Gálatas 2:20 - Kashibo-Kakataibo Biblia

²⁰ ꞌUchatëcënuxunma ashiquin ꞌën ꞌuchacama ëni cana Cristobë bamacësa ꞌain. Usa ꞌaish cana ꞌëshima, Cristo ax ꞌëbë ꞌain, aín cushínbi ax cuëëncësa oíshi ꞌin. Nucën Papa Diosan Bëchicë, axa ꞌë nuibati bamatsianxmabi ꞌën ꞌucha cupí bama, ami catamëti cana ax ꞌëbë ꞌain, ax cuëëncësabi oi ꞌin.

Nukën 'Ibu Diosan ain unikama 'inan ain bana

²⁰ 'Uchatëcënuxunma ashiquin 'ën 'uchacama ëni cana Cristobë bamacësa 'ain. Usa 'aish cana 'ëshima, Cristo ax 'ëbë 'ain, aín cushínbi ax cuëëncësa oíshi 'in. Nucën Papa Diosan Bëchicë, axa 'ë nuibati bamatsianxmabi 'ën 'ucha cupí bama, ami catamëti cana ax 'ëbë 'ain, ax cuëëncësabi oi 'in.

Gálatas 2:20 ပူးပေါင်းရင်းမြစ်များ

Mateo 20:28

ꞌën ꞌacësaribi oquin. Uni itsían ñu mëëxunun cana ꞌëx uni ꞌinux Nucën Papa Diosnuax uáma ꞌain. ꞌËx cana unicamaxa upí ꞌianan upitax bucuti oquin ꞌaquini uacën. ꞌËx ꞌuchañuma ꞌaísh bamatsianxmabi cana camabi uníxa Nucën Papa Diosbë upí ꞌinun atun ꞌucha ꞌënansa ꞌain bamai uacën.

Mateo 4:3

Panancë ca ñunshin ꞌatimanën ꞌapun anu uxun ꞌatima ñu ꞌamicatsi quixun ësaquin cacëxa: —Asérabi Diosan Bëchicë ꞌixun ca ënë maxáxcama pán ꞌinun cat.

Juan 1:49

Cacëxun ca Natanaelnën cacëxa: —Mix camina Nucën Papa Diosan Bëchicë ꞌianan Israel unicaman ꞌapu ꞌain.

Juan 10:11

ꞌËx cana ainra carnero upí oquin bërúancë asaribi ꞌain. Ainra carnero upí oquin bërúancë, ax ca aín carnero bamati rabanan bamanuxunbi bëarati ꞌicën.

Juan 15:13

Abëa nuibanancë uni axa bamati ꞌaínbi ca a uni bamati rabanan a nuibacë uni ax bamati ꞌicën. Usa unin ca uni itsin ꞌacësamaira oquin uni nuibatia.

Juan 17:21

An ꞌën bana cuati unicaman, ꞌëmi catamëquin, bëtsin sináncësaribi oquin sinánti cupí cana mi ñucatin. Mixmi ꞌëbë ꞌimainun ꞌëx mibë ꞌicësaribitia nun sinánsaribi ꞌaish atux nubë achúshisa ꞌinun cana mi ñucatin. Ënë nëtënu ꞌicë unicaman, asérabi camina min ꞌë xuacë quixun ꞌunánuan atux bëtsin sináncësa oquinshi sinani, ꞌitsa ꞌaíshbi achúshisa ꞌinun cana mi ñucatin.

Juan 3:16

Camabi uni asérabi nuibaquin ca Nucën Papa Diosan aín Bëchicë achúshi ënë menu xuacëxa, uicamax cara ami catamëtia axa nëtë́timoi abë ꞌinun.

Juan 3:35

Nucën Papa Diosan ca aín Bëchicë nuibaquin axa aín ꞌibu ꞌinun camabi ñu a ꞌináncëxa.

Juan 6:57

Nucën Papa Dios, an ꞌë xuá, ax ca bamatimoi tsotia. Ax ꞌëbë ꞌain cana an ꞌimicëx ꞌëxribi tsotin. Usaribiti ca ꞌëmi catamëquian an ꞌë picësa uni axribi ꞌën ꞌimicëx ꞌëbë ꞌaish ꞌëx ꞌicësaribiti tsóti ꞌicën.

