Gálatas 2:15 - Kashibo-Kakataibo Biblia

¹⁵ ꞌË ꞌimainun ꞌëbë ꞌicë unicamax cananuna judío unin rëbúnqui ꞌaish judío uni ꞌain. Nux cananuna an Nucën Papa Diosan bana ꞌunáncëma judíosma unicamasaribima ꞌain.

Nukën 'Ibu Diosan ain unikama 'inan ain bana

¹⁵ 'Ë 'imainun 'ëbë 'icë unicamax cananuna judío unin rëbúnqui 'aish judío uni 'ain. Nux cananuna an Nucën Papa Diosan bana 'unáncëma judíosma unicamasaribima 'ain.

Gálatas 2:15 ပူးပေါင်းရင်းမြစ်များ

Mateo 9:11

Jesúsbëtan a unicaman piia isquin ca aín ꞌunánmicë unicama fariseo unicaman ñucáquin cacëxa: —¿Uisa cupí cara an mitsu ꞌunánmicë unin an ꞌapu buánmiti curíqui bicë unicamabëtan pianan ꞌuchañu unicamabëtan pin?

Lucas 24:7

Ësaquin ca mitsu caëxanxa: Uni ꞌinux Nucën Papa Diosnuax uá ꞌicë, ca ꞌë ꞌatima unin, uni itsían ꞌë ꞌaminun ꞌinánti ꞌicën. ꞌInáncëxun ca i curúsocënu bamanun ꞌë matásti ꞌicën. Matáscëx asérabi bamatancëx cana rabë́ ꞌimainun achúshi nëtë ꞌiónxa pëcaratëcëncëbë baísquiti ꞌai quixun.

Hechos 22:21

Usaquin cacëxunbi ca Nucën ꞌIbu Jesusan ꞌë cacëxa: Camina cuanti ꞌain. Cana ꞌura ꞌicë judíosma unicamami bana ñuixunun mi xuti ꞌain.

Romanos 3:9

¿Nucën Papa Diosan cara judíos unicama bëtsi unicamasama upíira isin? Usama ca. Cana mitsu can, judíosma unicama ꞌicësaribiti ca judíos unicamaribi aín sinan upíma ꞌaish ꞌuchañu ꞌicën.

Romanos 4:16

Usa ꞌain ca Nucën Papa Diosan Abraham ꞌimainun aín rëbúnquicamaxa atun ñu ꞌacë cupíma ami catamëtíshi asérabi ainan ꞌiti mëníocëxa. Judíos unibu, an atun cuati bana quicësabi oquin ꞌacë, a unicamaishima, uicamax cara Abraham ꞌicësaribiti Nucën Papa Diosmi catamëtia, a camabi ca Nucën Papa Diosan ainan ꞌinun ꞌimia. Usa uni ꞌaish cananuna nucamaxribi Abrahamnën rëbúnquisa ꞌain.

Gálatas 2:17

Nun ꞌucha sinánquin cananuna nun ꞌucha tërë́nquin nu ië́minun Cristo cain. ¿Usaquin caquin caranuna Cristonën ca nu ꞌuchañu ꞌimia quixun cain? Usama ca.

Efesios 2:3

Nunribi cananuna camaxunbi nun sináncësa oquinshi sinánan nun sinan ꞌatima ꞌixun nux cuëëncësabi oquin ꞌacën. Usai ꞌicë ꞌaish cananuna raíri unicamasaribi ꞌaish numi nishquian Nucën Papa Diosan castícanti ꞌiacën.

Filipenses 3:4

ꞌËx ꞌunántioracacë cupí cana judíos uni ꞌaish upí ꞌai quixuan atun sináncë ꞌaínbi cana ꞌëx ꞌiisa tani atúxa ꞌicësamairai rabítsian. Uinu ꞌicë unínbi ca ꞌën ꞌacësamaira oquin usai judíos unicama ꞌiti Moisésnën cuënëo bana quicësabi oquin ꞌacëma ꞌicën.

Tito 3:3

Nuxribi cananuna sinánñuma ꞌaish Nucën Papa Diosan bana quicësabi oi ꞌiáma ꞌain. Usa ꞌaish cananuna ñu ꞌatimaishi ꞌanúan bëtsi unin sinánmicëxun ꞌanan nunbi sinani nux cuëëncësabi oi ñunshini ꞌiacën. ꞌAisama ñuishi ꞌanan cananuna bëtsi unimi nutsianan numia uni nishcëx abë nishanancën.

1 Samuel 15:18

Usa ꞌikë ka Nukën ꞌIbun, minmi Amalecita ꞌuchañu unibu abë ꞌakanankin aín suntárukama këñukinshi ꞌanun mi kaxa.