Gálatas 5:1 - Kashibo-Kakataibo Biblia

¹ Nun Moisésnën usai ca judíos unicama ꞌiti ꞌicë quixun cuënëo bana quicësabi oquin ꞌacë cupíma cananuna Cristomi catamëcë cupíshi Nucën Papa Diosnan ꞌain. Usa ꞌain camina asérabi Cristomi catamëquin a ënti sinántima ꞌain. Usai judíos unicama ꞌiti Moisésnën cuënëo bana quicësabi oquin ꞌacë cupí cana Nucën Papa Diosnan ꞌai quixun camina sinántëcëntima ꞌain.

Nukën 'Ibu Diosan ain unikama 'inan ain bana

¹ Nun Moisésnën usai ca judíos unicama 'iti 'icë quixun cuënëo bana quicësabi oquin 'acë cupíma cananuna Cristomi catamëcë cupíshi Nucën Papa Diosnan 'ain. Usa 'ain camina asérabi Cristomi catamëquin a ënti sinántima 'ain. Usai judíos unicama 'iti Moisésnën cuënëo bana quicësabi oquin 'acë cupí cana Nucën Papa Diosnan 'ai quixun camina sinántëcëntima 'ain.

Gálatas 5:1 ပူးပေါင်းရင်းမြစ်များ

Salmos 51:12

Min kamina amiribishi kuëëntëkënun ꞌë ꞌimiti ꞌain; min bëru ñunshin an ka uisa kara mix kikësabi oi ꞌiti min bana a ꞌë ꞌunamiti ꞌikën,

Proverbios 23:23

ꞌAisamaira ñu ꞌunámikin, ꞌësëkë ꞌixun kamina bëtsi ñu ꞌakin uisa ꞌixunbi a manutima ꞌain.

Isaías 61:1

Nukën ꞌIbun kushi ax ka ꞌëbë ꞌikën, Usa ꞌain ka Nukën ꞌIbun ꞌë kaístankëxun ñuñuma unikama aín bana ñuixunun ꞌë xuaxa, ꞌimainun ka axa bëtsin ꞌatimokëx masá nuitukë, a upíokin kanan axa ñatanbianxun tëmëramikë unikama a chikínun ꞌë xuaxa, ꞌimainun ñatanxun sipunu nankë akamaxribi basiramashi ka chikiti ꞌikën, kakin kuëëminun ꞌë xuaxa;

Mateo 23:4

Moisésnën cuënëo banaishima atúnbi sináncë banaribi ca unicamax isa usai ꞌinun quixun ñuixunia. Usaquin ñuixuncëxbi ca a banacamax ax quicësabi oi ꞌiisama ꞌicën. Atúxribi ca usai ꞌima. Atúan ñuixuncë bana quicësabi oquian ꞌanun ca unicama ꞌaquinima.

Lucas 5:38

Usa ꞌain ca ñu chëcacë ñuina xacá chumusa oquin ꞌacë iónushi ꞌaruti ꞌicën.

Hechos 15:10

¿Usa ꞌaínbi caramina mitsux uisa cupí, usama ca quiax Nucën Papa Diosmi ꞌuchanan, judíosma unibu ca judíos unibu ꞌicësai ꞌiti ꞌicë quiax quin? Moisésnëan usai judíos unicama ꞌiti cuënëo bana cuacë ꞌaíshbi ca a banacama quicësabiira oi nucën raracamax ꞌiáma ꞌicën. Nuxribi cananuna atúxa ꞌiá usaribiti ꞌiacën.

Romanos 7:3

Aín bënë bamacëma ꞌaían bëtsi unibë ꞌiti ca ꞌucha ꞌicën. Usa ꞌaínbi ca aín bënë bamacëbëtan ꞌaisa tanquin uni itsi bënëoti ꞌicën. Usaquian bënëoti ca ꞌuchama ꞌicën.

Romanos 7:6

Usai ꞌiá ꞌaíshbi cananuna nun, ax quicësabi oquin ꞌati bana axa quicësabi oquin ꞌacë cupíma, Cristomi catamëtishi ainan ꞌixun aín Bëru Ñunshin Upitan sinánmicëxun bëtsi oquin sinánquin Nucën Papa Dios cuëëncësabi oquinshi ꞌain.

