Gálatas 4:19 - Kashibo-Kakataibo Biblia

¹⁹ Mitsux camina ꞌën bëchicësa ꞌain. Usa ꞌain cana mitsúnmi Cristo ꞌunáncëma pain ꞌain ꞌiásaribiti mitsúxmi asérabi ami upiti catamënun quixun sinani, masá nuituti bënëtin, bacë́nuxun paë tania xanu bënë́cësaribi oi.

Nukën 'Ibu Diosan ain unikama 'inan ain bana

¹⁹ Mitsux camina 'ën bëchicësa 'ain. Usa 'ain cana mitsúnmi Cristo 'unáncëma pain 'ain 'iásaribiti mitsúxmi asérabi ami upiti catamënun quixun sinani, masá nuituti bënëtin, bacë́nuxun paë tania xanu bënë́cësaribi oi.

Gálatas 4:19 ပူးပေါင်းရင်းမြစ်များ

Isaías 53:11

Usai pain ꞌitsaira tëmëratankëxun ka asérabi kana Diosan kakësabiokin ꞌan kixun ꞌunani kuëënti ꞌikën; usa ꞌain ka Nukën ꞌIbun ka upí ꞌixun ꞌitsaira uni ië́miti ꞌikën, ꞌianan ka unikama ꞌatima ñu ꞌai ꞌuchakë kupín ainansa ꞌain, anun tëmërati ꞌikën.

Lucas 22:44

ꞌAisamaira masá nuituti bënë́quin ca Jesusan amiribishi Nucën Papa Dios ñucátëcëancëxa. Ñucati ꞌaisamairai bënëti ca nichati aín nichá ax aín imi menu tusquicësa ꞌiacëxa.

Romanos 13:14

Usa ñucama ëni camina Nucën ꞌIbu Jesucristonën mitsu usai ꞌinun quixun sinánmicësabi oi ꞌiti ꞌain. Ënë nëtënu ꞌicë ñuishi sináncë uni an ñu ꞌatima ꞌacësaribi oquin ꞌati camina sinántima ꞌain.

Romanos 8:29

Ui unicama cara ainan ꞌiti ꞌicë quixun ꞌunánquin ca Nucën Papa Diosan aín Bëchicënëxa aín unicaman cushi ꞌinun atux aín Bëchicë ꞌicësaribiti ꞌinun mëníocëxa.

2 Corintios 12:14

Rabëti cana mitsu isi cuan. Amiribishi mitsu istëcëni cuanti cana sinanin. ꞌËn ꞌacësabi oquin cana curíqui ꞌinánanmi ꞌë ñu ꞌináncanun mitsu ñucátima ꞌain. Mitsun ꞌë ñu ꞌinánquinmabimi mitsun ꞌë nuibati ashi cana cuëënin. Aín bëchicënën ca uni curíqui timëxuntima ꞌicën. Aín papan cuni ca aín bëchicë curíqui timëxunti ꞌicën. Usa ꞌain cana ꞌëx mitsun papasa ꞌixun mitsun curíqui bitima ꞌain.

Efesios 4:13

Usai ꞌaquianani cananuna nishánanima nuibanani uisa ñu cara ꞌicëbëbi asérabi ami catamëti ꞌain. Ainan ꞌixun Nucën Papa Diosan Bëchicë a asérabi ꞌunani cananuna an ꞌimicëx aín sinánsaribi ꞌiti ꞌain. Usa ꞌaish cananuna camáxbi nun sinan upíira upí ꞌaish ax cuëëncësabi oi ꞌiti ꞌain.

Efesios 4:24

Bëtsi sinánñu ꞌimicëx camina an iscëx asérabi upí ꞌianan unínribia iscëx upí nuituñu ꞌiti ꞌain, Nucën Papa Dios cuëëncësabi oi.

Filipenses 1:8

Nucën Papa Diosan ca ꞌunania, Jesucristonëan unicama nuibacësaribi oquin cana ꞌën mitsu nuibaquin ꞌaisamaira sinani quixun.

Filipenses 2:17

Mitsun camina tëmëraquinbi Jesucristomi catamëquin ax cuëëncësabi oquin ꞌaquin Nucën Papa Dios rabin. Mitsúxmi usai ꞌicëbë cana ꞌën mitsu ꞌaquincë cupí mitsux ꞌicësaribiti cuëënin. Cristomi sináncë cupí sapi cana bamati ꞌai quixun ꞌunanibi cana masá nuitutíma mitsúxmi ꞌicësaribiti cuëënin.

Filipenses 2:5

Jesucristonëan ꞌásaribi oquin camina sinánti ꞌain.

Colosenses 1:27

Uisaira upí cara a bana ꞌicë quixun ca Nucën Papa Diosan aín unicama ꞌunánmisa tancëxa. A banax ca judíosma unicamananribi ꞌicën. A banax ca ësai quia, Cristo ax ca mitsubë ꞌicën. Axa mitsubë ꞌain camina aín nëtënuribi abë ꞌiti ꞌain.

