Gálatas 2:9 - Kashibo-Kakataibo Biblia

⁹ Nucën Papa Diosan usaquin ꞌë ꞌimicë ꞌicë ꞌunánquin ca Jacobo, Pedro, Juan, acaman atux Jesucristomi catamëcë unicaman cushi ꞌixun Bernabécëñun ꞌë aín mëcën ꞌinánquin, —asérabi camina nu ꞌacësaribi oquin Cristo ñuiquin aín bana ñuixunun Nucën Papa Diosan caíscë ꞌai —quixun canan —nun nu judíos unicama bana ñuixunmainun camina mitsun judíosma unicama bana ñuixuni cuanti ꞌai —quixun nu cacëxa.

Nukën 'Ibu Diosan ain unikama 'inan ain bana

⁹ Nucën Papa Diosan usaquin 'ë 'imicë 'icë 'unánquin ca Jacobo, Pedro, Juan, acaman atux Jesucristomi catamëcë unicaman cushi 'ixun Bernabécëñun 'ë aín mëcën 'inánquin, —asérabi camina nu 'acësaribi oquin Cristo ñuiquin aín bana ñuixunun Nucën Papa Diosan caíscë 'ai —quixun canan —nun nu judíos unicama bana ñuixunmainun camina mitsun judíosma unicama bana ñuixuni cuanti 'ai —quixun nu cacëxa.

Gálatas 2:9 ပူးပေါင်းရင်းမြစ်များ

Mateo 16:18

Caxun ca mapara, griego banan “petra” cacë, a sinánquin Jesusan Simón cacëxa: —ꞌËn cana mi cain, mix camina Pedro caquin anëcë ꞌiti ꞌain. Minmi ꞌëmi bërí cacë bana sináncë usaribi oquin sináncë ca axa ꞌëmi catamëcë unicamax ꞌiti ꞌicën. Bamatancëxbi cëñútimoi ca a unicamax ꞌënan ꞌiti ꞌicën.

Lucas 22:8

A nëtë ꞌicëbëtan ca Jesusan Pedrocëñun Juan xuquin cacëxa: —Ënë nëtë́nu a piti ñu pinun camina nu mëníoxuni cuanti ꞌain.

Juan 1:42

Cabianquin ca aín xucën Jesúsnu buáncëxa. Buáncëx bëbaia isquin ca Jesusan bëñachaquin cacëxa: —Mix camina Juanën bëchicë, Simón, a ꞌain. ꞌAíshbi camina Cefas caquin anëcë ꞌiti ꞌain. Cefas quicë bana, ax ca Pedro qui quicë ꞌicën.

Hechos 12:17

Ratúcaniabi ca nëtë́nun quixun aín mëcënan sanánquin, usoquin ca Nucën ꞌIbu Diosan sipunua ꞌë chiquínbëtsinquin bëaxa quixun atu ñuixuancëxa. Ñuixuntancëxun ca cacëxa: —ꞌËn mi cacë banacama ënë camina Jacobo ꞌimainun nun xucë́antu ñuixunti ꞌai —quixun. Cabiani ca ëma itsinu cuancëxa.

Hechos 15:13

Usaquin caía Pablobë Bernabé sënë́ncëbëtan ca Jacobonën anu ꞌicë unicama cacëxa: —ꞌËn xucë́antu, ꞌën mitsu camainun ca cuat.

Hechos 15:7

Timë́xun sinania ꞌuran canania oi niruqiun ca Pedronën atu cacëxa: —ꞌËn xucë́antu, camina ꞌunanin, Nucën Papa Diosan ca, Jesucristomi catamëtishi ca uni ainan ꞌinux ië́ti ꞌicë quixun judíosma unicama ñuixunun micama achúshi ꞌë caísacëxa, usaquin ꞌën ñuixuncëxun cuatía atúxribi ainan ꞌinun.

Hechos 4:36

Axa usai ꞌaquianancë unicama achúshi ca Levitan rëbúnqui, José cacë, Chipre nasínu ꞌicë, ꞌiacëxa. Ax ca Jesusan caíscë unicaman Bernabé caquinribi anëcë ꞌiacëxa. A banax ca an masá nuitutiabi cuëënmicë qui quicë ꞌicën.

Romanos 1:5

Jesucristo cupí ca Nucën Papa Diosan nuibaquin nun nu uni aín bana ñuixunun mëníocëxa, camabi menua an Nucën ꞌIbu Jesucristomi catamëquin an cacësabi oquin ꞌacë unicama ꞌinun.

Romanos 12:3

Cristo ñuiquin aín bana unicama ñuixunun Nucën Papa Diosan caíscë ꞌixun cana mitsu cain, camabi unia Cristomi cushicë ꞌinun ꞌaquinun mitsu caíscë ꞌixun camina ui unínbi —ꞌëx cana bëtsi unibëtan sënë́nmaira ꞌiti ꞌai —quixun sinántima ꞌain. Uisa cara Nucën Papa Diosan mi ꞌimia, usa ꞌixun camina —usaishi cana ꞌiti ꞌai —quixun sinánti ꞌain. Sinánñu ꞌixun camina rabíquinma —Nucën Papa Diosan a ꞌanun ꞌë ꞌináncëxuinshi cana ñu ꞌai —quixun sinánti ꞌain.

