Filipenses 4:4 - Kashibo-Kakataibo Biblia

⁴ Mitsux camina Nucën ꞌIbu Jesucristonan ꞌai quixun sinani camina camabi nëtën uisa ñu cara ꞌicëbëbi chuámarua tani cuëënti ꞌain. Usai ꞌinun caxunbi cana mitsu catëcënin, chuámarua ca ꞌican.

Nukën 'Ibu Diosan ain unikama 'inan ain bana

⁴ Mitsux camina Nucën 'Ibu Jesucristonan 'ai quixun sinani camina camabi nëtën uisa ñu cara 'icëbëbi chuámarua tani cuëënti 'ain. Usai 'inun caxunbi cana mitsu catëcënin, chuámarua ca 'ican.

Filipenses 4:4 ပူးပေါင်းရင်းမြစ်များ

Salmos 33:1

Mitsux Nukën ꞌIbun uni ꞌaish kamina, ¡kuëni Nukën ꞌIbumi kantati ꞌain! Uni upí sinan ñukama axa a rabi kantaia kuakë ax ka upí ꞌikën.

Mateo 5:12

Usaribi oquin ca an Nucën Papa Dios quicë bana uni ñuixuncë unicama unin bëtsi bëtsi ocëxa. Usaquin sinánquin camina cuëënquin, Nucën Papa Diosan ca mitsu upí oquin sinánxunquin aín nëtënu abë ꞌi upitax tsónun mitsu ꞌimiti ꞌicë quixun ꞌunani chuámarua tani cuëënti ꞌain.

Hechos 16:25

Usoquian ꞌacëx ca Pablobë Silas imë́ naëx Nucën Papa Diosbë bananan a rabi cantacëxa. Usaría ꞌia ca anua ꞌicë sipuacë uni raírinën cuacëxa.

Hechos 5:41

Xucëxun ꞌapucama ëbiani ca —Jesúsnan cupí tëmëranun ca Nucën Papa Diosan nu caísaxa —quixun sinani cuëënquiani cuancëxa.

Romanos 12:12

Nucën Papa Diosan ca ax quicësabi oquin mitsu ꞌaquianan abë ꞌinun mitsu ꞌimiti ꞌicë quixun sinani camina chuáma tani cuëëni bucuti ꞌain. Tëmëraibi camina masá nuituti bënë́tima ꞌain. Ënima camina Nucën Papa Diosbë banati ꞌain.

2 Corintios 6:10

Masá nuitucë ꞌaíshbi cananuna chuámaruaishi ꞌain. Ñuñuma ꞌixunbinu Cristo ñuiquin bana ñuixuncëx ca an a bana cuacë unicamax uni ñuñu ꞌicësamaira oi chuámarua tani cuëënia. Ñuñuma ꞌicëbi ca Cristonën nubë ꞌixun ax cuëëncësabi oínu anun ꞌinun nu ñu ꞌinania.

Gálatas 1:8

Uin cara nun nu Cristo ñuiquin mitsu ñuixuncë Nucën Papa Diosnan ꞌinux anun uni ië́ti bana, abi ñuixunquinma bëtsi bana mitsu ñuixunia, a ca Nucën Papa Diosan uisa cara oti ꞌicë usoquin ꞌati ꞌicën. Usoquin ca ꞌë ꞌimainun naínuax ucë ángelribi, bëtsi bana uni ñuixuncë ꞌicë, ꞌati ꞌicën.

Filipenses 2:18

ꞌËx usai cuëëncëbë camina mitsúxribi —Jesucristonan ꞌiti ca asábi ꞌicë —quixun sinani cuëënti ꞌain.

Filipenses 3:1

ꞌËn xucë́antu, ësaquinribi cana mitsu cain, mitsux Nucën ꞌIbu Jesucristonan ꞌaish camina chuámashirua tani cuëënti ꞌain. ꞌËn cacësabi oquin mitsu catëcëni cana atsaniman, mitsúxmi upí ꞌiti cupí.

1 Pedro 4:13

Bënë́quinma camina sinánti ꞌain, ami nishquian unin bëtsi bëtsi ocë́xa Cristo tëmërasaribi oquin cananuna nunribi tëmërai quixun. Usaquin sinani camina tëmëraibi cuëënti ꞌain, usaribiti ꞌApuira ꞌaísha Cristo aia isi cuëënux.