Romanos 8:15

Usa uni camina mitsux ꞌain. Mitsu aín bëchicë ꞌimiquin ca Nucën Papa Diosan mitsúxmi bëráma ꞌiásaribiti mitsun ꞌucha cupí ami racuë́tëcënun ꞌimicëma ꞌicën. Aín Bëru Ñunshin Upí an ca, ainan ꞌaish cuëënquinu Nucën Papa Dios, Paponun nu ꞌimia.

Romanos 8:2

Nuxnu ami catamëcë ꞌaish Cristo Jesúsbë achúshisa ꞌicë ca aín Bëru Ñunshin Upí nubë ꞌixun ñu ꞌatima, a ꞌaia uni Nucën Papa Diosbë ꞌitimoi bamati, a ꞌatëcënxunma ꞌanun nu ꞌimiaxa.

1 Corintios 15:58

ꞌËn nuibacë xucë́antu, uisa ñu cara ꞌicëbëbi camina ëníma ami catamëti Nucën ꞌIbu Jesucristo cuëëncësabi oi ꞌiquin aín bana unicama ñuixunti ꞌain. Camina ꞌunanin, usaquinmi Cristonëan cushiocëxun ꞌacë ax ca ñancábimi ꞌacëma ꞌicën. Usaquin ꞌunánquin camina ënquinma mitsun ꞌacësamaira oquin nëtë camabi ꞌati ꞌain.

1 Corintios 16:13

Mina ꞌatima ñu ꞌai quiax bërúancaquin camina uisa ñu cara ꞌicëbëbi manutima Jesucristomi catamëti ꞌain. Ami catamëti camina unimi racuëtima an cushiocë ꞌiti ꞌain. Upí sinánñu unían sináncësa oquin camina sinánti ꞌain.

1 Corintios 7:22

Uni an uni ñu mëëmicë uninan ꞌixun ca aín ꞌibu cuëëncësabi oquin ꞌaia. Usa ꞌaíshbi ca Nucën ꞌIbu Jesucristonën ainan ꞌinun ꞌimicë ꞌixun a unin an ñu mëëmicë uni ñu mëëxuníbi, Nucën ꞌIbu Jesucristomi catamëcë ꞌixun upí oquin ꞌacë ꞌaish, abi ꞌaxuncësa ꞌia. Usaribi oquin ca uni an uni ñu mëëxuncëma a Nucën Papa Diosan ainan ꞌinun Cristomi sinánmicë ꞌixun, ax aín bamati nëtë sënë́ntamainun Cristonën uni ꞌixun ax cuëëncësabi oquinshi ꞌaia.

2 Corintios 11:20

A unicaman atun cuëëncësa oquin ꞌacëxunbi camina mitsun tanshitin. Atun ca mitsu ñu mëëmianan, paránxun mitsun ñu bianan, mitsux camina meu ꞌaish atubë sënë́nma ꞌai quixun canan, mitsu bëtashcaia. Usaquin ꞌacëxunbi camina tanshitin.

2 Corintios 3:17

Nucën ꞌIbu Jesucristonën sináncësaribi oquin ca Nucën Papa Diosan Bëru Ñunshin Upitan sinania. Usa ꞌain ca axa Jesucristomi catamëcë unin Nucën Papa Diosan Bëru Ñunshin Upitan ꞌimicëxun, upí oquin uisashi oquin cara Nucën Papa Diosan aín unicama ꞌimiti ꞌicë quixun ꞌunánan, Nucën Papa Dios quicësabi oi ꞌi cuëënia.

Gálatas 2:4

Usa ꞌaínbi ca a cushi unicaman ꞌë uisaquin cacëbëmabi, nuxnu anu timë́anbi ax isa Jesucristomi catamëcë ꞌicë quibi cëmëcë unicama, axribi anu atsíancëxa. A unicamax ca, judíosma unicama ca Jesucristomi catamëcë ꞌaish judíos unicama ꞌicësai ꞌinun ꞌunántioracacë ꞌiti ꞌicë quixun nu sinánmisa tani, uisa cupí caranuna judíosma unicama ꞌunántiocë ꞌinun ꞌimicëma ꞌai quixun isi uacëxa. A unicaman, judíosma uniribi ca ꞌunántiocë ꞌiti ꞌicë quixun caquin nu sinánmisa tancëbëtanbi ca axa Jesucristomi catamëcë unin cushicaman Tito, ꞌunántioracamicëma ꞌicëbi nu uisaquinbi cáma ꞌicën.

