Gálatas 4:9 - Kashibo-Kakataibo Biblia

⁹ Usaquin bëtsi ñu rabiá ꞌixunbi camina an sinánmicëxun —Nucën Papa Dios ax ca asérabi Dios ꞌicë —quixun ꞌunanin. ¿An mitsu ainan ꞌimicëxunbi caramina uisa cupí mitsúnmi bëráma rabia ñucama rabitëcënti sinan?

Nukën 'Ibu Diosan ain unikama 'inan ain bana

⁹ Usaquin bëtsi ñu rabiá 'ixunbi camina an sinánmicëxun —Nucën Papa Dios ax ca asérabi Dios 'icë —quixun 'unanin. ¿An mitsu ainan 'imicëxunbi caramina uisa cupí mitsúnmi bëráma rabia ñucama rabitëcënti sinan?

Gálatas 4:9 ပူးပေါင်းရင်းမြစ်များ

1 Reyes 8:43

Usa ꞌain kamina anumi ꞌikë naíkamë ꞌëo anuxunbi kuakin, añu kara mi ñukákania akamabi ꞌakinti ꞌain, usakinmi ꞌaia kuakin ka bëtsi bëtsi menu tsókë unikamanribi min uni Israelkaman ꞌakësaribi okin mi ꞌaxunkin, ꞌën mi ꞌaxunkë xubu ënëx ka anuxun asérabi a rabiti ꞌakë ꞌikë kixun atúnribi ꞌunánti ꞌikën.

Salmos 1:6

Diosan ka an ñu upíshi ꞌakë unikama atun tsóti bërúaia, ꞌaínbi ka an ꞌatima ñu ꞌakë unikamax ꞌaisama ñu ꞌai anunbi ꞌatimatia.

Éxodo 33:17

Kakëxun ka Diosan kakëxa: —Asabi ka usa ꞌain kana mitsubë kuanti ꞌain, asérabi kana ꞌën mi nuibatin ꞌimainun kana upí uni ꞌikë mix kikësabiokin ꞌën mi ꞌakinti ꞌain kixun ka Nukën ꞌIbun kakëxa.

Jeremías 31:34

Usa ꞌain ka uínsaranbi uínbi bëtsi uni usa ka Nukën ꞌIbu ꞌikë kixun ꞌunámitima ꞌikën, an ꞌunánkë unikama ꞌimainun aín aintsikama ꞌëa ꞌunánun ꞌunánmitëkëinsama ꞌiti ꞌikën, atun ka kamaxunbi uni apanbu ꞌimainun tuáxura kamanbi ka Dios ꞌikë ꞌë ꞌunánkë ꞌiti ꞌikën. ꞌËn kana atun ñu ꞌatima ꞌakëkama mëníoxunkin, atun ꞌuchakëkama a amiribishi sinántëkëntima ꞌain. ꞌËx mitsun ꞌIbu ꞌaish kana asérabi ësai kiakën.

Habacuc 2:14

Usa ꞌain ka bakakaman a mi saëkin aín ꞌumpaxan parúmpapa buákarukë usaribi okin kamabi menu ꞌikë unikaman Diosan aín kushin ñu ꞌakë ꞌunánti ꞌikën.

Mateo 11:27

Usaquin aín Papa Dios catancëxun ca Jesusan anu ꞌicë unicama amiribishi cacëxa: —ꞌËn Papa Diosan ca camabi aín sinan ꞌë ꞌunánmiaxa. Uinu ꞌicë unínbi ca uisa uni ꞌianan añu ꞌai carana ꞌëx uacën quixun ꞌunanima. ꞌËn Papa Diosan cuni ca ꞌunania. Usaribi oquin ca uinu ꞌicë unínbi, uisa cara Nucën Papa Dios ꞌicë quixun ꞌunanima. Aín Bëchicë, ꞌën cuni cana ꞌunanin, ꞌimainun ca a ꞌën uisaira cara ax ꞌicë quixun ꞌunánmisa tancë unicama anribi ꞌunania.

Lucas 5:38

Usa ꞌain ca ñu chëcacë ñuina xacá chumusa oquin ꞌacë iónushi ꞌaruti ꞌicën.

Juan 10:14

ꞌËx cana ainra carnero upí oquin bërúancë a ꞌain. ꞌËn Papan ca ꞌë ꞌunánxa, ꞌënribi cana a ꞌunan. Usaribi oquin cana ꞌën carnerocamaribi ꞌën ꞌunanin, atúnribi ca ꞌë ꞌunania. Usa ꞌaish cana ꞌëx bamatsianxmabi anun rabanan bamati ꞌain.

Juan 10:27

Carneronëan an bërúancë unin bana cuacësaribi oquin ca axa ꞌëmi catamëcë unin ꞌën bana cuatia. Cuatia cana acama ꞌën ꞌunanin. Usa ꞌixun ca ꞌën bana cuaquin a bana quicësabi oquin ꞌaia.

Juan 17:3

Ui unin cara mixëshimi asérabi Dios ꞌicë, mi ꞌunánan minmi ënë menu unun xuá, ꞌë ꞌunáncë, a unicamaxëshi ca xënibua ꞌaínbi minan ꞌaish mibë ꞌiti ꞌicën.

