Gálatas 1:6 - Kashibo-Kakataibo Biblia

⁶ Cristonën nuibacë ꞌaíshmi ainan ꞌinúan Nucën Papa Diosan caísquin sinánmicë ꞌixunbimi mitsun aín bana ënquin bëtsi bana cuacëbëtan, cana uisacatsi caramina usari ꞌicani quixun sinanin.

Nukën 'Ibu Diosan ain unikama 'inan ain bana

⁶ Cristonën nuibacë 'aíshmi ainan 'inúan Nucën Papa Diosan caísquin sinánmicë 'ixunbimi mitsun aín bana ënquin bëtsi bana cuacëbëtan, cana uisacatsi caramina usari 'icani quixun sinanin.

Gálatas 1:6 ပူးပေါင်းရင်းမြစ်များ

Marcos 6:6

An ca asérabi Nucën Papa Diosan cushínbi ñu ꞌaia quixuan sinaniama isi ca Jesús —¿uisa ꞌaish cara ënë unicama ësa ꞌicë? —quixun sinani ratúacëxa. Usai ꞌitancëx ca aín nëtënuax ëma chucúmaracamanu cuanquin Jesusan unicama bana ñuixuancëxa.

Juan 9:30

Cacëxun ca bëpë́xcucë unin cacëxa: —¿An ꞌë bëpë́xcucëbi caramina a uinuax cara uaxa quixun mitsun ꞌunaniman?

Hechos 15:11

Usa ꞌaínbi cananuna ꞌunanin, nun ꞌuchacama cupí ainanma ꞌaíshbi ami catamëcëxun ca nun ꞌuchacama tërë́nquin Nucën ꞌIbu Jesusan nu Nucën Papa Diosnan ꞌimiaxa. Judíosma unicamaxa ami catamëtia ca usaribi oquin ainan ꞌimiaxa.

Romanos 10:3

Uisai cara unicama Nucën Papa Diosan iscëx upí ꞌiti ꞌicë quixun ca ꞌunánma ꞌicën. —ꞌËnbi Moisésnën cuënëo bana quicësabi oquin ꞌacë cupíshi ca an ꞌën nuitu upí isia —quixun sinani ca Nucën Papa Dios cuëëncësabi oi Cristomi catamëti sinántisama tanxa.

Romanos 5:2

Jesucristomi catamëcë cupíshi cananuna uisaira oquin cara Nucën Papa Diosan nu nuibaquin nu ainan ꞌinun ꞌimia quixun ꞌunanin. Usoquin ꞌunani cuëënquin cananuna, nux cananuna Nucën Papa Diosnan ꞌaish aín nëtënu abë ꞌiti ꞌai quixun ꞌunanin.

Romanos 8:28

Cananuna ꞌunanin, Nucën Papa Diosan ca uisa ñu cara ꞌia abi, ax ami sináncë unicamaxa an ꞌaquincëx, upí ꞌinun mëníoxunia, atúan ax cuëëncësabi oquin ñu ꞌamainun. A unicama ax cuëëncësabi oquin ainan ꞌinun sinánmicë ꞌixun ca Nucën Papa Diosan usoquin ꞌaia.

Romanos 8:30

Uicamax cara usai ainan ꞌiti ꞌicë quixun ꞌunánquin ca Nucën Papa Diosan acama an sinánmicëxa ami catamëtia atun ꞌuchacama tërë́nquin ainan ꞌimiaxa. ꞌImiquin ca atux aín nëtënu abë ꞌiti ꞌimiaxa.

1 Corintios 4:15

ꞌItsa unin Cristo ñuiquin mitsu ñuixununbi cana ꞌën pain Jesucristo mitsu ñuixuancën. ꞌËn ñuixuncëxun cuati camina ami catamëacën. Usa ꞌain cana ꞌëxëshi mitsun papasa ꞌain.

2 Corintios 11:4

Mitsun camina uni itsían nun ꞌacësabi oquin Jesusan bana ñuixunquinma, a bana bëtsi oquin ñuixuncëxun cuatin. Cuanan camina Nucën Papa Diosan Bëru Ñunshin Upitan sinánmicëma, bëtsi ñunshinan sinánmicë unicaman mitsu ñuixuncëxun a bana cuatin. Cuanan camina Jesucristo cupía Nucën Papa Diosan nu ië́miti a bana pain cuaxunbi ënquin bërí bëtsi bana, unin ñuixuncë, aribishi cuacanin.

2 Corintios 2:17

ꞌItsa unin ca curíqui biti cupíshi Nucën Papa Diosan bana ñuixunquinbi a bana quicësa oquin ñuiquinma bëtsi oquin ñuixunia. Usa ꞌaíshbi cananuna nux a unicamasama ꞌain. Usa ꞌixun cananuna Cristonan ꞌianan Nucën Papa Diosan nu aín bana ñuixunun caíscë ꞌixun, axa cuëëncësabi oquin aín bana unicama ñuixunin.

Gálatas 1:11

ꞌËn xucë́antu, mitsúnmi ꞌunánun cana ësaquin mitsu cain, Jesucristo ñui quicë bana ꞌën mitsu ñuixuncë ax ca unínbia sináncë banama ꞌicën.

Gálatas 1:15

Usai ꞌiabi ca Nucën Papa Diosan, ꞌën titan pucu mëucüabi ꞌë aín bana ñuixunun caísa ꞌixun nuibaquin asérabi ainan ꞌinun ꞌë sinánmiquin,

Gálatas 1:7

Anúan uni aín ꞌucha tërë́ncë ꞌaish Nucën Papa Diosnan ꞌinux ië́ti bëtsi bana ca ꞌaíma ꞌicën. Usa ꞌaínbi ca uni raírinën mitsu ꞌatimaquin sinánmiquin a bana bëtsi oisa tanquin bëtsi oquin ñuia.

