Gálatas 2:14 - Kashibo-Kakataibo Biblia

¹⁴ Acamaxa —judíos uni cupíma Jesucristomi catamëtíshi ca uni ië́ti ꞌicë —quixun ꞌunanibi usai ꞌia isquin cana axa Jesucristomi catamëcë unicama timë́cënuxun Pedro ësaquin cacën: ¿Mix judío uni ꞌaíshbi judíoma uni ꞌicësai ꞌiquinbi caramina uisa cupí judíosma unia judíos unicama ꞌicësai ꞌinun quixun cain?

Nukën 'Ibu Diosan ain unikama 'inan ain bana

¹⁴ Acamaxa —judíos uni cupíma Jesucristomi catamëtíshi ca uni ië́ti 'icë —quixun 'unanibi usai 'ia isquin cana axa Jesucristomi catamëcë unicama timë́cënuxun Pedro ësaquin cacën: ¿Mix judío uni 'aíshbi judíoma uni 'icësai 'iquinbi caramina uisa cupí judíosma unia judíos unicama 'icësai 'inun quixun cain?

Gálatas 2:14 ပူးပေါင်းရင်းမြစ်များ

Salmos 15:2

Anu ka ꞌiti ꞌikë an upí ñuishi ꞌakë ꞌimainun an upíokinshi ꞌakin ënkinma abi ñu upíshi ꞌakë uni; ax kuni ka ꞌain bana kikësokinshi ꞌai upí ꞌiti ꞌikën;

Salmos 84:11

Nukën ꞌIbu Dios an ka ꞌakianan nu bërúaia; Diosan ka uni an ñu upí ꞌai tsókë akama nuibanan ꞌakinia, ꞌakianan kana ꞌinanima kixun ñu upí ñonkinma ꞌinania.

Levítico 19:17

Mix abë ꞌikë unimi ꞌatimakin sinani kamina ami nishtima ꞌain. Min ꞌunánkë unían ꞌatima ñu ꞌaisatania ꞌunánkin kamina ꞌaxunma ꞌanun kati ꞌain. Usakin ñu ꞌaia iskinbi min ꞌunánkë uni kakëma ꞌaish kamina abëbi ꞌuchakë ꞌiti ꞌain.

Hechos 10:28

Isquin ca atu cacëxa: —Mitsun camina ꞌunanin, ax quicësabi oía judíos unicama ꞌiti bana ca quia, judíos uníxa judíosma unibë timë́anan aín xubunu atsínti ca ꞌaisama ꞌicë quiax. ꞌËnribi a bana ꞌunáncë ꞌicëbi ca Nucën Papa Diosan uinu ꞌicë unibi, ꞌaisama ca quixun ñuixunma ꞌanun ꞌë ꞌunánmiaxa.

Hechos 15:1

Usa ꞌain ca judíos uni raíri Judea menuax Antioquíanu cuanxun, axa Jesucristomi catamëcë unicama ësaquin cacëxa: Mitsux asérabi Nucën Papa Diosnan ꞌinux ië́tisa tani camina Moisés quiásabi oi ꞌunánti oracacë ꞌiti ꞌain.

Hechos 15:24

Nun xucë́xmabi cuanxun isa uni raírinën mitsubë banaquin, usai judíos unicama ꞌiti Moisés quiásabi oi camina ꞌiti ꞌain quixun caquin mitsu masá nuitumiaxa quixuan ñuicania cananuna cuan.

Hechos 15:5

Usa ꞌain ca axa Jesucristomi catamëcë fariseo unicama raírinëx nirui quiacëxa: —Judíosma ꞌaíshbia ax Jesucristomi catamëcë unicamax ca ꞌunántiocë ꞌianan usaía judíos unicama ꞌiti Moisésnën cuënëo bana raíri quicësaribi oi ꞌiti ꞌicë —quiax.

Romanos 14:14

Nucën ꞌIbu Jesúsnan ꞌixun cana ꞌunanin, camabi piti ñu piti ca asábi ꞌicë quixun. Usa ꞌaínbi ca a uni —Nucën Papa Diosan sinánëx ca a ñux pitima ꞌicë —quixun sinánquinbi picë ꞌaish ꞌuchati ꞌicën.

Gálatas 1:18

Rabë́ ꞌimainun achúshi bari inúcëbë pain cana Jerusalénu Pedro isi cuancën. Cuanx cana anu abë rabë́ semana ꞌimainun achúshi nëtë ꞌiacën.

