Gálatas 2:16 - Kashibo-Kakataibo Biblia

¹⁶ Usa ꞌixunbi cananuna ꞌunanin, Moisésnën usai ca judíos unicama ꞌiti ꞌicë quixun cuënëo bana quiásabi oquian ñu ꞌacë cupíma Jesucristomi catamëcë cupíshi ca uni Nucën Papa Diosan aín ꞌuchacama tërë́nquin ainan isia. Usaquin ꞌunani cananuna nuxribi Nucën Papa Diosan iscëx upí ꞌinux Jesucristomi catamëacën. Usai ca unicama ꞌiti ꞌicë quicë bana ꞌacë cupíma ca Nucën Papa Diosan uni ainan ꞌicë upí isia.

Nukën 'Ibu Diosan ain unikama 'inan ain bana

¹⁶ Usa 'ixunbi cananuna 'unanin, Moisésnën usai ca judíos unicama 'iti 'icë quixun cuënëo bana quiásabi oquian ñu 'acë cupíma Jesucristomi catamëcë cupíshi ca uni Nucën Papa Diosan aín 'uchacama tërë́nquin ainan isia. Usaquin 'unani cananuna nuxribi Nucën Papa Diosan iscëx upí 'inux Jesucristomi catamëacën. Usai ca unicama 'iti 'icë quicë bana 'acë cupíma ca Nucën Papa Diosan uni ainan 'icë upí isia.

Gálatas 2:16 ပူးပေါင်းရင်းမြစ်များ

Juan 20:31

Jesús ax ca asérabi Cristo, Nucën Papa Diosan Bëchicë ꞌicë quixun ꞌunanimi ami catamëti mitsux xënibua ꞌaínbi Nucën Papa Diosnan ꞌinun cana ënë banacama cuënëon.

Hechos 4:12

Nucën Papa Diosan ca nuxnu nun ꞌuchacama tërë́ncë ꞌaish abë ꞌinúan an nu ië́minun Jesúsëshi ꞌimiaxa. Usa ꞌain ca an Nucën Papa Diosnan ꞌinun nu ië́miti bëtsi uni ꞌaíma ꞌicën.

Romanos 1:17

A bana ꞌunáncë ꞌixúinshi cananuna ꞌunanin, uisaira oquin cara Nucën Papa Diosan ainan ꞌinun nu ië́mia quixun. Nun ꞌucha tërë́nun Jesucristomi catamëtiashi ca ainan ꞌinun nu ië́mia. Usai ami catamëcë cupíshi cananuna Nucën Papa Diosnan ꞌiti ꞌain. Usai ca ꞌiti ꞌicë quiax ca aín bana cuënëo ësai quia: “Ui unicama cara Nucën Papa Diosan upí isia, ax ca asérabi ami catamëti tsóti ꞌicën”.

Romanos 3:30

Nucën Papa Dios ax ca achúshi ꞌicën. An ca judíos unicama ꞌacësaribi oquin judíosma uniribi Jesucristomi catamëcë cupíshi, an iscëx aín nuitu upí ꞌinun ꞌimia.

Romanos 4:2

Aín ñu ꞌacë cupía Nucën Papa Diosan upí iscë ꞌaish ca Abraham —ꞌëxbi cana upí ꞌai —quiax rabía ꞌitsíanxa. Usa ꞌaínbi ca Nucën Papa Diosan iscëx, a cupía Abraham rabíti ñu ꞌaíma ꞌiacëxa.

Romanos 4:24

nuribi ñuiquin Nucën Papa Diosan aín uni cuënëomia ꞌicën. Usa ꞌain cananuna Nucën Papa Dios, an Nucën ꞌIbu Jesús bamacëbi baísquimia, an ca ami catamëcë cupíshi nu upí isia quixun ꞌunánti ꞌain.

Romanos 8:3

Uisa ñux cara ꞌati ꞌicë, uisa ñux cara ꞌatima ꞌicë quicë bana a ꞌunánquinbi ca aín sinan upíma ꞌixun unin a bana quicësabi oquin ꞌatima ꞌicën. Usa ꞌaínbi ca unían a bana quicësabi oquin ꞌanun quixun Nucën Papa Diosan aín Bëchicë, nusaribi uni ꞌinun, xuacëxa. Xutancëxun ca aín Bëchicë, ꞌuchañuma ꞌaíshbia camabi unin ꞌucha cupí bamanun ꞌimiquin uni, aín ꞌuchacama tërë́anan ꞌuchatëcëanxma ꞌinun mëníocëxa.

Romanos 9:30

¿Usa ꞌain caranuna uisai quiti ꞌain? Cananuna quiti ꞌain, judíosma unibunën ca, judíos unibu ca usai ꞌiti ꞌicë quicë bana ꞌunáncëma ꞌixun Nucën Papa Diosan aín nuitu upí isnun a bana ꞌati sinánma ꞌicën. Sinánma ꞌicëbi ca aín ꞌuchacama tërë́nun Jesucristomi catamëcë cupíshi Nucën Papa Diosan aín nuitu upí isia.

