuan an nu ñuicë unicama, abë banaquin cati cana sinanin. ꞌËn mitsu isi cuanxun ñu caquin catima cupía upitishi bananun camina a unicama uisa caranuna nux ꞌai quixun upí oquin ꞌunánmiti ꞌain.

2 Corintios 10:6

ꞌËn mitsu cacë ñucamami mëníoquin sënë́oncëbë mitsunu cuanquin cananuna an Nucën Papa Diosan bana cuaisama tancë unicama sinananun ꞌësëquin, atun ꞌaisama ñu ꞌacë a ëinsama taniabi ëmiti ꞌain.

2 Corintios 13:10

Nucën ꞌIbu Jesucristonën, mitsu ꞌatimoquinma an iscëx upí ꞌinun ꞌaquinun ꞌë cacë ꞌixun, cana mitsu isi cuantëcënxunmashi ënë quirica mitsu buánmin, cuanxun ꞌën iscëxmi ꞌaisama ꞌicania cushin banaquin masá nuitumiquin mitsu catin rabanan.

2 Corintios 2:3

Mitsu isi cuaniami ꞌë masá nuitumiti rabanan cana cuanquinma mitsu usaía quicë quiricashi buánmian. Buánmiquin cana sinan, ꞌëx cuani masá nuitutíma cuëënia isi camina mitsúxribi upí oquin sinani cuëënti ꞌai quixun.

2 Corintios 2:6

Timë́xunmi mitsun ꞌën mitsu cacësa oquin ꞌacë uni a camina usashi oxun ënti ꞌain.

2 Corintios 5:16

Bëráma uni isquin, ax ca unishi ꞌicë quixun sinan ꞌixunbi cananuna bërí, uisa uni cara, —axribi ca Jesucristonan ꞌiti ꞌicë —quixun sinanin. Usaribi oquin —Cristo ax ca unishi ꞌicë quixun sinan ꞌixunbi cananuna bërí Cristo ax ca asérabi Nucën Papa Diosan Bëchicë, an nu ainan ꞌinun ië́micë, a ꞌicë quixun ꞌunanin.

2 Corintios 7:16

Usa ꞌain cana, mitsun camina asérabi upí oquin sinánquin ñu ꞌai quixun sinani cuëënin.

2 Corintios 8:22

Tito ꞌimainun ꞌën mitsu ñuixuncë uni, acëñun cananuna bëtsi uniribi mitsunu cuanun xutin. Ax ca Cristomi catamëcë ꞌaish nun xucën ꞌixun nu upí oquin ñu ꞌaxúanxa. Mitsun camina Jerusalénu ꞌicë unicama curíqui buánmisa tani quixun ꞌunani ca axribi mitsu ꞌaquini cuainsa tania.

Gálatas 1:7

Anúan uni aín ꞌucha tërë́ncë ꞌaish Nucën Papa Diosnan ꞌinux ië́ti bëtsi bana ca ꞌaíma ꞌicën. Usa ꞌaínbi ca uni raírinën mitsu ꞌatimaquin sinánmiquin a bana bëtsi oisa tanquin bëtsi oquin ñuia.

Gálatas 2:4

Usa ꞌaínbi ca a cushi unicaman ꞌë uisaquin cacëbëmabi, nuxnu anu timë́anbi ax isa Jesucristomi catamëcë ꞌicë quibi cëmëcë unicama, axribi anu atsíancëxa. A unicamax ca, judíosma unicama ca Jesucristomi catamëcë ꞌaish judíos unicama ꞌicësai ꞌinun ꞌunántioracacë ꞌiti ꞌicë quixun nu sinánmisa tani, uisa cupí caranuna judíosma unicama ꞌunántiocë ꞌinun ꞌimicëma ꞌai quixun isi uacëxa. A unicaman, judíosma uniribi ca ꞌunántiocë ꞌiti ꞌicë quixun caquin nu sinánmisa tancëbëtanbi ca axa Jesucristomi catamëcë unin cushicaman Tito, ꞌunántioracamicëma ꞌicëbi nu uisaquinbi cáma ꞌicën.