Gálatas 3:25

Nux ami catamënuan Cristo uá ꞌain cananuna ami catamëquin an bërúancë xanun bana tuacën tancësaribi oquin Moisésnën cuënëo bana tancë cupíma, Jesucristomi catamëcë cupíshi Nucën Papa Diosan iscëx upí ꞌain.

Gálatas 4:26

ꞌItsa uníxa Agarnën tuá ꞌiásaribi ꞌaínbi cananuna usama ꞌain. Nux cananuna Nucën Papa Diosan nëtënu ꞌicë Jerusalén anu abë ꞌiti uni ꞌain.

Gálatas 4:31

ꞌËn xucë́antu, usa ꞌain cananuna nux Agarnën tuá ꞌiásaribima ꞌaish Saran tuása ꞌain.

Gálatas 4:9

Usaquin bëtsi ñu rabiá ꞌixunbi camina an sinánmicëxun —Nucën Papa Dios ax ca asérabi Dios ꞌicë —quixun ꞌunanin. ¿An mitsu ainan ꞌimicëxunbi caramina uisa cupí mitsúnmi bëráma rabia ñucama rabitëcënti sinan?

Gálatas 5:13

ꞌËn xucë́antu, mitsun ñu ꞌacë cupíma Cristomi catamëcë cupíshi an iscëx upí ꞌinun ca Nucën Papa Diosan mitsu caísaxa. Usa ꞌixun camina mitsux cuëëncësabi oquin ñu ꞌatima ꞌati sinántima ꞌain. Usaquin ꞌaíma camina bëtsibë nuibanani asérabi ꞌaquiananti ꞌain.

Efesios 6:14

Ñunshin ꞌatima nun nuitu mëúnu abë ꞌacanancë an tanquinbi uisabi otima cupí camina Nucën Papa Diosmi catamëcë ꞌaish Romanu ꞌicë suntárunëan amia catamëti aín manë chupa pañucësa ꞌiti ꞌain. Aín manë chupa pañuquin ca anúan tsitëcërëquiti anun tsitëcërëquianan, aín shican bëpánti manë chupánribi shimápucüanan, aín taxacaribi tañuanan, aín manë mañuti mañuanan, aín manë pará tuíanan aín manë xëtocëribi tuinia. Suntáru aín manë chupami catamëcë ꞌaínbi camina mitsúxribi mitsun nuitu mëu upiti ꞌacananux manë chupa ami catamëti pañucësa ꞌiti ꞌain. Uni paráncëma ꞌianan cëmëima asérabi banan banacë ꞌaish camina suntáru aín manë chupa pañuax upiti tsitëcërëquicësa ꞌiti ꞌain. Ñu ꞌatima ꞌati ëncë ꞌixun upí ñuishi ꞌati sináncë ꞌaish camina suntáru aín shican bëpánti manë chupan shimapucucësa ꞌiti ꞌain.

Filipenses 1:27

Ësaíshi ꞌiti camina sinánti ꞌain, ainan ꞌaish camina Cristo quiásabi oi ꞌiti ꞌain. ꞌËx mitsu isi cuananbi, cuanquinmabi cana, mitsux camina bëtsibë nuibanani Jesucristomi catamënun ꞌaquianani quixuan unin ñuia cuaisa tanin.

1 Tesalonicenses 3:8

Usa ꞌaish cananuna mitsúxmi Nucën ꞌIbu Jesúsmi asérabi sinania cuati mitsu sinani masá nuitutancëxunbi upí oquin sinani cuëëinra cuëënin.

2 Tesalonicenses 2:15

Nucën xucë́antu, usa ꞌain camina, mitsun Jesucristomi catamëti ëntima ꞌain. Ëníma ꞌianan camina nun nu mitsu ñuixuncë banacama ꞌimainun nun nu mitsu buánmicë quiricanu ꞌicë banacamaribi cuaquin manuima a banacama quicësabi oi ꞌiti ꞌain.

