Filipenses 4:5 - Kashibo-Kakataibo Biblia

⁵ Uisa ñu cara ꞌicëbëbi nishímami upí sinánñu ꞌicëa camabi unin mitsu isti cana cuëënin. Nucën ꞌIbu Jesús anun utëcënti nëtë ca ꞌuramatia.

Nukën 'Ibu Diosan ain unikama 'inan ain bana

⁵ Uisa ñu cara 'icëbëbi nishímami upí sinánñu 'icëa camabi unin mitsu isti cana cuëënin. Nucën 'Ibu Jesús anun utëcënti nëtë ca 'uramatia.

Filipenses 4:5 ပူးပေါင်းရင်းမြစ်များ

Mateo 6:25

Usa ꞌain cana mitsu cain, añu caramina piti ꞌain, añu chupa caramina pañuti ꞌai quixun acama sinani camina masá nuitutima ꞌain. Mitsun pitisamaira camina mitsux ꞌain, mitsun chupasamaira camina mitsux ꞌain, ¿usa cat? An mitsúxmi ënë nëtënu tsoti oquin unio Nucën Papa Dios, ainshi ca a mi piti ñu mitsu ꞌinánan a mi pañuti chuparibi mitsu ꞌinánti ꞌicën.

Mateo 6:34

Usa ꞌain camina —imë́ishi carana uisai ꞌiti ꞌain, bëtsi nëtë́nribi carana uisai ꞌiti ꞌai —quixun sinani masá nuitutima ꞌain. A nëtë ucëbëtainshi camina isti ꞌain.

Lucas 21:34

Usa ꞌain camina mitsux cuëëncë ñuishi ꞌanan paë́anan ënë nëtënu ꞌicë ñucamaishi sináncë ꞌitin rabanan bërúancacë ꞌiti ꞌain. Usai bërúancacëma ꞌaish camina mitsúnmi sináncëbëmabi ꞌëx ucëbë ꞌë isi rabínti ꞌain.

1 Corintios 16:22

Ui unin cara Nucën ꞌIbu Jesucristo sinaníma ax ca Nucën Papa Diosan iscëx ꞌaisama ꞌicën. Nucën ꞌIbu Jesucristo axa uti cana ꞌëx cuëënin.

1 Corintios 6:7

An mitsubëtan Jesucristonën bana ꞌunáncë unimi manánbëquinti ax ca ꞌaisama ꞌicën. Ami manánquinmami an uisa cara mi ocëxunbi tanshiquin min ñua mëcamatiabi isëshiti ca asábi ꞌiti ꞌicën.

1 Corintios 8:13

Usaquin ꞌën a nami piquin axa Jesúsmi sináncë uni itsi ꞌuchamiti rabanan cana xënibua ꞌaínbi unin ꞌacë ñu rabiquin pitia ꞌacë ñu a pitima ꞌain.

1 Corintios 9:25

Uni axa cuaiticama ax ca aín nami cushi ꞌinux bachuaquin tania. Aín namia cushi ꞌiti cupí ca ñu ꞌatima ꞌaima. Usai ꞌitancëx abati ax pain bëbaquin ca ñu bitsia. Usai ꞌiquian bicëxbi ca a ñu chëqui ꞌatimatia. Usa ꞌaínbi cananuna nux Jesús cuëëncësabi oi ꞌinux camabi nëtën upí ꞌiti ꞌain. Usai ꞌitancëx cananuna an ꞌimicëx asaribi upí ꞌaish uinsaranbi nëtë́timoi abë tsóti ꞌain.

2 Corintios 10:1

ꞌËx Pablo ꞌicë Cristonën sinánmicëxun an ꞌacësaribi oquin mitsu nuibaquin upí oquin cati cana cuëënin. Uni raírinëx caísa quia, ꞌëx mitsubë ꞌaish isana mitsu ñu caíma upitishi banain. Bëtsi ëmanuxun quirica buánmiquin cuni isana ñu caquin cacësa oquin mitsu cain.

2 Tesalonicenses 2:2

Aín uti nëtë ñuiquin ca unin —Nucën Papa Diosan ꞌunánmicëxun cana ꞌunanin, anúan Jesucristo uti nëtë ca uaxa —quixun mitsu cati ꞌicën. Camainun ca raírinënribi —aín uti nëtë ca asérabi sënënia —quixun bana ñuixunquin mitsu cati ꞌicën. Raírinënribishi ca —Pablonën ca nu, anúan Nucën ꞌIbu Jesucristo uti nëtë ca sënënia quixun quirica bëmiaxa —quixun mitsu cati ꞌicën. Usaquian cacëxbi camina bënëti ratuti sináncasmatima ꞌain.

Tito 3:2

Uinu ꞌicë unimibi ca ꞌatimati banatima ꞌicën. Bëtsi unibë cuëbicanancëma ꞌianan ca upí sinánñu uni ꞌaish rabiti cuamianantima ꞌicën.

Hebreos 10:25

Usabi ꞌicë aísha bëtsi bëtsi uni axa Jesucristomi catamëcë unicamabë timë́tisama tancëbëbi cananuna nux usai ꞌima, aín unicamabë timë́anan bëtsibë bëtsibë Jesucristomia catamënun ꞌaquiananti ꞌain, Jesucristo utëcënti nëtë ca ꞌurama ꞌicë quixun sinani.

Hebreos 10:37

Ësai ca Nucën Papa Diosan bana cuënëo quia: Xënibutíma ca ax bënëtishi uti ꞌicën. A nun caíncë ax ca nëtë́butima uti ꞌicën.

1 Pedro 1:11

Cristo ënë menu ucëma ꞌaínbi ca aín Bëru Ñunshin Upitan sinánmicë ꞌixun, an Nucën Papa Dios quicë bana uni ñuixuncë unicaman ꞌunáncëxa, tëmërax bamatancëx baísquitancëx ca Cristo aín Papasaribi ꞌApu ꞌaish abë tsóti ꞌicë quixun. Usaquin ꞌunánquin ca uisa uni cara Cristo ꞌiti ꞌicë quixun ꞌunántisa tanan uínsaran cara uti ꞌicë quixun ꞌunántisa tancëxa.

1 Pedro 4:7

Anúan ënë menu ꞌicë ñucama cëñúti nëtë ca ꞌuramatia. Usa ꞌain camina camabi nëtën upí oquin sinani Nucën Papa Diosbë banati ꞌain.

Apocalipsis 22:20

An ënë ñucama ꞌë ismicë, an ca ꞌë caia: —Cana bënëtishi utëcënti ꞌain. Cacëxun cana cuëëinra cuëënquin —asábi ca, usai ca ꞌiti ꞌicën, ca ut —quixun, Nucën ꞌIbu Jesús cain.

Apocalipsis 22:7

Xënibucëma ꞌaínshi cana uti ꞌain. An, ënë bana quicësabi oi ca asérabi ꞌiti ꞌicë quixun sinánquin a bana cuacë unicama, ax ca cuëëinra cuëënti ꞌicën.