Filipenses 3:7 - Kashibo-Kakataibo Biblia

⁷ —Usa ñucama ꞌacë cupí cana Nucën Papa Diosan iscëx upí ꞌai —quixun sinan ꞌixunbi cana bërí Cristo ꞌunánquin usai ꞌëx ꞌiá ax ca ñancáishi ꞌicë quixun ꞌunanin.

Nukën 'Ibu Diosan ain unikama 'inan ain bana

⁷ —Usa ñucama 'acë cupí cana Nucën Papa Diosan iscëx upí 'ai —quixun sinan 'ixunbi cana bërí Cristo 'unánquin usai 'ëx 'iá ax ca ñancáishi 'icë quixun 'unanin.

Filipenses 3:7 ပူးပေါင်းရင်းမြစ်များ

Génesis 19:17

A ëmanua chikinbiaxun ka ángel achúshinën Lot kakëxa: —¡Bënëti kamina abákiani kuanti ꞌain ië́tisatani! Kuankin kamina kaxú bësukin añu ñubi isima kuanti ꞌain, usai ꞌikamina nirakëtima kuanshiti ꞌain. Kuanshiti kamina matá mekama anu ië́tisa tani kuanti ꞌain.

Génesis 19:26

Usai ꞌikëbë kuankinbi kaxú bësukin isíbi ka Lotnën xanu, ax Sodoma ꞌimainun Gomorra isi kuainakëtishi bamai tashi maxáxsa ꞌinun churishi ꞌiruakëxa.

Job 2:4

Kixun kakëxunbi ka ñunshin ꞌatimanën Dios kakëxa: —Uínbia aín naminu ꞌatimokin paëokëma ꞌaish ka uni asábi nitsia. ꞌAínbi ka unix upí tsótisa tani uisa ñu kara inutia abi inutibi tënëax ꞌiti ꞌikën.

Proverbios 13:8

Ñuñuira uni a ka bëtsi unin aín ñu kupí ñatankë ꞌiti ꞌikën, ꞌaínbi ka ñuñuira ꞌixun aín kuríkinën kupíox chikiti ꞌikën; usa ꞌaínbi ka ñuñuma unikama atun uínsaranbi a ꞌakatsi uni kikë bana kuatima.

Proverbios 23:23

ꞌAisamaira ñu ꞌunámikin, ꞌësëkë ꞌixun kamina bëtsi ñu ꞌakin uisa ꞌixunbi a manutima ꞌain.

Eclesiastés 3:6

Anu ka anun ñu ꞌaisa kara kixun tanti nëtë ꞌikën, ꞌimainun ka anun ñu ꞌakatsikixun ꞌaxunbi sinanatëkënkin ënti nëtëribi anu ꞌikën. Anu ka anun ñu bukunrukin nanti nëtë ꞌikën, ꞌimainun ka anun ñu puti nëtëribi anu ꞌikën.

Mateo 16:26

Unix ca ënë nëtënuax ꞌitsaira ñuñu ꞌiti ꞌicën, ꞌaíshbi ca Nucën Papa Diosmi sináncëma ꞌaish abë upíma ꞌianan aín nëtënu abë ꞌitima ꞌicën. Usa ꞌain ca axa bamacëbë aín ñucama ax ñancábia bicë ꞌicën. ¿Nucën Papa Diosbë bamatimoi tsónuxun cara unin añu ñun cupíoti ꞌic? Anun cupíoti ñu ca ꞌaíma ꞌicën.

Marcos 10:50

Cacëxëshi niruquin anúan mapúcë chupa pëxun nibiani ca Jesúsnu cuancëxa.

Lucas 14:26

—Uix cara ꞌën uni ꞌiisa tania an ca aín papa, aín tita, aín xanu, aín bëchicë, aín xucën, aín chirabacë, acama nuibacësamaira oi ꞌëmi sinánti ꞌicën. Usai ꞌianan ca ax upiti tsótishi sinanima ꞌëmi sinani ꞌëx cuëëncësabi oishi ꞌiti ꞌicën. Ui unix cara usai ꞌiisama tania ax ca ꞌën uni ꞌitima ꞌicën.

Lucas 14:33

Usaquin ñuiquin cana ësaquin mitsu ꞌunánmin, an ax cuëëncësari ꞌiti ëinsama tanan aín ñucama cuëënquin ëinsama tancë uni ax ca ꞌën uni ꞌitima ꞌicën.

Lucas 16:8

Usaquin ca an a ñu mëëxuncë unin ꞌaxa quixun ꞌunánquin ca an a uni ñu mëëmicë unin sinánxa: An ꞌë ñu mëëxuncë unin ca uisai cara curíquiñuma ꞌaíshbi ꞌiti ꞌicë quixun sinánxun ñu ꞌaquin ꞌë paránti sinánxa quixun. Ësaquin catancëxun ca Jesusan cacëxa: —An ënë menushi upitax bucuti sináncë unin ca aín cuëëncësari ꞌiti upí oquin ꞌunania, Nucën Papa Diosmi sináncë unían ꞌacësamaira oquin.

Hechos 27:38

Acaman ca uiti cara piisa tania pitancëxun, manë nuntia xanúntanun trigo sacocama parúnpapanu puacëxa.

Hebreos 11:26

Cuëënquin ca sináncëxa, Egiptonu ꞌicë unicamax ñuñu ꞌaish cuëëncësamaira oi cana ꞌëx Nucën Papa Diosmi sináncë ꞌaish tëmëraibi cuëënti ꞌain. Cristonan ꞌicëa unin ꞌatimocëx tëmëraibi aín unicama cuëëncësaribi oi ca Moisés tëmëraibi Nucën Papa Diosan unicamabë ꞌi cuëëancëxa. Ax ca —Nucën Papa Diosan ca ax quicësabi oquin nu ainan ꞌaish aín nëtënu abë ꞌinun ꞌimia —quixun ꞌunani ami catamëti cuëëancëxa.