Gálatas 2:11 - Kashibo-Kakataibo Biblia

¹¹ Usa ꞌain cana ꞌëx Antioquía ëmanu ꞌixun Pedro Jerusalénuaxa ucë upí oquian asérabi Jesusan bana ꞌaiamoquin ñu cacën.

Nukën 'Ibu Diosan ain unikama 'inan ain bana

¹¹ Usa 'ain cana 'ëx Antioquía ëmanu 'ixun Pedro Jerusalénuaxa ucë upí oquian asérabi Jesusan bana 'aiamoquin ñu cacën.

Gálatas 2:11 ပူးပေါင်းရင်းမြစ်များ

Jeremías 1:17

Usa ꞌain kamina mix atu ꞌën kakë banakama kai kuanux rakuë́ti sinanima, anun ꞌakánanti nëtën ꞌikësai mëníokati ꞌain; usa ꞌain kamina kuantankëxun ꞌën mi kakë banakama atu kai kuanti ꞌain. Atumi kamina rakuë́tima ꞌain, atumi rakuë́tia kana ꞌën mi, atunu kuanimi rakuë́ti bërënun ꞌimiti ꞌain.

Jonás 1:3

Ësokin kakëxbi ka Jonás Diosan kakësabiokin ꞌaíma, uisaxira kara abáti ꞌikë kixun pain sinántankëx, anuaxa manë nunti Jope kakë ëmanu kuani chikiti anu kuankinbi ka, achúshi manë nunti ꞌuraira menu ꞌikë ëma Tarsisnu kuanti ꞌuramashi ꞌikë mërakëxa; mëraxun ka anun kuanuxun kupíokëxa, kupíotankëx ka anun kuani ꞌiruakëxa.

Jonás 4:9

Usai ꞌiabi ka Diosan kakëxa: —¿Usaími an mi tupë́onkë itsi barin aín pëikëñunbi ë́skan nishkë ax kara asábi ꞌik? —¡ꞌËn sinánkëx ka asábi ꞌikën! —kixun ka Jonásnën kakëxa. ¡ꞌËn nishkënbi kana bamatisa tanin kixun ka kakëxa!

Números 20:12

ꞌAínbi ka Nukën ꞌIbun Moisés këñun Aarón kakëxa: —Mi rabëtan kamina ꞌën kakësabiokin Israel unikaman ismainun ꞌakëma ꞌain usa ꞌain kamina ënë unikamabëbi a me ꞌën mitsu ꞌinánti anu bëbantima ꞌain.

Mateo 16:23

Usaquin cacëx cuainacëquin ca Jesusan Pedro ñu caquin cacëxa: —Min camina ñunshin ꞌatimanën ꞌapu, Satanás, an sináncësa oquin sinanin. Usaquin sinánxunma ca ꞌat. Min camina ꞌë ñu ꞌatima ꞌamitisa tanin. ꞌËn Papa Dios cuëëncësabi oi ꞌiáxma ꞌëx ꞌinun quixun sinánquin camina unin sináncësa oquinshi sinanin.

Juan 1:42

Cabianquin ca aín xucën Jesúsnu buáncëxa. Buáncëx bëbaia isquin ca Jesusan bëñachaquin cacëxa: —Mix camina Juanën bëchicë, Simón, a ꞌain. ꞌAíshbi camina Cefas caquin anëcë ꞌiti ꞌain. Cefas quicë bana, ax ca Pedro qui quicë ꞌicën.

Hechos 11:19

Esteban pain rëtancëxun ca Jesucristomi catamëcë unicama axa atumi nishcë unicaman bëtsi bëtsi ocëxa. Usocëx ca tsuáqui raírinëxa Fenicia menu cuantamainun raírinëxribia nasí cha, Chipre cacë, anu cuantamainun raírinëxribi Antioquía ëmanu cuancëxa. Cuanxun ca bëtsi unibuma judíos unibuishi, Jesucristomi catamëti ca uni Nucën Papa Diosnan ꞌiti ꞌicë quixun bana ñuixuancëxa.

Hechos 11:20

Ñuixunmainun ca Chipre ꞌimainun Cirene menuaxa Jesucristomi catamëcë uni raíri anribishi Antioquía ëmanu cuanx bëbaxun, Nucën ꞌIbu Jesúsmi catamëti ca uni Nucën Papa Diosnan ꞌiti ꞌicë quixun, judíosma uniribi bana ñuixuancëxa.

Hechos 11:22

Usaía ꞌicëa ñuia ca axa Jesucristomi catamëcë unicaman Jerusalénuxun cuacëxa. Cuaxun ca Bernabé Antioquíanu cuantánun quixun xuacëxa.

Hechos 11:27

Saulobëa Bernabé Antioquíanu ꞌain ca an Nucën Papa Diosan sinánmicëxun unicama ñuixuncë uni raírinëx Jerusalénuax Antioquíanu uacëxa.

Hechos 15:1

Usa ꞌain ca judíos uni raíri Judea menuax Antioquíanu cuanxun, axa Jesucristomi catamëcë unicama ësaquin cacëxa: Mitsux asérabi Nucën Papa Diosnan ꞌinux ië́tisa tani camina Moisés quiásabi oi ꞌunánti oracacë ꞌiti ꞌain.

