Gálatas 3:18 - Kashibo-Kakataibo Biblia

¹⁸ Moisésnëan usai ca judíos unicama ꞌiti ꞌicë quixun cuënëo bana quicësabi oquin ꞌacë cupía uni Nucën Papa Diosan iscëx upí ꞌain ca an Abrahambëtan mënío bana ñancáishi ꞌitsíanxa. Usa ꞌaínbi ca usama ꞌicën. A ñuiquian an Abrahambëtan mënío achúshi uni a cupíshi ca uni ami catamëtia Nucën Papa Diosan upí isia.

Nukën 'Ibu Diosan ain unikama 'inan ain bana

¹⁸ Moisésnëan usai ca judíos unicama 'iti 'icë quixun cuënëo bana quicësabi oquin 'acë cupía uni Nucën Papa Diosan iscëx upí 'ain ca an Abrahambëtan mënío bana ñancáishi 'itsíanxa. Usa 'aínbi ca usama 'icën. A ñuiquian an Abrahambëtan mënío achúshi uni a cupíshi ca uni ami catamëtia Nucën Papa Diosan upí isia.

Gálatas 3:18 ပူးပေါင်းရင်းမြစ်များ

Salmos 105:42

Usakin ꞌakin ka Diosan uínsaranbi manukinma usakin ñu upí ꞌaxunuxua, aín uni Abraham ka a sinánkëxa.

Romanos 8:17

Aín bëchicë ꞌicë ca Nucën Papa Diosan ax quicësabi oquin nu ꞌaquianan aín nëtënu abë ꞌinun nu ꞌimiti ꞌicën. Ainan ꞌicë ca Nucën Papa Diosan Cristosaribi nu ꞌimiti ꞌicën. Cristonan ꞌixúnu tëmëraquinbi ax cuëëncësabi oquin ꞌati ëncëma ꞌicë ca Nucën Papa Diosan nuribi aín quicësabi oquin aín nëtënu Cristobë ꞌinun nu ꞌimiti ꞌicën.

Gálatas 2:21

Moisésnëan usai ca judíos unicama ꞌiti ꞌicë quixun cuënëo bana quicësabi oquin ꞌacë cupí ca Nucën Papa Diosan uni ainan ꞌicë upí isia quixun sináncë ꞌaish cana Cristo bama ax ca ñancáishi ꞌicë quicësa ꞌitsían. Usa ꞌaínbi cana, Nucën Papa Diosan ca aín Bëchicë ñancábi bamanun xuacëxa quixun sinanima, asérabi ami catamëtin.

Gálatas 3:10

Usa ꞌaínbi ca ësairibi a bana usai ca judíos unicama ꞌiti ꞌicë quixun cuënëo ax quia: “Ui unicaman cara camabi cuënëo bana quicësabi oquinra ꞌacëma a ca Nucën Papa Diosan uisa cara oti ꞌicë usoquin ꞌati ꞌicën”. A bana asérabi ꞌain cananuna ꞌunanin, a bana quicësabi oquin ꞌacë ꞌaish cana Nucën Papa Diosan iscëx ꞌuchañuma ꞌai quixun sináncë unix ca a banacama quicësabi oquinra ꞌacëma ꞌicë Nucën Papa Diosan uisa cara oti ꞌicë usoquin ꞌacë ꞌiti ꞌicën.

Gálatas 3:12

Moisésnën cuënëo banax ca quia: “Nucën Papa Diosbë upí ꞌinux Moisésnën cuënëo bana quicësabi oi ꞌiti sináncë unin ca asérabi a banacama quicësabi oquin ꞌati ꞌicën”. Usai quibi ca, ami catamëtishi ca uni Nucën Papa Diosbë upí ꞌicë quima.

Gálatas 3:16

Usaribi ca Nucën Papa Diosan Abraham cá bana ꞌicën. An ca Abraham aín rëbúnqui achúshi ñuiquin, a cupí ca camabi menu ꞌicë unicama an iscëx upí ꞌaish cuëënti ꞌicë quixun cacëxa. Usaquian Nucën Papa Diosan Abraham cá bana ax ca “aín rëbúnquicama” ñui quima, “aín rëbúnqui achúshi” ñui quia. Usa ꞌain ca aín rëbúnqui achúshi a ñuia quiá ax Cristo ꞌicën.

Gálatas 3:26

Usa ꞌain camina mitsux Cristo Jesúsmi catamëti abë ꞌaish Nucën Papa Diosan bëchicë ꞌain.

Gálatas 3:29

Mitsux Cristonan ꞌaish camina axa ꞌiásaribiti Nucën Papa Diosmi catamëcë ꞌaish Abrahamnën rëbúnqui ꞌain. Usa ꞌaish camina Nucën Papa Diosan aín rëbúnqui ñuiquin Abraham cásabi oi aín uni ꞌain.