Juan 6:69

Nux mimi catamëquin cananuna ꞌunan, mix camina axa uti nun caíncë, Cristo, Nucën Papa Dios, axa bamatimoi tsócë, aín Bëchicë a ꞌain.

Hechos 8:36

Ñuixunbiancëxun ca baca cuëbí ꞌurama cuanquin, a unin Felipe cacëxa: —Ënu ca baca ꞌicën. ¿Anuxun caramina ꞌë nashimitima ꞌain?

Hechos 9:20

Anu ꞌixun ca anua judíos unicama timë́ti xubucamanuxun, Jesús ax ca asérabi Nucën Papa Diosan Bëchicë ꞌicë quixun unicama ñuixuancëxa.

Romanos 1:17

A bana ꞌunáncë ꞌixúinshi cananuna ꞌunanin, uisaira oquin cara Nucën Papa Diosan ainan ꞌinun nu ië́mia quixun. Nun ꞌucha tërë́nun Jesucristomi catamëtiashi ca ainan ꞌinun nu ië́mia. Usai ami catamëcë cupíshi cananuna Nucën Papa Diosnan ꞌiti ꞌain. Usai ca ꞌiti ꞌicë quiax ca aín bana cuënëo ësai quia: “Ui unicama cara Nucën Papa Diosan upí isia, ax ca asérabi ami catamëti tsóti ꞌicën”.

Romanos 14:7

Usa ꞌaish cananuna nux bamacëma pain ꞌaish Nucën ꞌIbu Jesucristonan ꞌain. ꞌIanan cananuna bamatancëxribi ainan ꞌain.

Romanos 3:22

Camabi uni an Jesucristomi catamëquin —aín quicësabi oquin ca ꞌën ꞌuchacama tërë́nti ꞌicë —quixun ꞌunáncë, acama ca Nucën Papa Diosan upí isia. Jesucristomi catamëcë cupíshi ca an judíos uni ꞌimainun judíosma uniribi upí isia.

Romanos 4:25

Nucën Papa Diosan ca nun ꞌuchacama tërë́ncë ꞌaíshnu upí ꞌinúan bamanun ꞌimitancëxun Jesucristo baísquimiacëxa. An usoquin ꞌá ꞌaínnu ami catamëtia ca Nucën Papa Diosan nu upí isia.

Romanos 5:2

Jesucristomi catamëcë cupíshi cananuna uisaira oquin cara Nucën Papa Diosan nu nuibaquin nu ainan ꞌinun ꞌimia quixun ꞌunanin. Usoquin ꞌunani cuëënquin cananuna, nux cananuna Nucën Papa Diosnan ꞌaish aín nëtënu abë ꞌiti ꞌai quixun ꞌunanin.

Romanos 5:6

Nucën Papa Diosan nu nuibaquin mëníosabi oi ca, nuxbi nun ꞌucha tërëni ië́tima ꞌaínbi Cristo aín bamati nëtë ucëbë, unicaman ꞌucha tërë́nux bamacëxa.

Romanos 5:8

Usa ꞌaínbi ca Nucën Papa Diosan nuxnu ꞌuchañu ꞌicëbi nu nuibaquin nun ꞌucha tërë́nuxa Cristo bamanun mëníocëxa. Usaquian mënío sinánquin cananuna ꞌunanin, uisaira oquin cara nu nuibatia quixun.

Romanos 6:13

Cristonanma ꞌixun uisa ñu cara ꞌatima ꞌicë quixun ꞌunánquinbi ꞌá ꞌaíshbi camina Cristo cupí Nucën Papa Diosan uni ꞌaish usai ꞌiman. Usa ꞌaish camina mitsux Nucën Papa Diosbë ꞌitimoi bamati ꞌiá ꞌaíshbi bërí aín uni ꞌaish ax cuëëncësabi oi ꞌiti ꞌain. Usa ꞌixun camina mitsun mëcën, mitsun taë, mitsun namicama anun ñu ꞌaisama ꞌaquinma Nucën Papa Dios cuëëncë ñuishi ꞌati ꞌain.

