Gálatas 3:17 - Kashibo-Kakataibo Biblia

¹⁷ Ësa ca a bana ꞌicën. Nucën Papa Diosan ca aín rëbúnqui achúshi ñuiquin, a cupí ca camabi menu ꞌicë unicama an iscëx upí ꞌaish cuëënti ꞌicë quixun caquin Abrahambëtan ashiquin mëníocëxa. Usaquian mënío ꞌixun ca cuatrocientos treinta baritia inúcëbëtan Nucën Papa Diosan usai ca judíos unicama ꞌiti ꞌicë quicë bana Moisés cuënëomiacëxa. Usaquin cuënëomiquinbi ca an Abrahambëtan mënío bana ñancáishia ꞌinun Nucën Papa Diosan tërë́cama ꞌicën.

Nukën 'Ibu Diosan ain unikama 'inan ain bana

¹⁷ Ësa ca a bana 'icën. Nucën Papa Diosan ca aín rëbúnqui achúshi ñuiquin, a cupí ca camabi menu 'icë unicama an iscëx upí 'aish cuëënti 'icë quixun caquin Abrahambëtan ashiquin mëníocëxa. Usaquian mënío 'ixun ca cuatrocientos treinta baritia inúcëbëtan Nucën Papa Diosan usai ca judíos unicama 'iti 'icë quicë bana Moisés cuënëomiacëxa. Usaquin cuënëomiquinbi ca an Abrahambëtan mënío bana ñancáishia 'inun Nucën Papa Diosan tërë́cama 'icën.

Gálatas 3:17 ပူးပေါင်းရင်းမြစ်များ

Génesis 15:13

Usai rakuë́tia ka Nukën ꞌIbun kakëxa: —Min kamina ꞌunánti ꞌain, min rëbúnkikamax ka aín menu tsótima bëtsi menu tsónuxun ꞌaia, ꞌimainun ka anuxun ꞌaisamaira okin ñumëmikë ꞌinuxun ꞌaia, ꞌimainun ka ꞌaisamaira okin ꞌatima okë ꞌiti ꞌikën, cuatrocientos baritia sënë́ntamainun.

Génesis 15:18

Usa ꞌain ka a nëtënbi Nukën ꞌIbun Abrambëtan achúshi ñu ꞌakin kakëxa: —Ënë mekama kana min rëbúnkikama ꞌinánti ꞌain, Egipto bakamiaxa ukë me anuax ꞌimainun baka chaiira Éufrates kakë anu sënë́nbi kana ꞌinánti ꞌain.

Génesis 17:19

Kakëxun ka Nukën ꞌIbu Diosan kakëxa: —ꞌËn mi kakë ax ka ësakin mi kakë ꞌiaxa min xanu Sara ax ka achúshi bëbu tuá bakënti ꞌikën, bakënia kamina min a tuá Isaac kakin anëti ꞌain. Abëtan kana ꞌën achúshi ñu asérabi ꞌati ꞌain, ax ka xënibua ꞌaínbia sinánun aín rëbúnki kamabëtan ꞌakë ꞌiti ꞌikën.

Job 40:8

¿Min kaina ꞌëx isana an upíokin ñu ꞌakëma ꞌai kixun ꞌuchoisatankin, mix ismina upí sinánñu ꞌai kixun sinanin?

Salmos 105:9

ꞌianan ka usakin ñu ꞌaxunuxun achúshi ñu mëníokinun Abraham kakin abëtan ꞌa ꞌixun, Isaac asérabi katëkënxuma ashikin kakëxa,

Salmos 33:10

Nukën ꞌIbun ka atun sinánkësa okían a rabikëma unikaman ñu ꞌati kuëënkinma a ꞌatia sinánkë ñukama ꞌanun ꞌamima,

Números 23:19

Dios ax ka nusama ꞌikën: ax ka këmëi bananan bëtsi okin sinántëkëkini kima. Uisa ñu ꞌakatsi kara ax kia a ka asérabi ꞌaia. Uisa ñu ꞌanux kara kiáxa a ka asérabi ax kikësabiokin ꞌaia.

