Gálatas 4:7 - Kashibo-Kakataibo Biblia

⁷ Usa ꞌaish camina an uni ñu mëëxuncë uni ꞌicësai ꞌima xubu ꞌibu unin bëchicë ꞌicësai asérabi Nucën Papa Diosan bëchicë ꞌain. Mixmi aín bëchicë ꞌicë ca Cristo ax quiásabi oquin mitsun ꞌuchacama tërë́nquin an iscëxmi upí ꞌinun ꞌimianan aín Bëru Ñunshin Upí mitsubë ꞌinun ꞌinania.

Nukën 'Ibu Diosan ain unikama 'inan ain bana

⁷ Usa 'aish camina an uni ñu mëëxuncë uni 'icësai 'ima xubu 'ibu unin bëchicë 'icësai asérabi Nucën Papa Diosan bëchicë 'ain. Mixmi aín bëchicë 'icë ca Cristo ax quiásabi oquin mitsun 'uchacama tërë́nquin an iscëxmi upí 'inun 'imianan aín Bëru Ñunshin Upí mitsubë 'inun 'inania.

Gálatas 4:7 ပူးပေါင်းရင်းမြစ်များ

Génesis 15:1

Ënë ñukama ꞌatankëxa ꞌinúkë ꞌain ka Nukën ꞌIbun Abram namákin iskësokian isia kakëxa: —Kamina rakuë́tima ꞌain Abram, ꞌëx kana an mi bërúankë a ꞌain. Min biti ñu ax ka chaiira ꞌinuxun ꞌaia.

Salmos 16:5

Mix kamina ꞌën Dios an kamabi ñu ꞌë ꞌinánkë a ꞌain; min kamina upiti tsónun ꞌë ꞌimian.

Salmos 73:26

Kamabi ꞌën namikama ñusmakësa tankim kana kushiñumasa tanin, ꞌaínbi ka Diosan xënibua ꞌaínbi anun tsóti ñu ꞌë ꞌinánti ꞌikën, ꞌianan ka an ꞌë upíokin abi sinánun ꞌimia.

Jeremías 31:33

Usa ꞌain ka achúshi ñu mëníokin ꞌën Israel unikamabëtan anun ꞌati nëtë aia, usa ka ꞌiti ꞌikën: Anun kana ꞌën bana aín nuitu mëu upíokin sinankian manukima aín maxkátan ꞌunánun ꞌamiti ꞌain. ꞌËx kana atun Dios ꞌiti ꞌain, ꞌimainun ka atux ꞌën unikama ꞌiti ꞌikën. ꞌËx mitsun ꞌIbu ꞌaish kana asérabi ësai kiakën.

Mateo 6:24

Ësa ca: Achúshi unin ca rabë́ uni ñu mëëxuntima ꞌicën. Rabë́ uni ñu mëëxuncë ꞌixun ca bëtsishi nuibaquin upí oquin ñu ꞌaxuanan bëtsi nuibatima ꞌicën. Usa ꞌixun achúshinën bana cuaquin bëtsían cacëxun aín bana parë́ti ꞌicën. Usaribiti ca uni curíqui ꞌimainun bëtsi bëtsi ñumishi sináncë ꞌaish Nucën Papa Diosmi upiti sinanima.

Gálatas 3:26

Usa ꞌain camina mitsux Cristo Jesúsmi catamëti abë ꞌaish Nucën Papa Diosan bëchicë ꞌain.

Gálatas 3:29

Mitsux Cristonan ꞌaish camina axa ꞌiásaribiti Nucën Papa Diosmi catamëcë ꞌaish Abrahamnën rëbúnqui ꞌain. Usa ꞌaish camina Nucën Papa Diosan aín rëbúnqui ñuiquin Abraham cásabi oi aín uni ꞌain.

Gálatas 4:31

ꞌËn xucë́antu, usa ꞌain cananuna nux Agarnën tuá ꞌiásaribima ꞌaish Saran tuása ꞌain.

Apocalipsis 21:7

Uicaman cara ꞌëmi catamëquin ꞌëx cuëëncësabi oi ꞌiti ëncëma ꞌicë, acama cana ꞌënan ꞌaish ꞌëbë tsóti ꞌimiti ꞌain. ꞌImainun cana ꞌëx aín Dios ꞌiti ꞌain. ꞌImainun ca ax ꞌën bëchicë ꞌiti ꞌicën.