Gálatas 3:22 - Kashibo-Kakataibo Biblia

²² Usa ꞌaínbi ca Nucën Papa Diosan bana cuënëo —camabi unin ca ñu ꞌatima ꞌaia —quia. A banaxa asérabi ꞌain ca axa Jesucristo cupí ami catamëcë unicamaxëshi Nucën Papa Diosan iscëx upí ꞌiti ꞌicën, an aín rëbúnqui achúshi ñuiquin Abraham cásabi oi.

Nukën 'Ibu Diosan ain unikama 'inan ain bana

²² Usa 'aínbi ca Nucën Papa Diosan bana cuënëo —camabi unin ca ñu 'atima 'aia —quia. A banaxa asérabi 'ain ca axa Jesucristo cupí ami catamëcë unicamaxëshi Nucën Papa Diosan iscëx upí 'iti 'icën, an aín rëbúnqui achúshi ñuiquin Abraham cásabi oi.

Gálatas 3:22 ပူးပေါင်းရင်းမြစ်များ

Marcos 16:16

Ñuixuncëxun cuatia ꞌëmi catamëtia nashimicë ax ca Nucën Papa Diosan ainan ꞌinun ië́micë ꞌiti ꞌicën. Usa ꞌaínbi ca axa ꞌëmi catamëisama tancë uni ax aín ꞌucha cupí xënibua ꞌaínbi Nucën Papa Diosbëma ꞌiti ꞌicën.

Juan 12:46

An aín sinan upíira ꞌixun uni upí ꞌimiti ꞌëx cana unicama ñu ꞌatima ꞌacë ꞌaíshbi sinanati ꞌëmi catamëti upí ꞌinun ꞌiminux uacën.

Juan 20:31

Jesús ax ca asérabi Cristo, Nucën Papa Diosan Bëchicë ꞌicë quixun ꞌunanimi ami catamëti mitsux xënibua ꞌaínbi Nucën Papa Diosnan ꞌinun cana ënë banacama cuënëon.

Juan 3:36

Axa aín Bëchicëmi catamëcë uni, ax ca ainan ꞌaish Nucën Papa Diosbë nëtë́timoi ꞌia. Usa ꞌaínbi ca axa Nucën Papa Diosan Bëchicëmi sinántisama tancë uni, ax ainanma ꞌaish Nucën Papa Diosbë nëtë́timoi ꞌima. A uni ca Nucën Papa Diosan aín ꞌucha cupí ꞌaisamaira oquin castícancë ꞌiti ꞌicën.

Juan 5:24

Asérabi cana ꞌën mitsu cain, axa ꞌën bana cuati an ꞌë xuá ami sináncë uni, ax ca ainan ꞌaish nëtë́timoi Nucën Papa Diosnan ꞌia. A cupía Nucën Papa Diosnan ꞌitima ꞌicëbi aín ꞌuchacama tërë́ncë cupí ꞌuchañuma ꞌaish ca bamatancëxbi nëtë́timoi Nucën Papa Diosbë ꞌiti ꞌicën.

Juan 6:40

An ꞌë xuá ax ca cuëënia, aín Bëchicë, ꞌëmi catamëcë unicamax nëtë́timoi abë ꞌiti. A unicama cana ꞌën ënë nëtë cëñúcëbëtan abë ꞌinun baísquimiti ꞌain.

Hechos 16:31

Quia ca cacëxa: —Nucën ꞌIbu Jesucristomi sinani ca ami catamët. Ami catamëti camina min xubunu ꞌicë min aintsi ꞌibucamabëbi mitsun ꞌuchacama tërë́ncë ꞌaish Nucën Papa Diosnan ꞌiti ꞌain.

Romanos 10:9

A bana ca ësai quia: —Jesús ca ꞌën ꞌIbu ꞌicë —quianan bamacëbi ca Nucën Papa Diosan a baísquimiacëxa quixun min nuitunën sinania ca Nucën Papa Diosan ainan ꞌinun mi ië́miti ꞌicën.

Romanos 11:32

Judíos unibu ainan ꞌinun caísa ꞌixunbi ca Nucën Papa Diosan judíos unibu ꞌicësaribitia ami catamëtiama judíosma uniburibi ainanma isia. Usaquin ꞌaquinbi ca an nuibaquin camabi uni Cristomi catamëtía ainan ꞌinun ꞌimia.