Romanos 6:8

Cananuna ꞌunanin, bamaxbi baísquia ꞌaish ca Cristo uínsaran nëtë́nbi bamatëcëntima ꞌicën. Axa bamatëcënti ca ꞌaíma ꞌicën. —Usa ca —quixun ꞌunánquin cananuna ësaquinribi ꞌunanin, nun ꞌuchacama ëni Cristobë bamacësa ꞌaish cananuna abë baísquicësa ꞌaish xënibua ꞌaínbi abë ꞌiti ꞌain.

Romanos 8:10

Aín ꞌucha cupí ca camabi uni bamaia. Usa ꞌaínbi camina mitsux, Cristo mitsubë cupí, Nucën Papa Diosan iscëx upí ꞌain. Usa ꞌain ca mitsun namíxa bamacëbëbi mitsun bëru ñunshin bamatimoi Nucën Papa Diosbë ꞌiti ꞌicën.

Romanos 8:37

Usa ñu ꞌicëbëtanbia Cristonën nu nuibaquin cushiocëx cananuna ami catamëti ëníma amiira cushiin, tëmëracëma pain ꞌaíshnu ꞌicësamairai.

1 Corintios 6:17

Usa ꞌaínbi ca uinu ꞌicë unix cara Nucën ꞌIbu Jesucristonan ꞌicë, an sináncësaribi oquin sinani abë achúshisa ꞌicën.

2 Corintios 1:24

Jesucristomi upiti sinani camina mitsux ami cushicë ꞌain. Mitsúxmi usai ꞌia cananuna nun cacësa oími ꞌinun mitsu caiman. Jesucristomi upiti catamëcë ꞌaíshmi chuámashirua tani cuëëni upitax bucunun quixuinshi cananuna mitsu ꞌaquinsa tanin.

2 Corintios 10:3

Asérabi cananuna nux unishi ꞌaíshbi ënë nëtënu ꞌicë unicama ꞌicësaribiti ꞌacanániman.

2 Corintios 11:10

Cristonan ꞌaish cëmëquinma cana mitsu cain, Acaya menu ꞌicë unicamaxa atúinsa ꞌë ñu ꞌinánxa quitin rabanan cana a ñubi bitima ꞌain.

2 Corintios 13:3

Mitsun camina upí oquin ꞌunántisa tan, carana Cristonën sinánmicësabi oquin unicama bana ñuixuni quixun. ꞌËx mitsu isi amiribishi cuanxun, an ñu ꞌaisama ꞌacë unicama cushin cacëbëtan, camina ꞌunánti ꞌain, Cristo ax ca asérabi ꞌëbë ꞌicë quixun. Cristo ax ca cushiñúmama ꞌicën. Usa ꞌixun ca mitsu sinanamianan ami catamëtími upí ꞌinun ꞌimiquin, aín cushi mitsu ismiti ꞌicën.

2 Corintios 13:5

Mitsúnbi camina sinánti ꞌain, caramina asérabi Cristomi catamëti ax cuëëncësabi oi ꞌi quixun. Upí oquin ca sinan. ¿Caramina ꞌunaniman. Jesucristo ax ca asérabi mitsubë ꞌicë quixun? Asérabi Cristonanma ꞌain ca ax mitsubëma ꞌicën.

2 Corintios 5:14

Cristonën ca camabi uni ꞌitsaira nuibatia quixun ꞌunánquin cananuna a sinánquin —usa ca —quixun atu cain. Cananuna ꞌunanin, ax achúshi ꞌaíshbi ca Nucën Papa Dios cuëëncësabi oi camabi unin ꞌucha cupí bamacëxa. Usaía Cristo ꞌiá ꞌain, cananuna tëmëraíbi nux cuëëncësabi oi ꞌima, ax cuëëncësabi oi ꞌiti ꞌain.

2 Corintios 5:15

Aín unicamaxa ënë nëtënuax atux cuëëncësa oi ꞌima, ax cuëëncësabi oi ꞌinun ca Cristo, axa atu cupí bamatancëx baísquia, ax camabi unin ꞌucha cupí bamacëxa.

2 Corintios 5:7

A isímabi cananuna ënë nëtënuax ami catamëti ax cuëëncësoi ꞌin.