Hebreos 10:23

—Nucën Papa Diosan ca aín quicësabi oquin nu upí ꞌimianan nux aín nëtënu abë ꞌinun ꞌimia —quixun ꞌunánquin cananuna asérabi ami catamëquin aín bana ënquinma an nu cacësabi oquin ꞌaquin bëtsi uniribi —Nucën Papa Diosan ca ax quicësabi oquin, usoquin nu ꞌaquinia —quixun ñuixunti ꞌain.

Hebreos 3:14

Anun nux aín nëtënu ꞌiti nëtë sënë́ntamainun cananuna ami catamëtabatínu ꞌiásabi ꞌi ami catamëti ꞌain. Usai ꞌi cananuna camabi nëtën Cristobë ꞌain.

Hebreos 3:6

Usa ꞌaínbi ca Nucën Papa Diosan unicaman cushi ax aín Bëchicë, Cristo, an aín Papa Dios cuëëncësabi oquin ꞌacë, a ꞌicën. Usa ꞌaish ca Cristo ax nun cushiribi ꞌicën, nun nu ami catamëti ënquinma cuëënquin abë aín nëtënu ꞌiti sináncë ꞌain.

Hebreos 4:14

Jesús ax ca Nucën Papa Diosan Bëchicë ꞌianan, an nu Nucën Papa Dios ñucáxuncë ꞌaish aín Papa Diosan nëtënu abëbi ꞌicën. Usa ꞌicë cananuna ami catamëquin aín bana cuati ëntima ꞌain.

1 Pedro 2:16

Mitsun upí ñuishi ꞌai camina ꞌapucamami racuë́tima ꞌain. Usa ꞌaíshbi camina —ꞌëx cana camabi unin iscëx upí uni ꞌai —quixun sinánquin amo cëmëanan ñu ꞌatima unë́xun ꞌati sinántima ꞌain. An asérabi Nucën Papa Dios cuëëncësabi oquinshi ꞌacë unisa camina ꞌiti ꞌain.

2 Pedro 2:19

Usoquin ꞌaquin ca caia, uisari caramina ꞌiisa tani usai camina ꞌiti ꞌain. Usaími ꞌiabi ca Nucën Papa Diosan mi uisabi oima. Usai quicë ꞌixunbi ca atun ñu upí ꞌaisa tanquinbi ꞌatima ꞌicën, atun sinan upíma ꞌixun. Aín sinan upí ꞌixun ca unin aín ꞌacësabi oquin upí ñu ꞌaia. Usa ꞌaínbi ca aín sinan ꞌaisama ꞌixun unin usabi ꞌatima ñu ꞌaia.

Judas 1:3

ꞌËn nuibacë xucë́antu, Jesucristomi catamëtia ca mitsun ꞌuchacama tërë́nquin ainan ꞌinun Nucën Papa Diosan mitsu ië́miaxa, ꞌë ꞌacësaribi oquin. Usami ꞌicë cana anun nux ië́ti banacama ñuiquin mitsu cuënëoxunti sinan. Usaquin sinánxunbi cana bëtsi bana pain mitsu buánmin, uni raírinëan Nucën Papa Diosan banamabi ñuicë bana a cuaxunma ꞌanun cananmi, Jesucristo ñui quicë bana, a Nucën Papa Diosan unicaman cuacë, ax ca asérabi ꞌicë quixuan camabi unin ꞌunánun, atu canun cana mitsu ënë quirica buánmin.

Apocalipsis 2:25

ꞌËx utëcëntámainun camina usabii ꞌiti ꞌain.

Apocalipsis 3:3

Usoquin ꞌaquin camina mitsua ꞌën sinánmicëxun ꞌën unicaman ñuixuncë bana a sinánti ꞌain. A sinánquin camina a bana quicësabi oquin ꞌanan sinanaquin mitsun ñu ꞌatima ꞌacëcama ënti ꞌain. Usai ꞌicëbëma cana an ñu mëcamacë uníxa, unin sináncëbëmabi ucësaribicuatsini, ꞌëx mitsun ꞌunáncëma nëtën uisoquin carana ꞌati ꞌai usoquin mitsu ꞌai uti ꞌain.