Filipenses 4:9 - Kashibo-Kakataibo Biblia

⁹ ꞌËn mitsu ꞌunánmicë banacama quicësabi oquin ꞌanan camina, ꞌën ꞌunánmicëxunmi ꞌacësabi oquin ꞌanan ꞌën mitsu ñuixuncëxunmi cuacë banacama quicësabi oquinribi ꞌanan ꞌën ꞌaiami iscësabi oquin ꞌati ꞌain. Usoquinmi ꞌacëbë ca Nucën Papa Dios, an aín unicama bënëtima chuámarua ꞌinun ꞌimicë, ax mitsubë ꞌiti ꞌicën.

Nukën 'Ibu Diosan ain unikama 'inan ain bana

⁹ 'Ën mitsu 'unánmicë banacama quicësabi oquin 'anan camina, 'ën 'unánmicëxunmi 'acësabi oquin 'anan 'ën mitsu ñuixuncëxunmi cuacë banacama quicësabi oquinribi 'anan 'ën 'aiami iscësabi oquin 'ati 'ain. Usoquinmi 'acëbë ca Nucën Papa Dios, an aín unicama bënëtima chuámarua 'inun 'imicë, ax mitsubë 'iti 'icën.

Filipenses 4:9 ပူးပေါင်းရင်းမြစ်များ

Isaías 41:10

ꞌËx kana mitsubë ꞌain usa ꞌain kamina rakuë́kantima ꞌain; ꞌëx kana mitsun Dios ꞌain usa ꞌain kamina rakuë́kantima ꞌain, ꞌën kana mitsu kushionan ꞌakinti ꞌain, ꞌën kana mitsu anun ꞌakánanti manë xëtokë ꞌën mëkënan tuínxun ꞌakësokin axa mimi nishkë unikamami kupitanuma ꞌanun ꞌamiti ꞌain.

Isaías 8:10

ꞌIanan ka usakin kananuna ñu ꞌati ꞌai kixun atun sinaniabi, usakian ꞌanun ꞌamitima ꞌikën, Dios ax ka nubë ꞌikë usa ꞌixun.

Mateo 1:23

Xanu achúshi unibë ꞌicëma pain ꞌaish ca tuñu ꞌitancëx bacë́nti ꞌicën. Aín tuá ax ca Emanuel caquin anëcë ꞌiti ꞌicën. Emanuel quicë ax ca “Nucën Papa Dios ca nubë ꞌicë” qui quicë ꞌicen.

Mateo 28:20

Nashimianan camina ꞌën mitsu ñuixuncë banacama ꞌunánmiquin a banacama quicësabi oquin ꞌanun quixun atu ꞌunánmiti ꞌain. Usaquin ꞌaquin camina ꞌunánti ꞌain, ꞌëx cana camabi nëtën usaquin ꞌacë ꞌën unicamabë ꞌain, ꞌëx utëcënti nëtë sënë́ntamainun. Ashi.

Mateo 7:21

An —mix camina ꞌën ꞌIbu ꞌai —quixun ꞌë cacë unicama ax ca camáxira Nucën Papa Dios naínu ꞌicë aín nëtënu abë ꞌitima ꞌicën. An aín cuëëncësabi oquin ꞌacë unicamax cuni ca anu abë ꞌiti ꞌicën.

Lucas 6:46

¿Uisacasquin caramina —mix camina ꞌën ꞌIbu ꞌai —quixun ꞌë caquinbi ꞌën mitsu cacësabi oquin ñu ꞌaiman?

Lucas 8:21

Cacëxun ca Jesusan cacëxa: —Uicaman cara Nucën Papa Diosan bana cuanan aín bana quicësabi oquin ꞌaia, acamax ca ꞌën tita ꞌimainun ꞌën xucë́antu ꞌicën.

Juan 13:17

Ënë banacama ꞌunánquin a bana quicësabi oquin ꞌai camina chuámarua tani cuëëncanti ꞌain.

Juan 15:14

ꞌËn cacësabi oi ꞌi camina mitsux ꞌëbë nuibanancë uni ꞌain.

Juan 2:5

Cacëxun ca aín titan an piti ꞌináncë unicama cacëxa: —ꞌËn tuacëan mitsu cacësabi oquin ca ꞌat.

Hechos 9:6

Usoquian cacëxun cuati ratúirai racuëti bërëruquin ca Saulonën cacëxa: —¿Añu ñu ꞌën ꞌati caina cuëënin? Cacëxun ca Jesusan cacëxa: —Niruquiani ca Damasco ëmanu cuantan. Anuxun ca unin añu caramina ꞌati ꞌain quixun mi cati ꞌicën.

Romanos 15:33

Nucën Papa Dios, an aín unicama bënëtíma chuámarua ꞌinun ꞌimicë, ax mitsubë ꞌixun mitsuribi usaquin ꞌimiti cana cuëënin. Usai ca ꞌiti ꞌicën.