Colosenses 2:1

Ënë ñucama ꞌunánun cana ësoquin mitsu cain: Mitsúnmi ꞌacësaribi oquian Laodiceanu ꞌicë unicama ꞌimainun bëtsi bëtsi ëmanu ꞌicë unicamanribi ꞌë iscëma ꞌixunbi cana mitsu ꞌimainun aturibi sinánquin Nucën Papa Dios ꞌitsaira ñucáxunin.

Colosenses 3:10

Mitsun bëtsi oquin sinánquin camina Cristonën sináncësa oquin sinánti ꞌain. Usai ꞌiquinmi a upí oquin ꞌunánun ca an unio ꞌixun Nucën Papa Diosan mitsu ꞌimia.

Colosenses 4:12

Axribia Colosasnu ꞌicë uni, Epafras, anribi ca bërúanxmi ꞌinun quixun mitsu camía. An ca Cristo cuëëncësabi oquin ꞌanan camabi nëtën Nucën Papa Dios mitsu ñucáxunia, ami sinánti ënquinmami ax cuëëncësabi oquinshi upí oquin ꞌanun.

1 Tesalonicenses 2:7

Nun cananuna xanúan aín tuá chamara ꞌicë anun cuëënquin ꞌacësa oquin, ꞌitsaira nuibaquin mitsu ꞌaquian.

1 Timoteo 1:2

Timoteo, ꞌën cana ënë quirica mi buánmin. ꞌËx ami sináncësaribi oi mix Jesucristomi sináncë ꞌaish camina ꞌën bëchicësa ꞌain. Nucën Papa Dios ꞌimainun Nucën ꞌIbu Jesucristo, an nu ainan ꞌinun ië́micë, an nuibaquin min ꞌuchacama tërë́ncë cupími ainan ꞌaish chuámarua ꞌiti cana cuëënin.

Tito 1:4

Tito, ꞌën cana ënë quirica mi buanmin. ꞌËx ami sináncësaribi oi mixribi Jesucristomi sináncë ꞌaish camina ꞌën bëchicësa ꞌain. Nucën Papa Dios ꞌimainun Nucën ꞌIbu Jesucristo, an nu ainan ꞌinun ië́micë, an nuibacëxmi ainan ꞌaish chuámarua ꞌiti cana cuëënin.

Filemón 1:10

Usa ꞌixun cana Onésimo ñuiquin mi cain. Ënë sipunuxun ꞌën aín bana ñuixuncëxun cuati ca Onésimo Jesucristomi catamëaxa. Ax bërí Jesucristonan ꞌaish ca ꞌën bëchicësa ꞌicën.

Filemón 1:19

ꞌËx Pablo ꞌixun cana ꞌën mëcënanbi cuënëoquin mi cain, ꞌën Jesucristo ñuiquin cacë cupí ainan ꞌixunmi min ꞌë cupíoti asábi ꞌaínbi cana Onésimonëan mi ribíncë a mi cupíoti ꞌain.

Hebreos 5:7

Jesusan ca ënë menu ꞌaish abë banaquin aín Papa ñu ñucácëxa. Ñucáquin ca axa bamatimoquin a ië́miti cushiñu ꞌicë ꞌunánquin, munuma banaquin cacëxa. Usaquian ax cuëëncësabi oquin ꞌaquinun quixun ñucácë cupí ca Nucën Papa Diosan Jesucristo ꞌaquiancëxa.

Santiago 1:18

An ca unían aín bana ñuixuncëxun cuatínu ainan ꞌinun nu ꞌimiaxa, nux pain ꞌicë cupía raíri uníxribi Jesucristomi catamëcë ꞌaish camabi ñu an uniosamaira ꞌinun.

1 Juan 2:1

ꞌËn bëchicësa ꞌicë, cana ñu ꞌatimami ꞌatin rabanan ënë ñucama mitsu cuënëoxunin. Usa ꞌaínbia uinu ꞌicë unix cara ꞌuchaia, a an ñucáxunti ca Nucën Papa Diosbëa ꞌicë Jesucristo, ax ꞌicën. Ax ca uisa ꞌuchañumabi asérabi upíira ꞌicën.

1 Juan 2:12

ꞌËn bëchicësa ꞌicë, cana Jesucristo cupía Nucën Papa Diosan mitsun ꞌuchacama tërë́ncë cupí mitsu quirica cuënëoxunin.

1 Juan 5:21

ꞌËn bëchicësa ꞌicë cana mitsu cain, anbi sinánxuan dios isa quixun a rabinuxun unínbi ꞌacë ñucama camina rabitima ꞌain. Ashi, Juan.

3 Juan 1:4

Bëtsi bana ñuia cuati ꞌicësamaira oi cana mixmi ꞌicësaribitia axa ꞌën bëchicësa unicamaxribi Nucën Papa Dios cuëëncësabi oi ꞌia ñuia cuati cuëënin.