Gálatas 1:4

Ënë menu ꞌicë ñuishi ꞌatia an sináncë unicaman ꞌacësaribi oquin ñu ꞌatima ꞌati rabanan nu ië́mi ca ax bamatsianxmabi nun ꞌucha cupí bamacëxa, Nucën Papa Dios cuëëncësabi oi.

Gálatas 2:16

Usa ꞌixunbi cananuna ꞌunanin, Moisésnën usai ca judíos unicama ꞌiti ꞌicë quixun cuënëo bana quiásabi oquian ñu ꞌacë cupíma Jesucristomi catamëcë cupíshi ca uni Nucën Papa Diosan aín ꞌuchacama tërë́nquin ainan isia. Usaquin ꞌunani cananuna nuxribi Nucën Papa Diosan iscëx upí ꞌinux Jesucristomi catamëacën. Usai ca unicama ꞌiti ꞌicë quicë bana ꞌacë cupíma ca Nucën Papa Diosan uni ainan ꞌicë upí isia.

Gálatas 3:11

Nucën Papa Diosan bana cuënëo ca ësaribiti quia: “Ui unicama cara Nucën Papa Diosan upí isia, ax ca asérabi ami catamëti tsóti ꞌicën”. Usaquin cuënëo bana ꞌunánquin cananuna ꞌunanin, Moisésnëan usai ca judíos unicama ꞌiti ꞌicë quixun cuënëo bana ꞌacë cupíma ca Nucën Papa Diosan uni ainan ꞌicë upí isia, quixun.

Gálatas 5:24

Cristo nun ꞌucha cupí i curúsocënu bama ꞌain cananuna nun nu ñunshínquin ꞌasaribi oquin ꞌatëcënuxunma ñu ꞌatimacama ëan.

Gálatas 6:14

Usa ꞌaínbi cana ꞌëxbi rabiacaquinma, i curúsocënua ax bama ꞌaían a cupí uni ië́ti, Nucën ꞌIbu Jesucristo, ashi rabin. Cristo i curúsocënu bama cupí cana a ꞌën ꞌatia Nucën Papa Dios cuëëncëma ñucama ëni, usa ñu ꞌatëcënti cuëëniman. ꞌImainun ca unin a ꞌatia Nucën Papa Dios cuëëncëma ñu ꞌë ꞌamitima ꞌicën.

Efesios 3:17

ꞌImainun cana Cristomi catamëtia an mitsubë ꞌixun an cushiocë ꞌaish, uisai cara ꞌíbi bëtsibë bëtsibë nuibananquinmi,

Efesios 5:2

Nucën Papa Dios cuëëncësabi oquin judíos unin aín ꞌucha cupí rëcë́xa carnero ꞌiásaribiti ca bamatsianxmabi Cristo nu nuibati nun ꞌucha cupí bamacëxa, ami catamëtíshinu ië́nun. Cristonëan nu usoquin nuibacë ꞌain camina mitsúxribi usaribiti bëtsibë bëtsibë nuibananti ꞌain.

Efesios 5:25

Ainan ꞌinun unicama nuibati ca Cristo bamatsianxmabi bamacëxa. Usoquin ca an aín unicama nuibatia. Usaribi oquin ca bëbuxun xanuñu ꞌixun aín xanu nuibati ꞌicën.

Filipenses 1:21

Ainan ꞌaish cana ënë nëtënuax abë ꞌaish cuëëinra cuëënin. Usai ꞌitancëx bamatancëx cana ënë nëtënuax ꞌicësamairai abë aín nëtënu ꞌaish cuëëinra cuëënti ꞌain.

Filipenses 4:13

Usa ꞌixun cana uisa ñu cara ꞌicëbëtanbi tënëquin Cristo cuëëncësabi oquin ꞌati ꞌain, usai ꞌinun an cushiocë ꞌixun.

Colosenses 1:27

Uisaira upí cara a bana ꞌicë quixun ca Nucën Papa Diosan aín unicama ꞌunánmisa tancëxa. A banax ca judíosma unicamananribi ꞌicën. A banax ca ësai quia, Cristo ax ca mitsubë ꞌicën. Axa mitsubë ꞌain camina aín nëtënuribi abë ꞌiti ꞌain.