Gálatas 2:6

—Axa ami sináncë unicaman cushi ꞌinun Jesucristonën ꞌimicë ca atux ꞌicë —quixun unin cacë ꞌixunbi ca a unicaman bëtsi ñu ꞌanun ꞌë cáma ꞌicën. A unicamax nun cushi ꞌaínbi cana ꞌën ꞌunanin, Nucën Papa Diosan ca aín nuitu ꞌunánquin, camabi uni asérabi uisa uni cara quixun ꞌunania.

Gálatas 3:1

Gálatas unicama, mitsux camina sinánñumasa ꞌain. Unin ꞌucha cupía ax i curúsocënu bama Jesucristo ñuiquin cananuna mitsu upí oquin bana ñuixuancën. Ñuixuncëbi ca uni raírinën bëtsi bana ñuixunquin, Jesucristo ñui quicë bana cuaxunma ꞌanun quixun mitsu paránxa.

Gálatas 4:11

Usaquin sinanimi ꞌën mitsu ꞌunánmicë banacama manucësa ꞌain cana —sapi cana ñancábi mitsu ꞌunánmia —quixun sinanin.

Gálatas 4:17

An mitsu bana itsi ꞌunánmicë unicamax ca cëmëquin parani mitsubë upiti banaia. Usai ꞌiquinbi ca asérabi mitsu ꞌaquinti sinaníma. Mitsúnmi ꞌë sinánquinma atuishi sinánquin aín banaishi cuati ca cuëënia.

Gálatas 4:20

ꞌËx anu mitsubë ꞌiti cana cuëënin. ꞌËx anu ꞌixun cuni cana mitsubë banaquin, upí oquin mitsun sinan ꞌunánquin, mitsu upí oquin ꞌësëtsian. Mitsubëma ꞌixun cana uisai caramina ꞌicani quixun ꞌunaniman. Usa ꞌain cana uisaquin carana mitsu cati ꞌai quixun ꞌunaniman.

Gálatas 5:12

An mitsu ꞌunántioracanun quixun ubíocë unicama aín namiribi tëatibi ca ꞌia.

Gálatas 5:7

Mitsux camina upiti Jesucristomi sináncën. ¿Ui unin cara Jesusan banami ënun quixun mitsu sinanamiax?

Gálatas 6:17

Nucën ꞌIbu Jesúsnan ꞌicë unin bëtsi bëtsi ocë cupí, ꞌën nami tëacë mocë, aín bërucama isquin ca ui uni cara, anbi, ꞌëx cana asérabi Nucën ꞌIbu Jesusan uni ꞌai quixun ꞌunánti ꞌicën. ꞌUnánquin ca uisa uni carana ꞌai quixun ꞌë ñucátëcëntima ꞌicën.

Filipenses 3:15

Usaquin cananuna nun Nucën Papa Diosan bana asérabi ꞌati ꞌunáncë ꞌixun sinánti ꞌain. Usaquinmi mitsun sinaniama ca Nucën Papa Diosan mitsuribi usaquin sinánun ꞌunánmiti ꞌicën.

2 Tesalonicenses 3:4

Cananuna ꞌunanin, Nucën ꞌIbu Jesucristonën ꞌaquincëxun camina mitsúnmi nun cacëxun bërí ꞌacësabi oquin ënquinma ꞌati ꞌai quixun.

1 Timoteo 1:20

Usai ca Himeneo ꞌimainun Alejandro ꞌiaxa. A uni rabë́ cana Nucën Papa Dios ñui ꞌatimati banatëcënunma ñunshin ꞌatimanën ꞌapu Satanasnëan tëmëraminun ëan.

Filemón 1:21

ꞌËn cacësa oquinshi ꞌaquinma camina minbi ꞌën mi cacësamaira oquin ꞌati ꞌai quixun sinánquin cana mi buánminuxun ënë quirica cuënëoin.