Juan 1:17

Uisai cara Nucën Papa Diosan uni ꞌiti ꞌicë quixun ca Moisésnën nucën raracama ꞌunánmiacëxa. Usa ꞌaínbi ca axira uxun Jesucristonën asérabi nuibaquin aín ꞌucha tërë́nquin Nucën Papa Dios cuëëncësabi oía aín uni ꞌinun ꞌimiaxa.

Hechos 7:6

Catancëxun ca ësaquinribi cacëxa: “Min rëbúnquicamax ca aín menuma, bëtsi unin menu tsónuxun ꞌaia. Anua tsócëbi ca anu ꞌicë unin cuatrocientos baritian min rëbúnquicama bëtsi bëtsi oquin ñu mëëminuxun ꞌaia”.

Romanos 3:25

Ami catamëtía, uni aín ꞌuchacama tërë́ncë ꞌinun ca camabi unin ꞌucha cupía Cristo bamanun Nucën Papa Diosan mëníocëxa. An Jesucristo bamati mënío ꞌixun ca bëráma ꞌiá uniribi, axa sinanatia Nucën Papa Diosan aín ꞌuchacama ashiquin manumiacëxa. Usaquin an ꞌá cupí ca camabi unin ꞌunánti ꞌicën, Nucën Papa Diosan ca asérabi upíira upí ꞌixun an usai ca ꞌiti ꞌicë quixun mëníosabi oquin ꞌaia quixun.

Romanos 3:3

¿Bëtsi bëtsi judíos unicaman Nucën Papa Diosmi sináncë ꞌixunbi ñu ꞌaisama ꞌacë ax cara Nucën Papa Diosan ꞌucha ꞌic?

1 Corintios 1:12

Usoquian cacëxun ꞌën sináncëx ca ësa ꞌicën: mitsu raírinëx ca ax isa ꞌën ꞌunánmicë ꞌicë quia. Quimainun ca raírinëxribi ax isa Apolonën ꞌunánmicë ꞌicë quimainun, raírinëxribishi ax isa Pedronën ꞌunánmicë ꞌicë quimainun raírinëxribishi ax isa Cristonën ꞌunánmicë ꞌicë quiax quia.

1 Corintios 1:17

Cristonën ca uni nashiminun ꞌë cáma ꞌicën. Uni aín ꞌuchacama tërë́ncë ꞌaish Nucën Papa Diosnan ꞌinun ië́minux ca Cristo i curúsocënu bamacëxa quixun camabi uni canun ca Cristonën ꞌë ꞌimiacëxa. An quirica ꞌunáncë unicamaxa quicësai unin cuaisama banan banaquinma unin cuaisabi oquin, upí oquin aín bana ñuixunun ca ꞌë cacëxa.

1 Corintios 10:19

Usaquin caquin cana unían a rabinuxun uniocë ñu ax ca cushi ꞌicë quixun mitsu caiman. ꞌImainun ca a rabiquian ꞌacë ñuina nami axribi bëtsi namisama ꞌicë quixun cana mitsu caiman.

1 Corintios 7:29

ꞌËn xucë́antu, ësaquin cana mitsu caisa tanin, xënibuirai cananuna tsótima ꞌain. Usa ꞌain ca uni xanuñu ꞌaíshbi xanuñumasa ꞌiti ꞌicën.

2 Corintios 1:20

Nucën Papa Dios quicësabi oi ca camabi ñu Cristo Jesús cupí sënë́oncë ꞌiti ꞌicën. Usaquin ꞌunánquin cananuna Jesucristo cupí, aín bana cuaquin —ca usai ꞌiti ꞌicë —quixun Nucën Papa Dios rabin.

2 Corintios 9:6

Ësa ca quixun camina sinánti ꞌain, an ñu bëru ꞌitsama ꞌapácë uni, an ca aín bimiribi ꞌitsamaribi bitsia. Usaribi oquin ca an ñu bëru ꞌitsa ꞌapácë uni an aín bimiribi ꞌitsa bitsia.

Gálatas 3:15

ꞌËn xucë́antu, ësa ca ënë bana ꞌicën. Achúshi unían, usa ca ënë ñu ꞌiti ꞌicë quixun quiricanu cuënëocë ꞌicë ca uinu ꞌicë unínbi a bana tërë́caquin bëtsi otëcëntima ꞌicën.