Gálatas 1:6

Cristonën nuibacë ꞌaíshmi ainan ꞌinúan Nucën Papa Diosan caísquin sinánmicë ꞌixunbimi mitsun aín bana ënquin bëtsi bana cuacëbëtan, cana uisacatsi caramina usari ꞌicani quixun sinanin.

Gálatas 2:3

ꞌËn usoquin judíosma uni bana ñuixuncë chiquinaxuncëxun ca —asábi ca —quixun sinánquin —griego uni ꞌicë camina Tito judíos unicama ꞌicësaribitia ꞌinun ꞌunántioracamiti ꞌai —quixun ꞌë cáma ꞌicën.

Gálatas 2:5

A unicaman judíosma unicamax ca judíos unicama ꞌicësa ꞌiti ꞌicë quixun nu sinánmisa tancëxunbi cananuna, mitsúnmi Jesucristomi catamëtishi ca uni ië́ti ꞌicë quixun asérabi ꞌunánti cupí, atun nu cacësa oquin sinánma ꞌain.

Gálatas 2:7

Bëtsi ñu ꞌanun ꞌë caquinmabi ca a cushi unicaman, judíos unicama bana ñuixunuan Pedro ꞌamicësaribi oquin ca Nucën Papa Diosan judíosma unicama bana ñuixunun ꞌë ꞌamiaxa, quixun ꞌunáncëxa.

Gálatas 2:9

Nucën Papa Diosan usaquin ꞌë ꞌimicë ꞌicë ꞌunánquin ca Jacobo, Pedro, Juan, acaman atux Jesucristomi catamëcë unicaman cushi ꞌixun Bernabécëñun ꞌë aín mëcën ꞌinánquin, —asérabi camina nu ꞌacësaribi oquin Cristo ñuiquin aín bana ñuixunun Nucën Papa Diosan caíscë ꞌai —quixun canan —nun nu judíos unicama bana ñuixunmainun camina mitsun judíosma unicama bana ñuixuni cuanti ꞌai —quixun nu cacëxa.

Gálatas 6:12

An —camina ꞌunántioracacë ꞌiti ꞌai —quixun caquin mitsu ꞌunánmicë unicaman ca judíos unicama cuëënmiti cupíshi usaquin ꞌunánmia. I curúsocënua ax bama, Cristo, ami catamëtishi ca uni ië́ti ꞌicë quicë, a bana cupí bëtsi bëtsi ocë ꞌitin rabanan ca —mitsux camina ꞌunántioracacë ꞌiti ꞌai —quia.

Colosenses 1:5

Nucën Papa Diosan mëníosabi oi aín nëtënu abë ꞌiti sinani camina usai ꞌicanin. Jesucristomi catamëti aín ꞌuchacama tërë́ncë ꞌaish ca uni ainan ꞌaish xënibua ꞌaínbi Nucën Papa Diosbë ꞌiti ꞌicë quixuan aín unin mitsu ñuixuncëxun camina a bana cuaquin upí oquin ꞌunáncan.

1 Timoteo 5:20

Usa ꞌixuan asérabi ënquinma ꞌaisama ñu ꞌaia camina axa Jesucristomi catamëcë unicama timë́cënuxun sinanatánun ꞌësëti ꞌain, usaquinmi caia cuaquian axa Jesucristomi catamëcë uni raírinën —ꞌënribi cana usaquin ꞌatima ꞌai —quixun sinánun.

Hebreos 12:13

Usa ꞌixunmi mitsun aín cuëëncësa oquin ꞌaia isquin ca raíri uniribi ami catamëti upí oquin ꞌunáncëma ꞌaíshbi a ëníma mitsux ꞌicësaribiti ꞌiti ꞌicën. Usaía atux ꞌinun camina Jesucristomi catamëquin aín cuëëncësa oquin ꞌati ꞌain.

Hebreos 9:10

Nucën Papa Diosan ca usoquin judíos unibunën ꞌati ñuiquin bëtsi bëtsi ñuina nami pitima ꞌimainun amiribi amiribi mëchucati, usa ñucama ꞌanun quixun mëníocëxa. Usai a banacama quicësabi oi ꞌibi ca atun nuitu upí ꞌima. An Jesucristo xuisama pain ꞌaían judios unibunën usa ñucama ꞌanun ca Nucën Papa Diosan mëníocëxa.