Romanos 15:15

Usai camina mitsux ꞌi quixun ꞌunánquinbi cana mitsúxmi manúti rabanan ënë ñucama upí oquin mitsu cuënëoxunin. Nucën Papa Diosan ca ꞌë nuibaquin,

1 Corintios 15:10

Nucën Papa Diosan nuibaquin ꞌimicëx cana ꞌëx bëráma ꞌiásama ꞌain. Ñancáma ca ꞌë aín uni ꞌimiacëxa. ꞌImicëxun cana aín ꞌunánmicë unicaman ꞌacësamaira oquin a ñuiquin unicama ñuixuan. Ñuixunquinbi cana ꞌënbi ꞌacëma ꞌain, Nucën Papa Diosan aín cushin ꞌamicëxuinshi cana ꞌan.

2 Corintios 11:5

Mitsúnmi, ꞌësamaira isa a unicama mitsun aín bana cuacë, ax ꞌicë quixun sináncëbëbi, cana ꞌën sináncëx ꞌëx atu meuma ꞌain.

2 Corintios 12:11

Mitsúnmi ꞌë rabicëma cupí cana sinánñuma uni banacësari rabiacan. Mitsúxira ꞌë rabi upiti banatisa ꞌixunbi camina —Pablosamaira ꞌaish ca an Pablo ñuicë unicama ënëx Nucën Papa Diosan uni ꞌicë —quixun sinánan ꞌën bana isa ñancáishi ꞌicë quixun sinánquin a unicaman mitsu ñuixuncë bana cuacanin. Usaquinmi mitsun sináncëbëbi cana ꞌëx a unicama meuma ꞌain, ꞌënbi ꞌaquinma, Nucën Papa Diosan aín cushin ꞌamicëxuinshi ꞌën ꞌacë cupí.

2 Corintios 8:4

ꞌItsa oquin ca ësoquin nu caxa: —Nunribi cananuna axa Jerusalénuax Jesucristomi catamëcë unicama ꞌaquinquin curíqui ꞌinántisa tani —quixun.

Gálatas 1:16

aín Bëchicëmi catamëti ꞌunánmianan, atúxribia ami catamënun judíosma unicamaribi bana ñuixunun ꞌë ꞌimiacëxa. Usaquin ꞌanúan ꞌimicëxun cana uibi uisai carana ꞌiti ꞌai quixun ñucáma ꞌain.

Gálatas 1:18

Rabë́ ꞌimainun achúshi bari inúcëbë pain cana Jerusalénu Pedro isi cuancën. Cuanx cana anu abë rabë́ semana ꞌimainun achúshi nëtë ꞌiacën.

Gálatas 2:1

Usa ꞌain cana catorce baritia ꞌicëbë Tito buani, Bernabébë Jerusalénu cuantëcëancën.

Gálatas 2:2

Nucën Papa Diosan ꞌë sinánmicësabi oi Jerusalénu cuanx bëbax cana anu ꞌicë axa Jesucristomi catamëcë unin cushicamabëshi banacën. Banaquin cana ꞌën judíosma unicama Jesucristo ñuiquin ñuixuncë banacama ñuixuancën, usaquin cana unicama ca quixun caquin. ꞌËn usaquin bana ñuixunti cara atun sináncëx asábi ꞌicë quixun ꞌunánuxun cana ꞌën judíosma uni ñuixuncë banacama chiquinaquin cacën, ꞌën uni ñuixuncë bana axa ꞌëx cëmëi banacësa ꞌaish ñancáishi ꞌitin rabanan.

Gálatas 6:3

Ui unin cara asérabi upí ꞌixunmabi ax isa upí uni ꞌicë quixun sinania, ax ca aín sinanëinshi cëmëia.

Efesios 2:20

Mitsux camina an aín bana uni ñuixunun Jesusan caíscë unicama ꞌimainun an Nucën Papa Dios quicë bana uni ñuixuncë unicaman ñuiasabi oi, Jesucristomi catamëti ami cushicë ꞌain. Usa ꞌaish camina unin maxax xubu oquin ami cushiti pain nantancëxun raíriribi bucúnrucësaribi ꞌain, Cristo a pain nancë maxáxsa ꞌain.

Efesios 3:8

ꞌËx axa ami catamëcë uni raíribë sënë́nmara ꞌicëbi ca Nucën Papa Diosan nuibaquin, judíosma unicama Cristo ñui quicë bana ꞌunánminun ꞌë ꞌimiaxa, uisaira oquin cara Cristonën aín unicama nuibaquin ꞌaquinia quixuan ënë nëtënuxun aín unicaman ꞌunáinracëma ꞌicëbi.

Colosenses 1:29

Usaía aín unicama ꞌinun quixun cana Cristonën ꞌë cushiocëxun ënquinma aín bana ñuixunin.

1 Juan 1:3

Nuxnu asérabi Nucën Papa Dios ꞌimainun aín Bëchicë Jesucristobë upí ꞌicësaribitimi mitsúxribi nubë Jesucristomi upiti sinánun quixun cananuna nun nu isanan cuacë, ënë ñucama mitsu ñuixunin.

Apocalipsis 3:12

Axa ꞌëmi catamëquin ꞌëx cuëëncësabi oi ꞌiti ëncëma unicama, a cana anua Nucën Papa Dios ꞌicë anubia nëtë́timoi ꞌinun ꞌimiti ꞌain. Anuaxa chiquítimoquin ca Nucën Papa Diosan ꞌimiti ꞌicën. ꞌËn Papa Diosan anëbi cana a unicamanu cuënëoti ꞌain. Cuënëonan cana anu Nucën Papa Dios ꞌiti Jerusalén ió, axa naínuax ubúti, aín anëribi ꞌanan cana ꞌën anë ióribi atunu cuënëoti ꞌain.