Gálatas 1:10 - Kashibo-Kakataibo Biblia

¹⁰ ¿Ësaquin mitsu caquin carana unían ꞌëx cana asérabi upí ꞌai quixun ꞌë rabiti sinan? Usaquin sinánquinma cana Nucën Papa Diosan ꞌë upí isti sinan. ¿Carana unicamabë upí ꞌiti sinan? Cana usaquin sinaniman. Nucën Papa Diosma unishi cuëënmiti sinani cana Cristonën unima ꞌitsían.

Nukën 'Ibu Diosan ain unikama 'inan ain bana

¹⁰ ¿Ësaquin mitsu caquin carana unían 'ëx cana asérabi upí 'ai quixun 'ë rabiti sinan? Usaquin sinánquinma cana Nucën Papa Diosan 'ë upí isti sinan. ¿Carana unicamabë upí 'iti sinan? Cana usaquin sinaniman. Nucën Papa Diosma unishi cuëënmiti sinani cana Cristonën unima 'itsían.

Gálatas 1:10 ပူးပေါင်းရင်းမြစ်များ

Mateo 22:16

Sinántancëxun ca aín uni raíri ꞌimainun axa Herodesmi sináncë unibu Jesús ñucánun quixun xuacëxa. Xucëx cuanxun ca a unicaman Jesús cacëxa: —Cananuna ꞌunanin, min banax ca asérabi ꞌicën. Uisai cara Nucën Papa Diosan uni ꞌiti ꞌicë quixun camina cëmëquinma asérabi ñuin, unían min a bana ñuia cuati cuëëncëbëtanmabi. Min sináncëx ca camabi uni bëtsibëtan sënën ꞌicën. Usaquin sinánquin camina camabi ñuñu ꞌimainun ñuñuma unicama ꞌimainun ꞌapuburibi uisai cara Nucën Papa Diosan uni ꞌiti ꞌicë quixun ñuixunin.

Mateo 28:14

Usoquinmi cacëxuan unicaman chaniocëbëtan mitsun ꞌapun cuacëbë cananuna nux abë banati ꞌain. Nux abë banacëbë camina mitsux uisaríma asábi ꞌiti ꞌain.

Mateo 6:24

Ësa ca: Achúshi unin ca rabë́ uni ñu mëëxuntima ꞌicën. Rabë́ uni ñu mëëxuncë ꞌixun ca bëtsishi nuibaquin upí oquin ñu ꞌaxuanan bëtsi nuibatima ꞌicën. Usa ꞌixun achúshinën bana cuaquin bëtsían cacëxun aín bana parë́ti ꞌicën. Usaribiti ca uni curíqui ꞌimainun bëtsi bëtsi ñumishi sináncë ꞌaish Nucën Papa Diosmi upiti sinanima.

Hechos 12:20

Usa ꞌain ca Tiro ꞌimainun Sidón ëmanu ꞌicë unicamami Herodes nishacëxa. Herodes atumi nishcë ꞌixunbi ca a isi cuanti sináncancëxa. Usaquin sinánbiani riquianxun ca an Herodes ñu ꞌaquincë uni, Blasto, abë pain banacëxa. Abë banai mëníonanquin ca ësoquin cacëxa: —Tiro ꞌimainun Sidón ëmanu ꞌicë unicama nux cananuna aín menua piti marui, Herodesbë nuibanani tsótisa tanin. Usa ꞌain cananuna abë banatisa tanin.

Hechos 5:29

Ësai quia ca Pedrobëtan Jesusan aín bana ñuixunun caíscë unicaman cacëxa: —Unin cacësa oquin ꞌaquinbi cananuna Nucën Papa Dios, a ꞌati cuëëncëma ñu a ꞌaquinma, a ꞌatia ax cuëëncë, a ñu cuni ꞌati ꞌain.

Romanos 1:1

ꞌËx cana Pablo ꞌain, an Jesucristo quiásabi oquin aín bana uni ñuixuncë. Usa ꞌixun cana mitsu quirica buánmin. Nucën Papa Diosanbi ca Jesucristomi catamëquin ainan ꞌinux ië́nun unicama aín bana ñuixunun ꞌë caísacëxa.

Romanos 2:29

Axa aín nuitu mëu upiti Nucën Papa Diosmi sináncë uni ax ca asérabi judío uni ꞌicën. ꞌUnántioracacë uni ax ca Moisésnën cuënëosabi oquin aín namishi usoquin ꞌacë cupíma aín nuitu mëu Nucën Papa Diosmi sináncë cupí asérabi judío uni ꞌicën. Usa uni ca unían upí isiamabi Nucën Papa Diosan upí isia.

