Gálatas 2:21 - Kashibo-Kakataibo Biblia

²¹ Moisésnëan usai ca judíos unicama ꞌiti ꞌicë quixun cuënëo bana quicësabi oquin ꞌacë cupí ca Nucën Papa Diosan uni ainan ꞌicë upí isia quixun sináncë ꞌaish cana Cristo bama ax ca ñancáishi ꞌicë quicësa ꞌitsían. Usa ꞌaínbi cana, Nucën Papa Diosan ca aín Bëchicë ñancábi bamanun xuacëxa quixun sinanima, asérabi ami catamëtin.

Nukën 'Ibu Diosan ain unikama 'inan ain bana

²¹ Moisésnëan usai ca judíos unicama 'iti 'icë quixun cuënëo bana quicësabi oquin 'acë cupí ca Nucën Papa Diosan uni ainan 'icë upí isia quixun sináncë 'aish cana Cristo bama ax ca ñancáishi 'icë quicësa 'itsían. Usa 'aínbi cana, Nucën Papa Diosan ca aín Bëchicë ñancábi bamanun xuacëxa quixun sinanima, asérabi ami catamëtin.

Gálatas 2:21 ပူးပေါင်းရင်းမြစ်များ

Salmos 33:10

Nukën ꞌIbun ka atun sinánkësa okían a rabikëma unikaman ñu ꞌati kuëënkinma a ꞌatia sinánkë ñukama ꞌanun ꞌamima,

Isaías 49:4

ꞌËn kana sinánkë ꞌian: “Ñankáishi kana ñu binuxumabi tëmërai tëkin ꞌën kushi këñuin.” ꞌAínbi ka asérabi ꞌën ꞌakë ñukama ax Nukën ꞌIbunu ꞌikën, ꞌën biti ñukama ax ka kushi ꞌixun Diosan ꞌë ꞌinánkë ꞌiti ꞌikën.

Marcos 7:9

Usai quiquin ca Jesusan ësaquinribi atu cacëxa: —Mitsun chaitiocëcaman ñuia banaishi cuati cupí camina Nucën Papa Diosan bana ënquin a sinaniman.

Romanos 10:3

Uisai cara unicama Nucën Papa Diosan iscëx upí ꞌiti ꞌicë quixun ca ꞌunánma ꞌicën. —ꞌËnbi Moisésnën cuënëo bana quicësabi oquin ꞌacë cupíshi ca an ꞌën nuitu upí isia —quixun sinani ca Nucën Papa Dios cuëëncësabi oi Cristomi catamëti sinántisama tanxa.

Romanos 11:6

A caíscëcama a ca atun ñu upí ꞌacë cupíma, nuibaquinshi Nucën Papa Diosan ainan ꞌinun caísaxa. Atun ñu ꞌacë cupía ainan ꞌinun caíscë ꞌaish ca acamax nuibaquinshia an caíscë ꞌitsíanma.

Romanos 4:25

Nucën Papa Diosan ca nun ꞌuchacama tërë́ncë ꞌaíshnu upí ꞌinúan bamanun ꞌimitancëxun Jesucristo baísquimiacëxa. An usoquin ꞌá ꞌaínnu ami catamëtia ca Nucën Papa Diosan nu upí isia.

Romanos 8:31

¿A ñucama sinánquin cananuna ꞌunanin, Nucën Papa Diosan bërúancë ꞌicë ca an ëncëma ꞌicë uínbi uisashi cara oquinbi a nubë ënanamima.

1 Corintios 15:14

Cristoa baísquiama ꞌain ca nun ñuixuncë bana cëmë ꞌitsíanxa. Mitsúxmi Jesucristomi catamëcë axribi ca ñancáishi ꞌitsíanxa.

1 Corintios 15:17

Cristo baísquiama ꞌain ca mitsúxmi ami catamëti ax ñancáishi ꞌitsíanxa. Usa ꞌain camina mitsun ñu ꞌaisama ꞌacëcama tërë́ncëma ꞌaish usabi ꞌitsían.

1 Corintios 15:2

ꞌËn mitsu ñuixuncë bana manucëma ꞌianan a bana quicësabi oi ꞌi camina min ñu ꞌatima ꞌacëcama ëni Nucën Papa Diosnan ꞌinun ië́micë ꞌain, asérabi cëmëima ami catamëcë ꞌaish.

Gálatas 2:16

Usa ꞌixunbi cananuna ꞌunanin, Moisésnën usai ca judíos unicama ꞌiti ꞌicë quixun cuënëo bana quiásabi oquian ñu ꞌacë cupíma Jesucristomi catamëcë cupíshi ca uni Nucën Papa Diosan aín ꞌuchacama tërë́nquin ainan isia. Usaquin ꞌunani cananuna nuxribi Nucën Papa Diosan iscëx upí ꞌinux Jesucristomi catamëacën. Usai ca unicama ꞌiti ꞌicë quicë bana ꞌacë cupíma ca Nucën Papa Diosan uni ainan ꞌicë upí isia.

Gálatas 2:18

—Nun ꞌacë upí ñu a cupíma Jesucristomi catamëcë cupíshi cananuna Nucën Papa Diosan iscëx abë upí ꞌai —quixun ꞌunáncë ꞌixunbi, amiribishi —ꞌën upí ñu ꞌacë cupí cana Nucën Papa Diosan iscëx upí ꞌai —quixun sináncë ꞌaish cana Nucën Papa Diosan iscëx ꞌuchañumama ꞌain.

Gálatas 3:21

¿ꞌËx ësai qui carana Nucën Papa Diosan Abraham cá banaxa bëtsi ꞌimainun ca an Moisés cá banáxribi bëtsi ꞌicë quin? Usama ca. Moisésnën cuënëo bana quicësabi oquin ꞌacë cupía uni aín nuitu upí ꞌaish Nucën Papa Diosnan ꞌain, ca a bana ꞌacë cupíshi uni Nucën Papa Diosan iscëx upí ꞌitsíanxa.

Hebreos 7:11

Bëráma ca Nucën Papa Diosan ꞌamicëxun Moisésnën, uisai cara judíos unicama ꞌiti ꞌicë quicë bana cuënëocëxa. A bana Levitan rëbúnquicama, sacerdotecama ꞌixun, judíos unicama ꞌunánminun ca Nucën Papa Diosan mëníocëxa. Usa ꞌixuan Levitan rëbúnquinën ꞌaquincëx judíos unicama asérabi aín nuitu upí ꞌaish Nucën Papa Dios quicësabi oi ꞌicëbë ca sacerdote itsi Aarón ꞌiásama, Melquisedec ꞌiásaribi, Jesús uáma ꞌitsíanxa.