Gálatas 2:12 - Kashibo-Kakataibo Biblia

¹² Jacobonëan xucë́xa uni raíri ucëma pain ꞌain ca Pedronën judíosma unicamabëtan piacëxa. Usaquin ꞌaxunbi ca Jacobonëan xucë unicama ucëbëtan atubëtan piquinma, judíosma unicama ëancëxa, axa Jerusalénuax ucë unicaman a ñu cati rabanan.

Nukën 'Ibu Diosan ain unikama 'inan ain bana

¹² Jacobonëan xucë́xa uni raíri ucëma pain 'ain ca Pedronën judíosma unicamabëtan piacëxa. Usaquin 'axunbi ca Jacobonëan xucë unicama ucëbëtan atubëtan piquinma, judíosma unicama ëancëxa, axa Jerusalénuax ucë unicaman a ñu cati rabanan.

Gálatas 2:12 ပူးပေါင်းရင်းမြစ်များ

Isaías 65:5

A unikamax ka ësai kiakëxa, nu ꞌurama oíma kamina ꞌuri bërúti ꞌain; numi ꞌurama onuma kananuna upíira upí ꞌain; usa ꞌain kamina nu ramëtima ꞌain. Usa ꞌain ka a unikamax tikakëxa tsi nëtë́timaira bari buini ërë́kë usaribi ꞌikën; usa ꞌixun ka tsin kuinan rëtunkakëx ubikë usai ꞌinun ꞌë ꞌimia.

Lucas 15:2

Usoquian aín bana camaxunbi cuaisa tania isi ca fariseo unicama ꞌimainun an Moisésnën cuënëo bana ꞌunáncë unicamax nishi canancëxa, ënë unin ca ꞌuchañu unicamabë timë́xun abëtan piia.

Lucas 5:38

Usa ꞌain ca ñu chëcacë ñuina xacá chumusa oquin ꞌacë iónushi ꞌaruti ꞌicën.

Hechos 10:28

Isquin ca atu cacëxa: —Mitsun camina ꞌunanin, ax quicësabi oía judíos unicama ꞌiti bana ca quia, judíos uníxa judíosma unibë timë́anan aín xubunu atsínti ca ꞌaisama ꞌicë quiax. ꞌËnribi a bana ꞌunáncë ꞌicëbi ca Nucën Papa Diosan uinu ꞌicë unibi, ꞌaisama ca quixun ñuixunma ꞌanun ꞌë ꞌunánmiaxa.

Hechos 12:17

Ratúcaniabi ca nëtë́nun quixun aín mëcënan sanánquin, usoquin ca Nucën ꞌIbu Diosan sipunua ꞌë chiquínbëtsinquin bëaxa quixun atu ñuixuancëxa. Ñuixuntancëxun ca cacëxa: —ꞌËn mi cacë banacama ënë camina Jacobo ꞌimainun nun xucë́antu ñuixunti ꞌai —quixun. Cabiani ca ëma itsinu cuancëxa.

Gálatas 2:14

Acamaxa —judíos uni cupíma Jesucristomi catamëtíshi ca uni ië́ti ꞌicë —quixun ꞌunanibi usai ꞌia isquin cana axa Jesucristomi catamëcë unicama timë́cënuxun Pedro ësaquin cacën: ¿Mix judío uni ꞌaíshbi judíoma uni ꞌicësai ꞌiquinbi caramina uisa cupí judíosma unia judíos unicama ꞌicësai ꞌinun quixun cain?

Gálatas 2:9

Nucën Papa Diosan usaquin ꞌë ꞌimicë ꞌicë ꞌunánquin ca Jacobo, Pedro, Juan, acaman atux Jesucristomi catamëcë unicaman cushi ꞌixun Bernabécëñun ꞌë aín mëcën ꞌinánquin, —asérabi camina nu ꞌacësaribi oquin Cristo ñuiquin aín bana ñuixunun Nucën Papa Diosan caíscë ꞌai —quixun canan —nun nu judíos unicama bana ñuixunmainun camina mitsun judíosma unicama bana ñuixuni cuanti ꞌai —quixun nu cacëxa.

Efesios 2:15

Ax camabi unin ꞌucha cupí bamaquin ca Cristonën nux judíos uni ꞌixun Moisésnën cuënëo bana quicësabi oquin ꞌacë cupíma ami catamëcë cupíshi Nucën Papa Diosnan ꞌiti mëníocëxa. Usouni ꞌicësaribitia judíosma uniquin ca nux judíos uni ꞌaish ꞌicësaribitimi mitsúxribi ami catamëcë cupí ainan ꞌinun ꞌimiaxa. Usa ꞌain cananuna camáxbi ainan ꞌaish sënën ꞌain.

Efesios 3:6

Unin ꞌunánma ꞌaínbi ca a bana ësai quia, judíos unicama ꞌicësaribiti ca judíosma unicama, Cristo Jesús bama cupí ami catamëti Nucën Papa Diosan uni ꞌianan abë aín nëtënu ꞌiti ꞌicën, ax quiásabi oi.

1 Tesalonicenses 5:22

Uisa ñucamax cara ꞌatima ꞌicë, acama ënquin camina uisa ñu ꞌatimaratsubi ꞌatima ꞌicanin.