Gálatas 1:16 - Kashibo-Kakataibo Biblia

¹⁶ aín Bëchicëmi catamëti ꞌunánmianan, atúxribia ami catamënun judíosma unicamaribi bana ñuixunun ꞌë ꞌimiacëxa. Usaquin ꞌanúan ꞌimicëxun cana uibi uisai carana ꞌiti ꞌai quixun ñucáma ꞌain.

Nukën 'Ibu Diosan ain unikama 'inan ain bana

¹⁶ aín Bëchicëmi catamëti 'unánmianan, atúxribia ami catamënun judíosma unicamaribi bana ñuixunun 'ë 'imiacëxa. Usaquin 'anúan 'imicëxun cana uibi uisai carana 'iti 'ai quixun ñucáma 'ain.

Gálatas 1:16 ပူးပေါင်းရင်းမြစ်များ

Mateo 16:17

Cacëxun ca Jesusan cacëxa: —Simón, Jonasan bëchicë, cana mi cain, unin ca usaquin mi sinánmicëma ꞌicën. ꞌËn Papa naínu ꞌicë an ca mi sinánxunquin usoquinmi sinánun mi sinánmiaxa. An ca mi sinánmiaxa quixun ꞌunani camina cuëënti ꞌain.

Mateo 26:41

Mitsux ꞌëx cuëëncësoi ꞌiisa taníbi camina asérabi usai ꞌiman. Usa ꞌain camina ꞌuchati rabanan ꞌuxti tëai Nucën Papa Diosbë banati ꞌain.

Hechos 22:21

Usaquin cacëxunbi ca Nucën ꞌIbu Jesusan ꞌë cacëxa: Camina cuanti ꞌain. Cana ꞌura ꞌicë judíosma unicamami bana ñuixunun mi xuti ꞌain.

Hechos 5:42

Cuanxun ca ꞌapucaman ñuixuntëcënxunma ꞌanun cacëxunbi ënquinma camabi nëtën anuxun Nucën Papa Dios rabiti xubunuxun ꞌanan anua atux ꞌicë xubucamanuxunribi, Jesús ax ca Cristo axa uti nun caíncë, a ꞌicë quixun uni bana ñuixuancëxa.

Hechos 9:15

Cacëxunbi ca Nucën ꞌIbu Jesusan Ananías cacëxa: —Racuë́axma ca cuantan. ꞌËn caíscë ꞌixun ca a unin judíos unicamaishima, bëtsi mecamanu ꞌicë unicamaribi aín ꞌapucamacëñunbi ñuixunquin ꞌë ñuiquin bana ñuixunti ꞌicën.

Hechos 9:20

Anu ꞌixun ca anua judíos unicama timë́ti xubucamanuxun, Jesús ax ca asérabi Nucën Papa Diosan Bëchicë ꞌicë quixun unicama ñuixuancëxa.

Romanos 1:5

Jesucristo cupí ca Nucën Papa Diosan nuibaquin nun nu uni aín bana ñuixunun mëníocëxa, camabi menua an Nucën ꞌIbu Jesucristomi catamëquin an cacësabi oquin ꞌacë unicama ꞌinun.

Romanos 11:13

Anu ꞌicë judíosma unicama, cana mitsu cain, ꞌën judíosma unicama aín bana ñuixunun Jesucristonën cacë ꞌixun cana usaquin chiquíshquinma cuëënquin ꞌain.

1 Corintios 15:50

ꞌËn xucë́antu, ësaquin cana mitsu cain, nucën nami, nucën xo, acamax ca Nucën Papa Diosan nëtënu ꞌitima ꞌicën. Aín nëtënu ꞌicë ñucamaxa chëquitima ꞌain ca chëquiti ñucamax anu ꞌitima ꞌicën.

2 Corintios 4:6

Nucën Papa Dios axa bëráma, “Bëánquibucë ca pëquiti ꞌicë” quiá, anbi ca Cristonëan nun nuitu mëúxun nu chuámashi tani cuëënquinu uisaira upí cara Nucën Papa Dios ꞌicë quixun ꞌunánun ꞌimiaxa.

