Gálatas 2:1 - Kashibo-Kakataibo Biblia

¹ Usa ꞌain cana catorce baritia ꞌicëbë Tito buani, Bernabébë Jerusalénu cuantëcëancën.

Nukën 'Ibu Diosan ain unikama 'inan ain bana

¹ Usa 'ain cana catorce baritia 'icëbë Tito buani, Bernabébë Jerusalénu cuantëcëancën.

Gálatas 2:1 ပူးပေါင်းရင်းမြစ်များ

Hechos 11:25

ꞌItsaira axa Jesucristomi catamëcë unicama ꞌain ca Tarso ëmanu, Saulo bari Bernabé cuancëxa. Cuanxun mëraxun ca Antioquíanu bëacëxa.

Hechos 11:30

Sinánxun achúshi achúshinën ꞌitsaira curíquiñu an ꞌitsa nanmainun ꞌitsamashi curíquiñu anribi ꞌitsamashi nantancëxun a curíquicama Saulocëñun Bernabé ꞌinánquin cacáncëxa: —Ënë curíquicama camina Judeanuxuan an Jesucristomi catamëcë unicama bana ñuixuncë unicama a ꞌinánti ꞌai —quixun.

Hechos 12:25

Usaía ꞌimainun ca Saulobë Bernabé Jerusalénuxun a buáncë curíqui unicama ꞌinántancëx, Juan ꞌicëbi Marcosribi cacë a buani, Antioquíanu cuantëcëancëxa.

Hechos 13:2

Usa ꞌixuan achúshi nëtën timë́xun ñu piquinma Nucën ꞌIbu Dios rabicëxun ca aín Bëru Ñunshin Upitan atu cacëxa: —ꞌËn caíscësabi oquian bana ñuixunun camina Saulocëñun Bernabé cati ꞌain.

Hechos 13:50

Usa ꞌaínbi ca judíos unicaman Pablocëñun Bernabé ñui ami ꞌatimati banaquin bëtsi bëtsi xanu Nucën Papa Diosmi sináncë ꞌianan —atux ca aín nuitu upí ꞌicë —quixun unin cacë acama ꞌimainun a ëmanu ꞌicë cushi unicamaribi Bërnabé ꞌimainun Pablomia nishnun quixun tsuáquirumiacëxa. Usocëxun ca Pablocëñun Bernabé bëtsi bëtsi oquin aín nëtënuaxa cuanun quixun xuacëxa.

Hechos 14:12

Quitancëx ca Bernabé ñui —ax ca Júpiter ꞌicë —quianan Pablo ñui, an uni bana ñuixuncë ꞌain, —ax ca Mercurio ꞌicë —quiacëxa.

Hechos 15:25

Usa ꞌain cananuna timë́xun, axa nubë nuibanancë Bernabé ꞌimainun Pablobë cuanxuan mitsu isi cuanun rabë́ uni caístancëxun xuti sinan.

1 Corintios 9:6

¿Axa mitsubë ꞌicë uni raírinën ꞌacësaribi oquin ꞌënribi Bernabébëtan ꞌën mëcënan ñu mëëquinma, Nucën Papa Diosan banaishi ñuixunti cara asábima ꞌitsíanx? Ca asábi ꞌitsíanxa.

2 Corintios 2:13

Cuëënia ñuixunti ꞌaíshbi cana nucën xucën Titobë mërananxma bënëti, anu ꞌicë unicama ëbiani, Macedonia menu cuan.

2 Corintios 8:16

Nucën Papa Diosan sinánmicëxun ca ꞌën ꞌacësaribi oquin Titon mitsu nuibaquin ꞌaquinsa tania. An usaquin Tito sinánmicë cupí cana Nucën Papa Dios —asábi ca —cain.

2 Corintios 8:23

An ꞌunáncëma unicaman —ui cara Tito ꞌicë —quixun ñucácëxun camina cati ꞌain, —an Pablobëtan ñu mëëquin mitsu ꞌaquinti uni ca ax ꞌicë —quixun. Canan camina abë cuancëcamaribi ñuiquian —ui cara —quixun ñucácëxun cati ꞌain, acamax ca axa Jesucristomi catamëcë unicaman xucë́xa cuancë ꞌicë quixun. Cristonën ꞌimicë ꞌixuan atun upí oquin ñu ꞌaia isquin ca —usa ca Cristonën uni ꞌicë —quixun camabi unin ꞌunania.

Gálatas 1:18

Rabë́ ꞌimainun achúshi bari inúcëbë pain cana Jerusalénu Pedro isi cuancën. Cuanx cana anu abë rabë́ semana ꞌimainun achúshi nëtë ꞌiacën.

Gálatas 2:13

Pedronëan usaquin ꞌaia isquin ca axa Jesucristomi catamëcë judíos unicama raírinënribi, judíosma unicama axribi Jesucristomi sináncë ꞌicëbi, atubëtan piquinbi ëancëxa. A unicamaxa usai ꞌia isi ca Bernabénëxribi usaribiti ꞌiacëxa.

Gálatas 2:3

ꞌËn usoquin judíosma uni bana ñuixuncë chiquinaxuncëxun ca —asábi ca —quixun sinánquin —griego uni ꞌicë camina Tito judíos unicama ꞌicësaribitia ꞌinun ꞌunántioracamiti ꞌai —quixun ꞌë cáma ꞌicën.

Gálatas 2:9

Nucën Papa Diosan usaquin ꞌë ꞌimicë ꞌicë ꞌunánquin ca Jacobo, Pedro, Juan, acaman atux Jesucristomi catamëcë unicaman cushi ꞌixun Bernabécëñun ꞌë aín mëcën ꞌinánquin, —asérabi camina nu ꞌacësaribi oquin Cristo ñuiquin aín bana ñuixunun Nucën Papa Diosan caíscë ꞌai —quixun canan —nun nu judíos unicama bana ñuixunmainun camina mitsun judíosma unicama bana ñuixuni cuanti ꞌai —quixun nu cacëxa.

Colosenses 4:10

Acëñun ꞌë sipuacancë Aristarco, ꞌimainun Bernabénën sëcë́nanë, Marcos, anribi ca bërúanx ꞌinun mitsu camia. A ñuiquin ꞌën cacë ꞌixun camina Marcos mitsu isi cuania upí oquin bicanti ꞌain.

Tito 1:4

Tito, ꞌën cana ënë quirica mi buanmin. ꞌËx ami sináncësaribi oi mixribi Jesucristomi sináncë ꞌaish camina ꞌën bëchicësa ꞌain. Nucën Papa Dios ꞌimainun Nucën ꞌIbu Jesucristo, an nu ainan ꞌinun ië́micë, an nuibacëxmi ainan ꞌaish chuámarua ꞌiti cana cuëënin.