Romanos 16:20

Usoquin mitsun ꞌacëbëtan ca Nucën Papa Dios, an aín unicama chuámarua ꞌimiti, an ñunshin ꞌatimanën ꞌapu mitsu ubíotëcënxunma ꞌanun bënë́nquinshi ñusmamiti ꞌicën. Nucën ꞌIbu Jesucristonën mitsu nuibaquin ꞌaquincëx mitsux upí ꞌiti cana cuëënin.

1 Corintios 10:31

Ënëx ca ësa ꞌicën. Ñu piquin, ñu xëaquin, añu ñu caramina ꞌai, usa ñu ꞌaquin camina Nucën Papa Dios cuëënun a sinánquin ꞌati ꞌain.

1 Corintios 4:16

ꞌËn pain Jesucristonën bana mitsu ñuixuncë ꞌaish camina ꞌëx ꞌicësaribiti ꞌiti ꞌain.

2 Corintios 13:11

ꞌËn xucë́antu, chuámashi camina ꞌicanti ꞌain. Añu ñucama cara ꞌaisama ꞌicë camina mëníoquin sinántëcëntima ꞌain, ꞌën mitsu cacë banacama cuati camina bëtsin sináncësabi oquin sinani nishananíma nuibananishi ꞌicanti ꞌain. Usai ꞌia ca Nucën Papa Dios, an aín unicama nuibaquin bënëtima chuámarua ꞌinun ꞌimicë, ax mitsubë ꞌiti ꞌicën.

Filipenses 3:17

ꞌËn xucë́antu, mitsun camina ꞌëx usai ꞌiia ꞌunanin. Usa ꞌain camina ꞌëx ꞌicësaribiti ꞌiti ꞌain. ꞌIanan camina mitsúxribimi usai ꞌinun nux ꞌiia an iscë unicamaxa ꞌicësaribiti ꞌiti ꞌain.

Filipenses 4:7

Usaquinmi cacëxun cuaquin ca Nucën Papa Diosan mitsu nuibaquin bënëtima chuámarua ꞌinun mitsu ꞌimiti ꞌicën, uisa ꞌaish cara aín uni usai ꞌia quixuan uni raírinën ꞌunáncëbëtanmabi. Usaquin ꞌimianan ca Jesucristobë ꞌicë mitsun sinan ꞌimainun mitsun nuitu upí ꞌinun bërúanti ꞌicën.

1 Tesalonicenses 1:6

Nux ꞌicësaribiti ꞌianan Nucën ꞌIbu Jesús ꞌiásaribiti tëmëraibi camina mitsux Jesucristo ñuicë bana cuati ainan ꞌaish Nucën Papa Diosan Bëru Ñunshin Upitan ꞌimicëx cuëëinra cuëëan.

1 Tesalonicenses 2:14

Nucën xucë́antu, mitsux camina Judea menuaxa Jesucristomi catamëti Nucën Papa Diosan unicamax ꞌicësaribi ꞌain. Acama ca aín aintsi ꞌixunbi judíos unicaman bëtsi bëtsi ocëxa. Usaribi oquin ca mitsuribi mitsun aintsinbi bëtsi bëtsi oxa.

1 Tesalonicenses 5:23

Nucën Papa Dios, an nu bënëtima chuámarua ꞌimiti, an mitsu upíshi ꞌinun ꞌimianan mitsun sinan, mitsun nuitu ꞌimainun mitsun namíxbia uisa ꞌuchañumabi ꞌinun mitsu ꞌimiti cana cuëënin, utëcënquian Nucën ꞌIbu Jesucristonën usa ꞌicë mitsu isti cupí.

2 Tesalonicenses 3:4

Cananuna ꞌunanin, Nucën ꞌIbu Jesucristonën ꞌaquincëxun camina mitsúnmi nun cacëxun bërí ꞌacësabi oquin ënquinma ꞌati ꞌai quixun.

2 Timoteo 4:22

Mibë ꞌixuan Nucën ꞌIbu Jesucristonën mi cushiomainuan Nucën Papa Diosan mibë ꞌicëcamacëñun mi nuibaquin ꞌaquincëx camina bërúanx ꞌiti ꞌain. Ashi, Pablo.

Santiago 1:22

Usa ꞌain camina mitsun pabitainshi cuaquinma upí oquin sinánquin a bana quicësabi oquin ꞌati ꞌain. Usoquin ꞌacëma ꞌaish camina —ꞌëx cana Nucën Papa Diosnan ꞌai —quixun sinanibi cëmëcë mitsux ꞌiti ꞌain.

2 Pedro 1:10

ꞌËn xucë́antu, usa ꞌain Nucën Papa Diosan ainan ꞌiti caíscë ꞌaish camina an cacësabi oi ꞌinux bërúanracati ꞌain. Usa ꞌiquin camina Nucën Papa Diosmi sinánti ënquin ñu ꞌatima ꞌatima ꞌain.

1 Juan 3:22

Nun ax quiásabi oquin ꞌanan, ax cuëëncësabi oquin ꞌaia isquin ca an nun ñucácësabi oquin nu ꞌaxunia.