Gálatas 3:19 - Kashibo-Kakataibo Biblia

¹⁹ ¿An Abraham cá bana xënibua ꞌaínbi asérabi ꞌain cara uisacasquin Nucën Papa Diosan usai judíos unicama ꞌiti bana cuënëonun Moisés cacëx? Uisa ñu ꞌati cara ꞌaisama ꞌicë quixuan unin ꞌunánti cupí ca a bana judíos unicama ꞌináncëxa. Abrahamnën rëbúnqui, Cristo, axa utia Abraham ñuixuan, a utámainuan a bana quicësabi oquin pain ꞌanun ca Nucën Papa Diosan a bana Moisés cuënëomiacëxa. Nucën Papa Diosan cacëxuan ángelcaman a cacë bana ca Moisésnën cuënëo bana ꞌiacëxa.

Nukën 'Ibu Diosan ain unikama 'inan ain bana

¹⁹ ¿An Abraham cá bana xënibua 'aínbi asérabi 'ain cara uisacasquin Nucën Papa Diosan usai judíos unicama 'iti bana cuënëonun Moisés cacëx? Uisa ñu 'ati cara 'aisama 'icë quixuan unin 'unánti cupí ca a bana judíos unicama 'ináncëxa. Abrahamnën rëbúnqui, Cristo, axa utia Abraham ñuixuan, a utámainuan a bana quicësabi oquin pain 'anun ca Nucën Papa Diosan a bana Moisés cuënëomiacëxa. Nucën Papa Diosan cacëxuan ángelcaman a cacë bana ca Moisésnën cuënëo bana 'iacëxa.

Gálatas 3:19 ပူးပေါင်းရင်းမြစ်များ

Lucas 16:31

Quiabi ca Abrahamnën cacëxa: Moisés ꞌimainun an Nucën Papa Dios quicë bana uni ñuixuncë unicaman cuënëo bana isquinbi cuaisama tancë ꞌixun ca anu uni bamacë ꞌicënuax cuancë unin banaribi cuaisama tanti ꞌicën.

Juan 1:17

Uisai cara Nucën Papa Diosan uni ꞌiti ꞌicë quixun ca Moisésnën nucën raracama ꞌunánmiacëxa. Usa ꞌaínbi ca axira uxun Jesucristonën asérabi nuibaquin aín ꞌucha tërë́nquin Nucën Papa Dios cuëëncësabi oía aín uni ꞌinun ꞌimiaxa.

Juan 15:22

ꞌËn atu bana ñuixuni uáma ꞌain ca atux usabi ꞌitsíanxa. ꞌAínbi cana ꞌëx uá ꞌixun atu bana ñuixuan. Usa ꞌain ca ꞌën bana ꞌunanibi ꞌëmi catamëisama tancë cupí aín ꞌucha tërë́ncëma ꞌaish atun ꞌuchabi ꞌicën.

Hechos 7:38

Moisés ax ca axa anu uni ꞌicëma menuax Israel unicama nëbë́tsi ꞌianan, aín bashi Sinaí cacë a tanáinuax abë banacë ángelbë ꞌianan nucën raracamabëribi ꞌiá ꞌiacëxa. ꞌIanan ca a aín unicamax usai ꞌiti bana Nucën Papa Diosan ꞌináncë, a ꞌiacëxa. A bana, Israel unicama nun ꞌunánuan cuënëonun ca Nucën Papa Diosan Moisés usaquin cacëxa.

Hechos 7:53

Mitsux camina nun cuati bana ángelnëan Moisés cá, a ꞌunanibi a bana quicësabi oi ꞌicëma ꞌain.

Romanos 2:13

Aín bana ꞌunánquinbi a bana quicësabi oquin ꞌacëma uni a ca Nucën Papa Diosan upí isima. Usa ꞌaínbi ca an a bana ꞌunánquin ax quicësabi oquin ꞌacë unicama a cuni Nucën Papa Diosan upí ꞌicë isia.

Romanos 4:15

Cananuna ꞌunanin, usai ca uni ꞌiti ꞌicë quicë bana atúan cuati, a ꞌaíma ꞌain ca anun uni ꞌuchoti bana ꞌaíma ꞌicën. Usa ꞌaínbi ca usai ca uni ꞌiti ꞌicë quicë bana ꞌunáncë ꞌixunbi axa quicësabi oquin ꞌacëma ꞌaish uni ꞌuchocë ꞌiti ꞌicën.

Gálatas 3:16

Usaribi ca Nucën Papa Diosan Abraham cá bana ꞌicën. An ca Abraham aín rëbúnqui achúshi ñuiquin, a cupí ca camabi menu ꞌicë unicama an iscëx upí ꞌaish cuëënti ꞌicë quixun cacëxa. Usaquian Nucën Papa Diosan Abraham cá bana ax ca “aín rëbúnquicama” ñui quima, “aín rëbúnqui achúshi” ñui quia. Usa ꞌain ca aín rëbúnqui achúshi a ñuia quiá ax Cristo ꞌicën.

Deuteronomio 33:2

ënë banakama ësokin kakëxa: Nukën ꞌIbun ka aín bashi Sinaí kakë anuxunbi Seír kakë me anu bukukëbi nu pë́kakëxa. Pë́kaquin ka aín kushin barin urukin pë́kabëtsinkësokin aín bashi Parán kakë anuxunbia aín kushin pëkakë ax Meribá-Cadés anubi sënë́ankëxa; usai ukin ka unían aín mëkënan tuínxun ñu bëkësa obëtsinkin ax kushiira ꞌixun a tanti aín bana bëakëxa.

Hebreos 2:2

Bëráma ca ángelcaman ꞌaquinmainun Nucën Papa Diosan nucën raracama ñuixunun quixun, Moisés aín bana ꞌináncëxa. Usa ꞌain ca raírinën a bana quicësabi oquin ꞌamainunbia an a bana quicësabi oquin ꞌacëma unicama, a Nucën Papa Diosan atun ꞌucha cupíbi castícancëxa.

Hebreos 2:5

Aín unicama cara uisai ꞌiti ꞌicë quixun ñuiquin cana mitsu cain, Nucën Papa Diosan ca ángelcama —mitsux camina ꞌën unicaman ꞌapu ꞌiti ꞌai —quixun cáma ꞌicën.