Gálatas 3:29 - Kashibo-Kakataibo Biblia

²⁹ Mitsux Cristonan ꞌaish camina axa ꞌiásaribiti Nucën Papa Diosmi catamëcë ꞌaish Abrahamnën rëbúnqui ꞌain. Usa ꞌaish camina Nucën Papa Diosan aín rëbúnqui ñuiquin Abraham cásabi oi aín uni ꞌain.

Nukën 'Ibu Diosan ain unikama 'inan ain bana

²⁹ Mitsux Cristonan 'aish camina axa 'iásaribiti Nucën Papa Diosmi catamëcë 'aish Abrahamnën rëbúnqui 'ain. Usa 'aish camina Nucën Papa Diosan aín rëbúnqui ñuiquin Abraham cásabi oi aín uni 'ain.

Gálatas 3:29 ပူးပေါင်းရင်းမြစ်များ

Mateo 3:9

—Nux Abrahamnën rëbúnqui ꞌaish cananuna Nucën Papa Diosan iscëx upí ꞌai —quixun sinánxunma ca ꞌacan. Asérabi cana mitsu cain, ꞌaisa tanquin ca Nucën Papa Diosan ënë maxáxbi bëtsi oquin Abrahamnën rëbúnqui ꞌimiti ꞌicën.

Romanos 8:17

Aín bëchicë ꞌicë ca Nucën Papa Diosan ax quicësabi oquin nu ꞌaquianan aín nëtënu abë ꞌinun nu ꞌimiti ꞌicën. Ainan ꞌicë ca Nucën Papa Diosan Cristosaribi nu ꞌimiti ꞌicën. Cristonan ꞌixúnu tëmëraquinbi ax cuëëncësabi oquin ꞌati ëncëma ꞌicë ca Nucën Papa Diosan nuribi aín quicësabi oquin aín nëtënu Cristobë ꞌinun nu ꞌimiti ꞌicën.

1 Corintios 15:23

Nucën Papa Diosan mëníosabi oi ca Cristo pain baísquiacëxa. Baísquitancëx naínu cuan ꞌaísha ax utëcëncëbë ca aín unicama baísquiti ꞌicën.

2 Corintios 10:7

Mitsun camina uisaira caranuna nux ꞌai quixun isti ꞌain. Asérabi camina Cristonan ꞌai quixun sinánquin camina ꞌunánti ꞌain, nuxribi cananuna Cristonan ꞌai quixun.

Gálatas 3:16

Usaribi ca Nucën Papa Diosan Abraham cá bana ꞌicën. An ca Abraham aín rëbúnqui achúshi ñuiquin, a cupí ca camabi menu ꞌicë unicama an iscëx upí ꞌaish cuëënti ꞌicë quixun cacëxa. Usaquian Nucën Papa Diosan Abraham cá bana ax ca “aín rëbúnquicama” ñui quima, “aín rëbúnqui achúshi” ñui quia. Usa ꞌain ca aín rëbúnqui achúshi a ñuia quiá ax Cristo ꞌicën.

Gálatas 3:18

Moisésnëan usai ca judíos unicama ꞌiti ꞌicë quixun cuënëo bana quicësabi oquin ꞌacë cupía uni Nucën Papa Diosan iscëx upí ꞌain ca an Abrahambëtan mënío bana ñancáishi ꞌitsíanxa. Usa ꞌaínbi ca usama ꞌicën. A ñuiquian an Abrahambëtan mënío achúshi uni a cupíshi ca uni ami catamëtia Nucën Papa Diosan upí isia.

Gálatas 3:28

Judíos unicama ꞌimainun axa griego banan banacë judíosma unicama, an uni ñu mëëxuncë unicama ꞌimainun an uni ñu mëëxuncëma unicama, bëbu ꞌimainun xanu, acamáxbi camina Jesucristonan ꞌaish Nucën Papa Diosan iscëx bëtsisaribi ꞌaish achúshisa ꞌain. Jesucristonan ꞌixun camina camaxunbi bëtsin sináncësaribi oquin sinanin.

Gálatas 3:7

Usa ꞌain camina mitsun ꞌunánti ꞌain, an ax quicësabi oquin ca Nucën Papa Diosan ꞌaia quixun sinani ami catamëcë unicamax ca axa ꞌiásaribiti Nucën Papa Diosmi catamëcë ꞌaish Abrahamnën rëbúnqui ꞌia.

Gálatas 4:1

Ësaquin cana mitsu cain, aín papa bamacëbëtan ca aín ñucama ainan ꞌicëbi canicëma pain ꞌixun aín bëchicënën bitsima. Canitancëxun cuni ca biti ꞌicën. Usa ꞌaish ca a tuá aín papan ñucama axa ainan ꞌaínbi a ñucama bicëma pan ꞌaish, an aín papa ñu mëëxuncë unisaribi ꞌicën.