Romanos 3:22

Camabi uni an Jesucristomi catamëquin —aín quicësabi oquin ca ꞌën ꞌuchacama tërë́nti ꞌicë —quixun ꞌunáncë, acama ca Nucën Papa Diosan upí isia. Jesucristomi catamëcë cupíshi ca an judíos uni ꞌimainun judíosma uniribi upí isia.

Romanos 3:23

Camabi unix ca Nucën Papa Diosan iscëx ꞌuchañu ꞌicën. Upíira ꞌinuan Nucën Papa Diosan unio ꞌaíshbi ca usama ꞌicën.

Romanos 5:12

Usa ꞌain ca an pain ñu ꞌatima ꞌá achúshi uni a cupíshi camabi unin ñu ꞌatima ꞌati ꞌunánquin ꞌaia. Aín ꞌucha cupí ca a uni bamacëxa. A uníxa ꞌatima ñu ꞌatancëx bama ꞌain ca camabi uni atun ꞌucha cupí aín bamati nëtë ucëbë Nucën Papa Diosbë ꞌitimoi bamaia.

Gálatas 3:14

Nucën Papa Diosan Abraham cásabi oía judíosma unicamaxribi Nucën Papa Diosnan ꞌinun ca Cristo Jesús ꞌuchañuira uni ꞌicësari bamacëxa. Ax usai bama cupí ca axa ami catamëcë unicama Nucën Papa Diosan aín Bëru Ñunshin Upí ꞌinania, ax quiásabi oquin.

Gálatas 3:17

Ësa ca a bana ꞌicën. Nucën Papa Diosan ca aín rëbúnqui achúshi ñuiquin, a cupí ca camabi menu ꞌicë unicama an iscëx upí ꞌaish cuëënti ꞌicë quixun caquin Abrahambëtan ashiquin mëníocëxa. Usaquian mënío ꞌixun ca cuatrocientos treinta baritia inúcëbëtan Nucën Papa Diosan usai ca judíos unicama ꞌiti ꞌicë quicë bana Moisés cuënëomiacëxa. Usaquin cuënëomiquinbi ca an Abrahambëtan mënío bana ñancáishia ꞌinun Nucën Papa Diosan tërë́cama ꞌicën.

Gálatas 3:23

Ami catamëtinu ië́ti Jesucristoa utámainun ca judíos unicaman Moisésnën cuënëo bana quicësabi oquin ꞌati ꞌiacëxa.

Gálatas 3:29

Mitsux Cristonan ꞌaish camina axa ꞌiásaribiti Nucën Papa Diosmi catamëcë ꞌaish Abrahamnën rëbúnqui ꞌain. Usa ꞌaish camina Nucën Papa Diosan aín rëbúnqui ñuiquin Abraham cásabi oi aín uni ꞌain.

2 Timoteo 1:1

ꞌËx cana Pablo, aín bana ñuixunuan Jesucristonën caísa ꞌain, Nucën Papa Dios cuëëncësabi oquin. —Jesucristomi catamëtíshi ca uni Nucën Papa Diosnan ꞌiti ꞌicë —quixun unicama canun ca Jesucristonën ꞌë ꞌimiacëxa.

Hebreos 9:15

Usa ꞌain ca Nucën Papa Dios quiásabi oi, an Cristomi catamënun sinánmicë unicama xënibua ꞌaínbi abë ꞌinun Cristo bamacëxa. An Moisésnën cuënëo bana cua nucën raracaman ꞌucharibi ca Cristo bama cupí, tërë́ncë ꞌicën. Usa ꞌain ca Moisésnën cuënëo bana ꞌiásama Cristo ñui quicë bana ꞌicën.

2 Pedro 1:4

Ainan ꞌimiquin ca aín bana ꞌinánquin Nucën Papa Diosan uisaira oquin cara nu ꞌaquinti ꞌicë quixun nu ꞌunánmia. Usaquian ꞌunánmicëx, a banami catamëti camina an sinánmicësabi oquin sinánan uni itsían ñunshínquin ñu ꞌatima ꞌaia isquinbi, usaribi oquin ꞌaquinma upí ñuishi sinánti ꞌain.

2 Pedro 3:13

Usaía ñu ꞌiti ꞌaínbi cananuna Nucën ꞌIbu Dios quiásabi oía me ꞌimainun naí ió ꞌiti cainin. Anu ca uisa ꞌuchabi ꞌaíma ꞌiti ꞌicën.

1 Juan 2:25

Jesucristonëxbi ca quiacëxa, a cupíshi cananuna ainan ꞌaish Nucën Papa Diosbë xënibua ꞌaínbi ꞌiti ꞌai quiax.