Romanos 2:8

Usaquin ꞌimianan ca uicamax cara ami sinántisama tanan aín bana quicësabi oquin ꞌaisama tanquin, atux cuëëncësa oquinshi ñu ꞌatima ꞌaia, a unicama Nucën Papa Diosan ami nishquin castícanti ꞌicën.

1 Corintios 10:33

ꞌËnribi cana camabi uníxa ꞌën ꞌaia isi cuëënun ñu ꞌain. ꞌËn cuëëncë ñu ꞌatishi sinánxun cana ñu ꞌaiman. Jesucristomi catamëtía ië́nun camabi uni ꞌaquínti sinánxun cana ñu ꞌain.

2 Corintios 12:19

Nun usaquin mitsu cacëxun oquin mitsun nu nuibanun quixun isanuna ësaquin mitsu cai quixun sapi camina sináncanin. ꞌAíshbi ca usama ꞌicën. ꞌËn nuibacë xucë́antu, cana mitsu cain, ami catamëti ax quicësabi oíshi ꞌinun cananuna Cristo cuëëncësabi oquin mitsu ꞌaquinsa tanquinshi ënë ñucama mitsu ñuixuan. Asérabi ca usa ꞌicë quixun ca Nucën Papa Diosan ꞌunania.

Efesios 6:6

An mi iscëxuinshi camina axa cuëëntanun quixun uni ñu mëëxuntima ꞌain. Usoquin ꞌaxunquinma camina an iscëxunmabi Cristonën uni ꞌixun chiquíshquinma cuëënquin upí oquin uni ñu mëëxunti ꞌain, Nucën Papa Dios cuëëncësabi oquin.

Filipenses 1:1

ꞌËx Pablo ꞌixun cana Timoteobëtan mitsu quirica buánmin. Jesucristonën casabi oquin aín bana uni ñuixuncë cananuna nux ꞌain. Micamaxmi Filipos ëmanu ꞌaish Jesucristomi sinania cana mitsun cushicama ꞌimainun an axa Jesucristomi catamëcë unicama ꞌaquincë unicamaribi ënë quirica buánmin.

Colosenses 3:22

An uni ñu mëëxuncë unicama, mitsúnribi camina an mi ñu mëëmicë unían cacësabi oquin ꞌati ꞌain. ꞌAquin camina axa cuëënun an iscëbëtan upí oquin ꞌanan an iscëxunmabi, ꞌën ꞌIbu Dios ca ënë ñu mëëti ꞌën upí oquin ꞌati cuëënia quixun sinánquin upí oquin ꞌati ꞌain.

1 Tesalonicenses 2:4

Usama ca, Nucën Papa Diosanbi ca asérabi caranuna aín bana uni ñuixunti ꞌai quixun upí oquin ꞌunántancëxun —atun ca asérabi ꞌati ꞌicë —quixun sinánquin aín bana unicama ñuixunun nu cacëxa. Usaquin ꞌanun cacë ꞌixun cananuna an —Jesucristomi catamëti ca uni Nucën Papa Diosnan ꞌinux ië́ti ꞌicë —quixun unicama ñuixunin. Usaquin ꞌaquin cananuna Jesucristo ñuiquin unicama cuëënmiti sinánquinma, Nucën Papa Dios, an camabi unin nuitu ꞌunáncë, axëshia cuëëntanun uni bana ñuixunin.

Santiago 4:4

Nucën Papa Diosmi manúxunmi mitsun cuëëncësa oquinshi ꞌaia cana ësaquin mitsu cain: ¿Mitsun caramina ꞌunaniman, ënë menu ꞌicë ñuishi sináncë ꞌaish ca uni Nucën Papa Diosbë upíma ꞌicë quixun? Uinu ꞌicë unin cara ënë menu ꞌicë ñuishi sinania ax ca ainanma ꞌaish Nucën Papa Diosmi nishcësa ꞌicën.

1 Juan 3:9

Uix cara asérabi Nucën Papa Diosan bëchicë ꞌicë, an ca ñu ꞌatima ꞌati sinanima. An ꞌacësaribi oquin sinánun Nucën Papa Diosan ꞌimicë ꞌixun ca aín bëchicëcaman ñu ꞌatima ꞌati sinanima. Usa ꞌixun ca ꞌuchatëcënti sinanima.