1 Tesalonicenses 1:10

Acama ñuianan ca mitsun camina Nucën Papa Diosan Bëchicë Jesús bamacëbia anbi baísquimia, axa naínuax uti caini quixunribi ñuia. Ax ca an Nucën Papa Diosan, uni aín ꞌucha cupí castícancëbëtanbi, ainan ꞌicë nu ië́miti a ꞌicën.

1 Tesalonicenses 5:10

Jesucristo ax ca nuxnu bamacëma pain ꞌaish abë ꞌianan bamatancëxbi abë tsónun nu cupí bamacëxa.

Tito 2:14

Jesucristo ca ꞌitsianxmabi nu cupí bamacëxa, nun ꞌuchacama tërë́nxunquin Nucën Papa Diosbë upí ꞌinun ië́mianan nun sinan upí ꞌixúnu bëtsi ñu sinántëcënquinma ax cuëëncësabi oquinshi ꞌanun.

Hebreos 8:3

An unicaman ꞌucha Nucën Papa Diosan tërë́nun ñuina rëcë xaronux ca sacerdotenën cushicaman ꞌapu an Nucën Papa Dios aín unicama ñucáxuncë ꞌia. Usaribiti ca Jesús unicaman ꞌucha tërë́ncë ꞌinun ñuina rëtíma, a cupía unicaman ꞌucha tërë́ncë ꞌinun bamatsianxmabi bamacëxa.

1 Pedro 1:8

A isúnmabi camina mitsun Jesucristo sinanin. Usa ꞌain camina a isaxmabi ami sinani chuámarua tani cuëëinra cuëënin, anúnmi uisairai caramina cuëëni quixun nu ñuixunti bana ꞌaíma ꞌaínbi.

1 Juan 1:7

Usa ꞌaínbi cananuna axa ꞌicësaribiti ñu ꞌatima ꞌati sináncëma ꞌianan Nucën Papa Diosbë upí ꞌaish, axa ami catamëcë unicamabëribi upiti nuibananin. Usaínu ꞌia ca an, aín Bëchicë Jesucristo aín imi ꞌapati bama cupí, uisa ñu ꞌai caranuna ꞌuchai, abi nu tërë́nxunia.

1 Juan 4:14

Nunbi cananuna, an atun ꞌucha tërë́nquin ënë menu ꞌicë unicama ainan ꞌinun ië́minuan Nucën Papa Diosan xuá, aín Bëchicë a isacën. Isá ꞌixun cananuna a ñuiquin mitsu cain.

1 Juan 5:20

ꞌUnánan cananuna ësaquinribi ꞌunanin, aín Bëchicënën ca ënë menu ax uá ꞌaínu ami catamëtia uisa cara Nucën Papa Dios, axëshia asérabi Dios, ax ꞌicë quixun nu ꞌunánmia. Aín Bëchicë, Jesucristo, ax nubë ꞌain cananuna an ꞌaquincëx ax cuëëncësabi oi tsotin. Ax ca axëshi asérabi Dios ꞌaínu nux ainan ꞌaish abë xënibua ꞌaínbi ꞌiti a ꞌicën.

Apocalipsis 1:5

An uisaira cara Nucën Papa Dios ꞌicë quixun uni ꞌunánmicë, Jesucristonënribia nuibaquin ꞌaquincëxmi mitsux chuámarua ꞌiti cana cuëënin. Ax utëcëncëbë aín unicamaxribi bama ꞌaíshbi baísquinun, ca ax pain bamatancëx baísquiacëxa. Ax ca ënë nëtënu ꞌicë ꞌapucaman ꞌapu a ꞌicën. An ca nu nuibanan nun ꞌucha cupí aín imi ꞌapati bama ꞌixun nun ꞌuchacama tërë́anan,

Apocalipsis 3:20

Ënëx ca ësa ꞌicën. Bëtsi uni isi cuanxun ca unin aín xëpúti taxcaquin a xëocaxunun quixun caia. An aín xëpúti taxcaquin uni itsi cuëncë uni usaribi cana ꞌëx ꞌain. A unisaribi ꞌixun cana ui unin cara ꞌëmi sinánquin ꞌëx abë ꞌinun ꞌë caia a unibë ꞌiti ꞌain. Usai ꞌiquin cana unían abëtan piquin uni itsi ꞌunáncësaribi oquian ꞌë ꞌunánun a uni ꞌimiti ꞌain.