1 Corintios 6:11

Usa uni camina mitsu raírinëx ꞌiacën. ꞌIá ꞌaínbi ca mitsun ñu ꞌatima ꞌacëcama tërë́ncë ꞌain mitsun nuitu upí ꞌicën. Usa ꞌaish camina Nucën ꞌIbu Jesucristo cupí, Nucën Papa Diosan Bëru Ñunshin Upitan ꞌimicëx, an iscëx ainan ꞌain.

Gálatas 4:5

Ax ca judíos uni ꞌaíshnu nux Moisésnën cuënëo bana cuacë ꞌicë, an ꞌimicëxëshi nun ꞌuchacama tërë́ncë ꞌaish Nucën Papa Diosan bëchicë ꞌinun nu ꞌiminux uacëxa.

Gálatas 5:4

Uicaman caramina —Moisésnëan usai ca judíos unicama ꞌiti ꞌicë quixun cuënëo bana quicësabi oquin ꞌacë cupí ca ainan ꞌicë Nucën Papa Diosan ꞌë upí isia —quixun sinani, mix camina upí ꞌinux ami catamëtancëxunbi Cristo ëncë ꞌain. Usa ꞌaish camina Nucën Papa Diosnanmasa ꞌain.

Filipenses 3:9

Usa ꞌaish cana usai judíos unicama ꞌiti Moisésnën cuënëo bana quicësabi oquin ꞌacë cupíma axa ꞌëbë ꞌinun Cristomi catamëcë cupíshi Nucën Papa Diosan iscëx upí ꞌain. Usa ꞌicë ca an axa Cristomi catamëcë aín unicama ꞌacësaribi oquin Nucën Papa Diosan ꞌë upí isia.

1 Pedro 1:2

An sinánsabi oquin ainan ꞌinun ca Nucën Papa Diosan mitsu caísacëxa. Aín Bëru Ñunshin Upitan ꞌimicëxmi ainanshi ꞌaish ax quicësabi oi ꞌinun mitsu ꞌimianan ca Jesucristo bama cupí mitsun ꞌuchacama tërë́nquin mitsun nuitu upí ꞌimiaxa. Usaími mitsux Nucën Papa Diosan nuibacëx ꞌicësamaira oi chuámarua ꞌaish bucucanti cana cuëënin.

1 Pedro 2:24

Nun ꞌuchacama cëñucë ꞌaíshnu amiribishi ñu ꞌatima ꞌatëcënima, ñu upíshi ꞌai tsónun ca Cristo nun ꞌuchacama bicë cupí i curúsocënu bamacëxa. Mitsúxmi ñu ꞌatima ꞌai ꞌinsíncësa ꞌaíshbi upí ꞌinun ca ax ꞌaisamaira oquin paë tënëi bamacëxa.

1 Pedro 3:18

Ax upí ꞌaíshbi ca Cristo camabi unin ꞌucha cupí achúshitishi bamacëxa, unicama ami catamëti Nucën Papa Diosnan ꞌinun. Uni ꞌaish bamatancëxbi aín namibë aín bëru ñunshin ꞌitëcëni baísquiax ca bëtsi ꞌiacëxa.

2 Pedro 1:1

ꞌËx cana Simón Pedro, ax cuëëncësabi oquin ꞌanan aín bana uni ñuixunuan Jesucristonën caísa ꞌain. An nu ië́micë Jesucristo, axbi Nucën Papa Diosribi ꞌaish upí ꞌixuan nu ꞌacësaribi oquin ainan ꞌinun ië́micë, mitsu cana ënë quirica buánmin.

1 Juan 1:7

Usa ꞌaínbi cananuna axa ꞌicësaribiti ñu ꞌatima ꞌati sináncëma ꞌianan Nucën Papa Diosbë upí ꞌaish, axa ami catamëcë unicamabëribi upiti nuibananin. Usaínu ꞌia ca an, aín Bëchicë Jesucristo aín imi ꞌapati bama cupí, uisa ñu ꞌai caranuna ꞌuchai, abi nu tërë́nxunia.

Apocalipsis 7:14

Cacëxun cana can: —ꞌËn cana ꞌunaniman. Min camina ꞌunanin. Cacëxun ca ꞌë caxa: —ꞌËnë unicaman ca ami sináncë cupí ꞌaisamaira tëmëraquinbi Nucën Papa Diosmi catamëti ëncëma ꞌicën. Atux ca Carnero ꞌicësaribitia unin ꞌucha cupí aín imi ꞌapati bama, ami catamëti aín ꞌuchacama tërë́ncë ꞌaish aín nuitu upí ꞌaish chucacësa ꞌicën, aín chupa uxuira axa chuañumasa ꞌinun.

Apocalipsis 7:9

Usaquin cuatancëxun cana unin tupúntisama, ꞌaisamaira uni isan. Acamax ca camabi menuax ucë ꞌaish bëtsi bëtsi unibu ꞌiaxa. Usa ꞌaish ca bëtsi bëtsi banan bananan anua Nucën Papa Dios, ax ꞌApuira ꞌicë, a ꞌimainun Carnero ꞌicësaribitia unin ꞌucha cupí bama, aín bëmánon sëtë́cë ꞌiaxa. A camáxbi ca aín chupa uxua ꞌianan xëbin pëchisa ñu pëchi tuíncë ꞌiaxa.