Romanos 8:29

Ui unicama cara ainan ꞌiti ꞌicë quixun ꞌunánquin ca Nucën Papa Diosan aín Bëchicënëxa aín unicaman cushi ꞌinun atux aín Bëchicë ꞌicësaribiti ꞌinun mëníocëxa.

Romanos 8:3

Uisa ñux cara ꞌati ꞌicë, uisa ñux cara ꞌatima ꞌicë quicë bana a ꞌunánquinbi ca aín sinan upíma ꞌixun unin a bana quicësabi oquin ꞌatima ꞌicën. Usa ꞌaínbi ca unían a bana quicësabi oquin ꞌanun quixun Nucën Papa Diosan aín Bëchicë, nusaribi uni ꞌinun, xuacëxa. Xutancëxun ca aín Bëchicë, ꞌuchañuma ꞌaíshbia camabi unin ꞌucha cupí bamanun ꞌimiquin uni, aín ꞌuchacama tërë́anan ꞌuchatëcëanxma ꞌinun mëníocëxa.

1 Corintios 13:12

Espejo upíirama ꞌaínu upí oquin anun ñu iscëma usaribi oquin cananuna uisaira cara Nucën Papa Diosan sinan ꞌicë quixun camaira ꞌunaniman. Usa ꞌaínbi cananuna aín nëtënu ꞌixúinra ꞌunánti ꞌain. Bërí cana camabiira ꞌunaniman. Usa ꞌixunbi cana ꞌunánti ꞌain, an ꞌë ꞌunáncësaribi oquin.

1 Corintios 15:34

Micama raírinën uisai ꞌiti cara Nucën Papa Dios cuëënia quixun sináncëma ꞌixun camina ñu ꞌatima ꞌain. Ñu ꞌatima ꞌacë ꞌaíshmi rabínun quixun cana ësaquin mitsu cain. Usa ꞌain camina ami sinanati ax cuëëncësabi oi ꞌiquin ñu ꞌatima ꞌatima ꞌain.

1 Corintios 8:3

Usa ꞌaínbi ca axa asérabi ami sináncë uni a Nucën Papa Diosan ainan ꞌicë ꞌunania.

2 Corintios 11:20

A unicaman atun cuëëncësa oquin ꞌacëxunbi camina mitsun tanshitin. Atun ca mitsu ñu mëëmianan, paránxun mitsun ñu bianan, mitsux camina meu ꞌaish atubë sënë́nma ꞌai quixun canan, mitsu bëtashcaia. Usaquin ꞌacëxunbi camina tanshitin.

2 Corintios 4:6

Nucën Papa Dios axa bëráma, “Bëánquibucë ca pëquiti ꞌicë” quiá, anbi ca Cristonëan nun nuitu mëúxun nu chuámashi tani cuëënquinu uisaira upí cara Nucën Papa Dios ꞌicë quixun ꞌunánun ꞌimiaxa.

Gálatas 4:3

A tuásaribi ca Jesucristo ucëma pan ꞌain judíos unicama ꞌiacëxa. Usa ꞌixun ca Moisésnën cuënëo bana quicësabi oquin ꞌanan aín nuitu upí ꞌinúan unin sináncë ñuishi ꞌati sináncëxa.

Efesios 1:17

Nucën ꞌIbu Jesucristonën Dios ꞌianan ꞌApuira, Nucën Papa Dios, a cana an ꞌunánmicëxunmi upí oquin sinánquin a ꞌunáncanun quixun mitsu ñucáxunin.

2 Timoteo 2:19

Unían bëtsi bëtsi ñu sináncë ꞌaínbi ca sinanatëcë́ntima oquian, xënibua ꞌaínbi usabi ꞌiti oquin, Nucën Papa Diosan ꞌinan bana, ënëx ësai quia: “Uicamax cara asérabi ainan ꞌicë quixun ca Nucën ꞌIbu Diosan ꞌunania”. Quianan ca ësairibi quia: “Uicamax cara —ꞌëx cana Cristonan ꞌai —quia, an ca ñu ꞌaisama ꞌati ënti ꞌicën”.

Hebreos 7:18

Usai ca judíos unicama ꞌiti ꞌicë quicë bana upí ꞌaínbi ca anun unin sinan upí ꞌiáma ꞌicën. Usa ꞌaínbi cananuna bëtsi bana, Jesús ñui quicë, a cupí asérabi nun ꞌuchacama tërë́ncë ꞌianan nun sinan upí ꞌaish Nucën Papa Diosnan ꞌain.

2 Pedro 2:20

Ënëx ca ësa ꞌicën: Ui unicaman cara Nucën ꞌIbu Jesucristomi catamëquin ñu ꞌatima ꞌati ëncë ꞌixunbi amiribishi ñunshínquin ñu ꞌatima ꞌatëcënia, a unicamax ca bëráma ꞌiásamaira ꞌinun ꞌuchaia.

1 Juan 5:20

ꞌUnánan cananuna ësaquinribi ꞌunanin, aín Bëchicënën ca ënë menu ax uá ꞌaínu ami catamëtia uisa cara Nucën Papa Dios, axëshia asérabi Dios, ax ꞌicë quixun nu ꞌunánmia. Aín Bëchicë, Jesucristo, ax nubë ꞌain cananuna an ꞌaquincëx ax cuëëncësabi oi tsotin. Ax ca axëshi asérabi Dios ꞌaínu nux ainan ꞌaish abë xënibua ꞌaínbi ꞌiti a ꞌicën.