Hechos 15:5

Usa ꞌain ca axa Jesucristomi catamëcë fariseo unicama raírinëx nirui quiacëxa: —Judíosma ꞌaíshbia ax Jesucristomi catamëcë unicamax ca ꞌunántiocë ꞌianan usaía judíos unicama ꞌiti Moisésnën cuënëo bana raíri quicësaribi oi ꞌiti ꞌicë —quiax.

2 Corintios 11:5

Mitsúnmi, ꞌësamaira isa a unicama mitsun aín bana cuacë, ax ꞌicë quixun sináncëbëbi, cana ꞌën sináncëx ꞌëx atu meuma ꞌain.

2 Corintios 12:11

Mitsúnmi ꞌë rabicëma cupí cana sinánñuma uni banacësari rabiacan. Mitsúxira ꞌë rabi upiti banatisa ꞌixunbi camina —Pablosamaira ꞌaish ca an Pablo ñuicë unicama ënëx Nucën Papa Diosan uni ꞌicë —quixun sinánan ꞌën bana isa ñancáishi ꞌicë quixun sinánquin a unicaman mitsu ñuixuncë bana cuacanin. Usaquinmi mitsun sináncëbëbi cana ꞌëx a unicama meuma ꞌain, ꞌënbi ꞌaquinma, Nucën Papa Diosan aín cushin ꞌamicëxuinshi ꞌën ꞌacë cupí.

2 Corintios 5:16

Bëráma uni isquin, ax ca unishi ꞌicë quixun sinan ꞌixunbi cananuna bërí, uisa uni cara, —axribi ca Jesucristonan ꞌiti ꞌicë —quixun sinanin. Usaribi oquin —Cristo ax ca unishi ꞌicë quixun sinan ꞌixunbi cananuna bërí Cristo ax ca asérabi Nucën Papa Diosan Bëchicë, an nu ainan ꞌinun ië́micë, a ꞌicë quixun ꞌunanin.

Gálatas 1:18

Rabë́ ꞌimainun achúshi bari inúcëbë pain cana Jerusalénu Pedro isi cuancën. Cuanx cana anu abë rabë́ semana ꞌimainun achúshi nëtë ꞌiacën.

Gálatas 2:14

Acamaxa —judíos uni cupíma Jesucristomi catamëtíshi ca uni ië́ti ꞌicë —quixun ꞌunanibi usai ꞌia isquin cana axa Jesucristomi catamëcë unicama timë́cënuxun Pedro ësaquin cacën: ¿Mix judío uni ꞌaíshbi judíoma uni ꞌicësai ꞌiquinbi caramina uisa cupí judíosma unia judíos unicama ꞌicësai ꞌinun quixun cain?

Gálatas 2:5

A unicaman judíosma unicamax ca judíos unicama ꞌicësa ꞌiti ꞌicë quixun nu sinánmisa tancëxunbi cananuna, mitsúnmi Jesucristomi catamëtishi ca uni ië́ti ꞌicë quixun asérabi ꞌunánti cupí, atun nu cacësa oquin sinánma ꞌain.

Gálatas 2:7

Bëtsi ñu ꞌanun ꞌë caquinmabi ca a cushi unicaman, judíos unicama bana ñuixunuan Pedro ꞌamicësaribi oquin ca Nucën Papa Diosan judíosma unicama bana ñuixunun ꞌë ꞌamiaxa, quixun ꞌunáncëxa.

Gálatas 2:9

Nucën Papa Diosan usaquin ꞌë ꞌimicë ꞌicë ꞌunánquin ca Jacobo, Pedro, Juan, acaman atux Jesucristomi catamëcë unicaman cushi ꞌixun Bernabécëñun ꞌë aín mëcën ꞌinánquin, —asérabi camina nu ꞌacësaribi oquin Cristo ñuiquin aín bana ñuixunun Nucën Papa Diosan caíscë ꞌai —quixun canan —nun nu judíos unicama bana ñuixunmainun camina mitsun judíosma unicama bana ñuixuni cuanti ꞌai —quixun nu cacëxa.

1 Timoteo 5:20

Usa ꞌixuan asérabi ënquinma ꞌaisama ñu ꞌaia camina axa Jesucristomi catamëcë unicama timë́cënuxun sinanatánun ꞌësëti ꞌain, usaquinmi caia cuaquian axa Jesucristomi catamëcë uni raírinën —ꞌënribi cana usaquin ꞌatima ꞌai —quixun sinánun.

Santiago 3:2

Camaxunbi cananuna ñu ꞌaisama ꞌain. Axa uisaíbi ꞌatimati banacëma uni ax ca asérabi upí uni ꞌicën. A unin ca ꞌatimati banatisa tanquinbi tënëti ꞌunáncë ꞌixun uisa ñu ꞌatima ꞌati cara sinania, abi tënëti ꞌicën.

Judas 1:3

ꞌËn nuibacë xucë́antu, Jesucristomi catamëtia ca mitsun ꞌuchacama tërë́nquin ainan ꞌinun Nucën Papa Diosan mitsu ië́miaxa, ꞌë ꞌacësaribi oquin. Usami ꞌicë cana anun nux ië́ti banacama ñuiquin mitsu cuënëoxunti sinan. Usaquin sinánxunbi cana bëtsi bana pain mitsu buánmin, uni raírinëan Nucën Papa Diosan banamabi ñuicë bana a cuaxunma ꞌanun cananmi, Jesucristo ñui quicë bana, a Nucën Papa Diosan unicaman cuacë, ax ca asérabi ꞌicë quixuan camabi unin ꞌunánun, atu canun cana mitsu ënë quirica buánmin.