Gálatas 4:1 - Kashibo-Kakataibo Biblia

¹ Ësaquin cana mitsu cain, aín papa bamacëbëtan ca aín ñucama ainan ꞌicëbi canicëma pain ꞌixun aín bëchicënën bitsima. Canitancëxun cuni ca biti ꞌicën. Usa ꞌaish ca a tuá aín papan ñucama axa ainan ꞌaínbi a ñucama bicëma pan ꞌaish, an aín papa ñu mëëxuncë unisaribi ꞌicën.

Nukën 'Ibu Diosan ain unikama 'inan ain bana

¹ Ësaquin cana mitsu cain, aín papa bamacëbëtan ca aín ñucama ainan 'icëbi canicëma pain 'ixun aín bëchicënën bitsima. Canitancëxun cuni ca biti 'icën. Usa 'aish ca a tuá aín papan ñucama axa ainan 'aínbi a ñucama bicëma pan 'aish, an aín papa ñu mëëxuncë unisaribi 'icën.

Gálatas 4:1 ပူးပေါင်းရင်းမြစ်များ

Gálatas 3:29

Mitsux Cristonan ꞌaish camina axa ꞌiásaribiti Nucën Papa Diosmi catamëcë ꞌaish Abrahamnën rëbúnqui ꞌain. Usa ꞌaish camina Nucën Papa Diosan aín rëbúnqui ñuiquin Abraham cásabi oi aín uni ꞌain.

Gálatas 4:2

Aín papan anúan aín ñu biti mënío nëtë sënë́ntamainun ca aín papan caíscë unin aín bëchicë bërúanan aín chupa acama aín papan curíquinën bixunti ꞌicën.

Gálatas 4:23

An Abrahamnën xanu ñu mëëxuncë xanun tuacëx ca camabi tuásaribi ꞌaish unin bëchicëishi ꞌiacëxa. Usa ꞌaínbi ca bëtsix Abrahamnën xanu, Sara, ax tuacëma ꞌaíshbi Nucën Papa Diosan Abraham cásabi oi tutancëx bacë́ancëxa.

Gálatas 4:29

Bëráma ca Agarnën tuá, axa camabi tuá ꞌicësaribi unin bëchicëshi ꞌinun aín titan tua, an, Isaac, Nucën Papa Diosan cacësabi oquian Abrahamnën bëchicë, a bëtsi bëtsi ocëxa. Usaribi oquin ca an Nucën Papa Diosnan ꞌinuxun, usai ca judíos unicama ꞌiti ꞌicë quicë bana ꞌacë unin, axa Nucën Papa Diosnan ꞌinux Cristomi catamëcë unicama bëtsi bëtsi oia.

1 Juan 5:10

Axa aín Bëchicëmi catamëcë uni, an ca Nucën Papa Diosan ꞌunánmicëxun asérabi ꞌunania, Jesucristo ax ca asérabi aín Bëchicë ꞌicë quixun. Usa ꞌaínbi ca an Nucën Papa Diosan bana ca asérabi ꞌicë quixun sináncëma uni, ax —Nucën Papa Dios ca cëmë ꞌicë —quicësa ꞌicën, an aín Bëchicë ñui quicë bana ca asérabima ꞌicë quixun sináncë cupí.