Gálatas 3:21

¿ꞌËx ësai qui carana Nucën Papa Diosan Abraham cá banaxa bëtsi ꞌimainun ca an Moisés cá banáxribi bëtsi ꞌicë quin? Usama ca. Moisésnën cuënëo bana quicësabi oquin ꞌacë cupía uni aín nuitu upí ꞌaish Nucën Papa Diosnan ꞌain, ca a bana ꞌacë cupíshi uni Nucën Papa Diosan iscëx upí ꞌitsíanxa.

Gálatas 5:16

ꞌËn cana mitsu cain, mitsux cuëëncësabi oquin ñu ꞌatima ꞌaquinma camina Nucën Papa Diosan Bëru Ñunshin Upitan sinánmicësa oquinshi sinánquin ñu ꞌati ꞌain.

Gálatas 5:4

Uicaman caramina —Moisésnëan usai ca judíos unicama ꞌiti ꞌicë quixun cuënëo bana quicësabi oquin ꞌacë cupí ca ainan ꞌicë Nucën Papa Diosan ꞌë upí isia —quixun sinani, mix camina upí ꞌinux ami catamëtancëxunbi Cristo ëncë ꞌain. Usa ꞌaish camina Nucën Papa Diosnanmasa ꞌain.

Efesios 2:12

Judíos unima ꞌaish camina Cristo ñui quicë bana cuacëma ꞌiacën. Judíos unicaman ꞌunan ꞌaínbi camina mitsun Nucën Papa Diosan bana ꞌunáncëma ꞌianan an Cristo ñuiquin Abraham cá bana a ꞌunáncëma ꞌiacën. Usa ꞌixun camina Nucën Papa Diosan ca nuibaquin uni ꞌaquianan ainan ꞌimiti ꞌicë quixun ꞌunáncëma ꞌaish mitsux cuëëncësa oíshi tsóti sináncën.

Efesios 4:17

Nucën ꞌIbu Jesucristonën ꞌë sinánmicësabi oquin cana mitsu cain, axa Nucën Papa Diosmi sináncëma uníxa ꞌicësaribiti ꞌiá ꞌaíshbi camina usai ꞌitëcëntima ꞌain. A unicamax ca Nucën Papa Dios cuëëncësa oíma atúnbia sináncësa oíshi ꞌi bucuia.

Colosenses 2:4

Cristonan ꞌicëa bëtsi unin paránquin mitsu ꞌatimaquin sinanamiti rabanan cana mitsu ësaquin cain,

Hebreos 11:13

Abraham, Sara, Isaac, Jacob, acamax ca Nucën Papa Diosan ñuiasa oi ꞌicëma pan ꞌain bamacëxa. Usa ꞌaínbi ca aín bamati nëtë sënë́ntamainun masá nuituquinma cuëënquin, Nucën Papa Diosan nu cacësabi oi ca nun rëbúnqui ꞌiti ꞌicë quixun ꞌunáncëxa. Usaquin ꞌunani ca ësai quicësa ꞌiacëxa: nux ënë menu ꞌicë ꞌaishbi cananuna uníxa aín menumabi bëtsi menu cuanúxbi tsócësa ꞌain.

Hebreos 7:18

Usai ca judíos unicama ꞌiti ꞌicë quicë bana upí ꞌaínbi ca anun unin sinan upí ꞌiáma ꞌicën. Usa ꞌaínbi cananuna bëtsi bana, Jesús ñui quicë, a cupí asérabi nun ꞌuchacama tërë́ncë ꞌianan nun sinan upí ꞌaish Nucën Papa Diosnan ꞌain.

1 Pedro 1:20

Cristo ca usai ꞌiti ꞌicë quixun ca camabi ñu unioisama pain ꞌixunbi Nucën Papa Diosan mëníocëxa. Usaquian mënío ꞌain ca aín uti nëtë sënë́ncëbëishi usai ꞌinux Cristo ënë menu uacëxa, mitsúxmi ami catamënun.