2 Corintios 5:16

Bëráma uni isquin, ax ca unishi ꞌicë quixun sinan ꞌixunbi cananuna bërí, uisa uni cara, —axribi ca Jesucristonan ꞌiti ꞌicë —quixun sinanin. Usaribi oquin —Cristo ax ca unishi ꞌicë quixun sinan ꞌixunbi cananuna bërí Cristo ax ca asérabi Nucën Papa Diosan Bëchicë, an nu ainan ꞌinun ië́micë, a ꞌicë quixun ꞌunanin.

Gálatas 2:1

Usa ꞌain cana catorce baritia ꞌicëbë Tito buani, Bernabébë Jerusalénu cuantëcëancën.

Efesios 3:1

Mitsúxmi judíosma uni ꞌaíshbi Cristo Jesúsmi sinánun aín bana mitsu ñuixuncë cupí cana ꞌëx, Pablo ꞌaish, sipuacë ꞌain. Usa ꞌixun cana mitsu Nucën Papa Dios ñucáxunin.

Efesios 6:12

Nux cananuna suntárunëxa ꞌacanancësaribiti ꞌin. Usai ꞌibi cananuna unibë ꞌacananiman. Nun nuitu mëúishi cananuna ꞌacanáncësa ꞌain, ñunshin ꞌatimanën nu ꞌibuati rabanan. Aín ꞌapubë cushiquin ca ñunshin ꞌatimacaman nu ñu ꞌatima ꞌanun nu ꞌamitisa tania. Atun an ënë menuxun ñu atima ꞌacë unicama ꞌibuacë ꞌixun ca nuribi ñu ꞌatima ꞌamitisa tania.

Deuteronomio 33:9

atun ka minmi ká banakama kikësabiokin asérabi ꞌaia ꞌanan ka achúshi ñu min atubëtan ꞌa ax kikësokinbi ꞌaia: Usakin ꞌai atux aín papa ꞌimainun aín tita ñui uinsaranbi kana atu iskëma ꞌai kiax kia; kianan ka aín xukë́nkamakëñun aín chirabakëkama: Ñuiribi atu kana ꞌunánima kia, kianan ka aín bakë bëchikë bëbu ꞌimainun xanukamaribi: ñui uin bëchikë kara atux ꞌikë kana ꞌunanima kiax kia.

1 Tesalonicenses 2:16

Nun judíosma unicama Cristomi sinánun bana ñuixuinsa taniabi ca usaquinu bana ñuixunun nu ëncëma ꞌicën. Usai ꞌia aín ꞌucha cëxtutia ca Nucën Papa Diosan ꞌaisamaira oquin castícanti ꞌicën.

1 Timoteo 2:7

Usa ꞌain cana an ꞌimicë ꞌixun judíos unicamaishima judíosma unicamaribi Jesucristomi catamëtía Nucën Papa Dios cuëëncësabi oi ꞌinun ꞌunánmin. Usaquin uni ꞌunánminun ca Nucën Papa Diosan ꞌë caísacëxa quixun ñuixunquin cana Cristonan ꞌixun cëmëquin paránquinma mi can.

2 Timoteo 1:11

Usaía Jesucristo ñui quicë banacama camabi judíosma unicama ñuixuanan aín bana quicësabi oía ꞌinun ꞌunánminun ca Nucën Papa Diosan ꞌë ꞌimiacëxa.

Hebreos 2:14

Achúshi unin bëchicëcamax ca aín xucë́nsaribi ꞌia. Usaribiti ca Nucën Papa Diosan bëchicëcamaxa uni ꞌain, axribi uni ꞌinux Jesús uacëxa. Uni ꞌaish ca, an ñu ꞌatima ꞌati sinánmicë ꞌaísha Nucën Papa Diosbë uni ꞌitima ꞌicëbi ñunshin ꞌatimanën ꞌapu a ñusmonux bamati cupí, Jesús uni ꞌiacëxa.