Gálatas 4:7

Usa ꞌaish camina an uni ñu mëëxuncë uni ꞌicësai ꞌima xubu ꞌibu unin bëchicë ꞌicësai asérabi Nucën Papa Diosan bëchicë ꞌain. Mixmi aín bëchicë ꞌicë ca Cristo ax quiásabi oquin mitsun ꞌuchacama tërë́nquin an iscëxmi upí ꞌinun ꞌimianan aín Bëru Ñunshin Upí mitsubë ꞌinun ꞌinania.

Gálatas 5:24

Cristo nun ꞌucha cupí i curúsocënu bama ꞌain cananuna nun nu ñunshínquin ꞌasaribi oquin ꞌatëcënuxunma ñu ꞌatimacama ëan.

Gálatas 6:16

Axa usai ꞌicë unicamacëñuan uicamax cara asérabi aín uni ꞌicë, acama Nucën Papa Diosan nuibaquin aín ꞌucha tërë́anan chuámashirua ꞌimiti cana cuëënin.

Efesios 3:6

Unin ꞌunánma ꞌaínbi ca a bana ësai quia, judíos unicama ꞌicësaribiti ca judíosma unicama, Cristo Jesús bama cupí ami catamëti Nucën Papa Diosan uni ꞌianan abë aín nëtënu ꞌiti ꞌicën, ax quiásabi oi.

Tito 3:7

Usa ꞌixun cananuna anbia nuibaquin nu ꞌaquinquin upí ꞌimicë cupí, abënu xënibua ꞌaínbi tsóti, a caínti ꞌain.

Hebreos 1:14

Camabi ángelnëx ca an Nucën Papa Dios ñu ꞌaxuncë ꞌicën. Usa ꞌixun ca an xucëxun, uicamax cara an mëníosabi oi Nucën Papa Diosnan ꞌinux ië́nuxun ꞌaia, acama ꞌaquinia.

Hebreos 11:7

Ënë́nsaran nëtë́nmaribi ca Noénën ami catamëquin —Nucën Papa Dios quicësabi oi ca ꞌiti ꞌicë —quixun ꞌunáncëxa. ꞌUnáncë ꞌicë ca Nucën Papa Diosan Noé cacëxa, —camabi uníxa ꞌaisamairai ꞌuchacë cupí cana unían usai ñu ꞌiti sináncëbëtanmabi camabi me baca mapumiquin cëñuti ꞌai —quixun. Nucën Papa Diosan bana ca asérabi ꞌicë quixun ꞌunánquin ca Noénënshi, ꞌitsa ꞌuí ꞌibúcëma pain ꞌaínbi aín manë nunti chaira anua aín aintsi ꞌibucama atsínmiti ꞌacëxa, Nucën Papa Diosan a cacësabi oquin. An usoquin ꞌaia iscë unicama ca —ënë menu ꞌicë unicama ꞌaisamairai ꞌuchacë cupí ca Nucën Papa Diosan cëñuti ꞌicë —quixun Noénën ñuixuancëxa. Nucën Papa Dios quicësabi oi ca ꞌiti ꞌicë quixun sinánquian Noénën, an cacësabi oquin ꞌaia isi ca Nucën Papa Dios cuëëancëxa.

Hebreos 6:17

Usaribiti ca Nucën Papa Dios axribi, axa ami catamëti ainan ꞌiti unicaman —aín quicësabi oi ca asérabi ꞌiti ꞌicë —quixun ꞌunánun, —xënibua ꞌaínbia sinanatëcëntimoi usabi ꞌiti ca ënë bana ꞌicë —quiax quiacëxa.

Santiago 2:5

ꞌËn nuibacë xucë́antu, ꞌën mitsu camainun ca cuat. Nucën Papa Diosan ca axa ënë menuax ñuñuirama unicama a caísia, atúxa ami upiti catamëcë ꞌianan aín nëtënu abë ꞌinun, an nuibacë unicamax ca usai ꞌiti ꞌicë quiáxa aín bana quicësabi oquin.

Apocalipsis 21:7

Uicaman cara ꞌëmi catamëquin ꞌëx cuëëncësabi oi ꞌiti ëncëma ꞌicë, acama cana ꞌënan ꞌaish ꞌëbë tsóti ꞌimiti ꞌain. ꞌImainun cana ꞌëx aín Dios ꞌiti ꞌain. ꞌImainun ca ax ꞌën bëchicë ꞌiti ꞌicën.