Gálatas 2:14

Acamaxa —judíos uni cupíma Jesucristomi catamëtíshi ca uni ië́ti ꞌicë —quixun ꞌunanibi usai ꞌia isquin cana axa Jesucristomi catamëcë unicama timë́cënuxun Pedro ësaquin cacën: ¿Mix judío uni ꞌaíshbi judíoma uni ꞌicësai ꞌiquinbi caramina uisa cupí judíosma unia judíos unicama ꞌicësai ꞌinun quixun cain?

Gálatas 2:2

Nucën Papa Diosan ꞌë sinánmicësabi oi Jerusalénu cuanx bëbax cana anu ꞌicë axa Jesucristomi catamëcë unin cushicamabëshi banacën. Banaquin cana ꞌën judíosma unicama Jesucristo ñuiquin ñuixuncë banacama ñuixuancën, usaquin cana unicama ca quixun caquin. ꞌËn usaquin bana ñuixunti cara atun sináncëx asábi ꞌicë quixun ꞌunánuxun cana ꞌën judíosma uni ñuixuncë banacama chiquinaquin cacën, ꞌën uni ñuixuncë bana axa ꞌëx cëmëi banacësa ꞌaish ñancáishi ꞌitin rabanan.

Gálatas 2:5

A unicaman judíosma unicamax ca judíos unicama ꞌicësa ꞌiti ꞌicë quixun nu sinánmisa tancëxunbi cananuna, mitsúnmi Jesucristomi catamëtishi ca uni ië́ti ꞌicë quixun asérabi ꞌunánti cupí, atun nu cacësa oquin sinánma ꞌain.

Gálatas 2:7

Bëtsi ñu ꞌanun ꞌë caquinmabi ca a cushi unicaman, judíos unicama bana ñuixunuan Pedro ꞌamicësaribi oquin ca Nucën Papa Diosan judíosma unicama bana ñuixunun ꞌë ꞌamiaxa, quixun ꞌunáncëxa.

Gálatas 5:14

Nucën Papa Diosan bana ca quia: —“Mixmi bërúancacësaribi oquin camina min aintsicama nuibanan axa ꞌaquinsa ꞌicë ꞌaquinti ꞌain”. A bana quicësa oquin ꞌacë ꞌixun camina bëtsi uni nuibati ꞌain, mix bërúancacësaribi oquin. Usoquin ꞌacë ꞌixun camina Nucën Papa Diosan bana raírinëxa quicësabi oquin ꞌacë ꞌiti ꞌain.

Gálatas 5:4

Uicaman caramina —Moisésnëan usai ca judíos unicama ꞌiti ꞌicë quixun cuënëo bana quicësabi oquin ꞌacë cupí ca ainan ꞌicë Nucën Papa Diosan ꞌë upí isia —quixun sinani, mix camina upí ꞌinux ami catamëtancëxunbi Cristo ëncë ꞌain. Usa ꞌaish camina Nucën Papa Diosnanmasa ꞌain.

2 Tesalonicenses 2:14

Nucën Papa Diosan ca nun nu —Jesucristomi catamëti ca uni ainan ꞌiti ꞌicë —quixun aín bana ñuixuncëxmi ami catamëti, asaribi upí ꞌaish aín nëtënu abë ꞌinun mitsu caísaxa.

1 Timoteo 1:14

Tërë́nxuanan ca Cristo Jesúsnan ꞌaish abë achúshi sinánñushi ꞌixun, unicama upí oquin nuibanan upiti ami sinánun ꞌimiquin Nucën ꞌIbu Diosan ꞌë cushioxa.

1 Timoteo 1:3

ꞌËx Macedonia menu cuantámainunmi Efeso ëmanu bërúnun quixun cana mi can, anuxunmi an Nucën Papa Dios cuëëncësabi oquin ꞌunánmiquinma bëtsi bana uni ñuixuncë unicama usoquin ꞌaxunma ꞌanun quixun canun.

2 Timoteo 1:9

Nucën Papa Diosan ca nu ië́miquin ainan ꞌimiacëxa, nuxnu ax cuëëncësabi oíshi upí ꞌinun. Nun ñu upí ꞌacë cupíma, axbi nuxnu ainan ꞌiti cuëënquinshi, ca nu nuibaquin Jesucristo cupí nu ainan ꞌimiacëxa. Camabi ñu uniocëma pain ꞌixun ca Nucën Papa Diosan nuibaquin, Cristo Jesusan nu ië́minun mëníocëxa.

2 Timoteo 2:1

Timoteo, ꞌën bëchicësa ꞌicë cana mi cain, Jesucristonëan nubë ꞌixun nuibaquin nu ꞌinánti aín cushi a bitsi camina ami cushicë ꞌiti ꞌain.

1 Pedro 1:15

Nucën Papa Dios, an mitsu ainan ꞌinun Jesucristomi sinánmia, ax ca uisa ꞌuchañumabi ꞌicën. Usa ꞌain camina mitsúnribi añu ꞌuchabi ꞌatima ꞌain.

2 Pedro 1:3

Nucën Papa Dios cushiira ꞌianan aín nuitu upíira ꞌixuan an nu ainan ꞌaish asaribi ꞌinun caíscë, an ca uisaira cara aín cushi ꞌicë quixun nu ꞌunánmiquin anúnu upitax ꞌiti ꞌimainun anúnu ax cuëëncësa oi ꞌiti a nu ꞌinánxa.

Apocalipsis 22:21

Nucën ꞌIbu Jesucristonën aín uni ꞌicë mitsu nuibaquin ꞌaquincëxmi upí ꞌiti cana cuëënin. Usai ꞌiti cana cuëënin. Ashi.