Filipenses 3:3 - Kashibo-Kakataibo Biblia

³ Atúxa judíos uni ꞌicë ꞌunántiocë ꞌaínbi cananuna nux asérabi Nucën Papa Diosan uni ꞌain, aín Bëru Ñunshin Upitan ꞌimicëx. Usa ꞌixun cananuna a rabianan Cristo Jesúsmi catamëcë ꞌixun cuëënquin ꞌunanin, nux ꞌunántioracacë cupíma Cristo Jesúsmi catamëcë cupíshi cananuna Nucën Papa Diosan uni ꞌai quixun.

Nukën 'Ibu Diosan ain unikama 'inan ain bana

³ Atúxa judíos uni 'icë 'unántiocë 'aínbi cananuna nux asérabi Nucën Papa Diosan uni 'ain, aín Bëru Ñunshin Upitan 'imicëx. Usa 'ixun cananuna a rabianan Cristo Jesúsmi catamëcë 'ixun cuëënquin 'unanin, nux 'unántioracacë cupíma Cristo Jesúsmi catamëcë cupíshi cananuna Nucën Papa Diosan uni 'ai quixun.

Filipenses 3:3 ပူးပေါင်းရင်းမြစ်များ

Salmos 105:3

Aín anë upíira a sinani kananuna rabikanti ꞌain. ¡Bëtsi Dios nun rabikë usaribi ka ꞌaíma ꞌikën, usa ꞌain ka aín nuitu upitani an Dios rabikë unikama kuëënti ꞌikën!

Isaías 45:25

Asábi ka ꞌën ꞌakë ñukama kupín ka kamabi Israel unikama ami nishkë unikama kanankin ꞌatankëx, ꞌën ꞌakë ñukama ñui anun rabikanti ꞌikën.”

Malaquías 1:11

Kamabi me kuainakëanu tsókë unikaman ka ꞌë rabia; ꞌimainun ka kamabi menuxun ꞌë rabikin ro sanuira xaronan ñu upíirabukama aribi a isi ꞌëx kuëëntisabi okin upíokin ꞌaia.

Romanos 1:9

ꞌËn cana Nucën Papa Dios cuëëncësabi oquin chiquíshquinma aín Bëchicë ñuiquin unicama bana ñuixunin. An ca ꞌunania, ꞌën cana abë banaquin nëtë camabi mitsu ñucáxunin.

Romanos 15:17

Cristo Jesúsnën cushiocëxun cana Nucën Papa Diosan casabi oquin judíosma unibu bana ñuixuan quixun sinani cana cuëënin.

Romanos 7:6

Usai ꞌiá ꞌaíshbi cananuna nun, ax quicësabi oquin ꞌati bana axa quicësabi oquin ꞌacë cupíma, Cristomi catamëtishi ainan ꞌixun aín Bëru Ñunshin Upitan sinánmicëxun bëtsi oquin sinánquin Nucën Papa Dios cuëëncësabi oquinshi ꞌain.

Romanos 8:15

Usa uni camina mitsux ꞌain. Mitsu aín bëchicë ꞌimiquin ca Nucën Papa Diosan mitsúxmi bëráma ꞌiásaribiti mitsun ꞌucha cupí ami racuë́tëcënun ꞌimicëma ꞌicën. Aín Bëru Ñunshin Upí an ca, ainan ꞌaish cuëënquinu Nucën Papa Dios, Paponun nu ꞌimia.

Romanos 8:39

Ñunshin ꞌatimanën ꞌapucama ꞌimainun, uisa ñunshin cara, acama ꞌimainun ënë nëtënu ꞌicë ꞌapucamaribi ꞌimainun axa naí manámi ꞌicëcama ꞌimainun axa naí meu ꞌicëcamaribi, ꞌimainun uisa ñucama cara Nucën Papa Diosan unio ꞌicë, acamanbi ca Nucën Papa Dioscëñun nu ënananmitima ꞌicën. Uisaira oquin cara an nu nuibatia quixun ca Nucën Papa Diosan Jesucristo ënë menu xuquin nu ismiacëxa.

Romanos 9:6

Israelnën rëbúnqui judíos unicama camáxira Nucën Papa Diosnanma ꞌaínbi cananuna sinántima ꞌain, Nucën Papa Diosan ca aín quicësabi oquin Israel unicama ainan ꞌimiama ꞌicë quixun. Israelnën rëbúnqui ꞌaíshbi ca axa Nucën Papa Diosmi sináncëmacamax asérabi Nucën Papa Diosnanma ꞌicën.

2 Corintios 11:18

ꞌItsaira uníxa ënë nëtënu ꞌicë ñuishi sinani rabiacacësaribi oi cana ꞌëxribi rabiacati ꞌain.

Gálatas 5:25

Usa ꞌain cananuna nux aín Bëru Ñunshin Upitan ꞌimicëx Nucën Papa Diosan uni ꞌixun, aín Bëru Ñunshin Upitan an nu sinánmicësabi oquin ꞌati ꞌain.

Gálatas 6:16

Axa usai ꞌicë unicamacëñuan uicamax cara asérabi aín uni ꞌicë, acama Nucën Papa Diosan nuibaquin aín ꞌucha tërë́anan chuámashirua ꞌimiti cana cuëënin.

Efesios 6:18

Usai ꞌiquin camina aín Bëru Ñunshin Upitan sinánmicësabi oquin añu caramina ꞌai a ñu ꞌai Nucën Papa Diosbë bananan an mitsu ꞌaquinun ñucáti ꞌain. Usai abë bananux camina atsanima ami manúaxma ꞌianan axa Jesucristomi catamëcë unicamaribi Nucën Papa Dios ñucáxunti ꞌain.

Deuteronomio 10:16

Usa ꞌain kamina achúshi ñu ꞌakë kikë bana manukin mitsun nuitu iruakinma sinánti ꞌain,

Deuteronomio 30:6

Usa ꞌain ka Diosan mitsun nuitu mëníokin sinánmianan mitsun bakë bëchikëkamaribi ꞌati ꞌikën, an ka aín bana ꞌunámianan uisakin karamina mitsun a asérabi nuibati ꞌai kixun ꞌunánmiti ꞌikën usa ꞌain ka a aín nuitubëtanbi sinánkin a menu atux upitax ꞌitsa bari ꞌimi tsóti ꞌikën.

Filipenses 1:1

ꞌËx Pablo ꞌixun cana Timoteobëtan mitsu quirica buánmin. Jesucristonën casabi oquin aín bana uni ñuixuncë cananuna nux ꞌain. Micamaxmi Filipos ëmanu ꞌaish Jesucristomi sinania cana mitsun cushicama ꞌimainun an axa Jesucristomi catamëcë unicama ꞌaquincë unicamaribi ënë quirica buánmin.

Filipenses 3:12

Usa ꞌaínbi cana asérabi asaírama pain ꞌain. Asaírama ꞌixun cana asérabi an ꞌacësaribi oquiinra sinaniman. Usa ꞌixunbi cana ꞌunanin, axa quiásabi oi asaribi ꞌinun ca ꞌë ië́miacëxa quixun. Usaquin ꞌunánquin cana asaribi ꞌinuxun, ënquinma aín bana quicësabi oquin ꞌain.

Filipenses 3:14

Usoquin ꞌatancëxun cananuna uisaira caranuna aín nëtënu abë ꞌaish asérabi asaribi ꞌiti ꞌai quixun isti ꞌain. Isanan cananuna uisaira oquin cara Cristo Jesúsnan ꞌicë Nucën Papa Diosan nu ꞌimiti ꞌicë quixun isti ꞌain.

Colosenses 2:11

Mitsux usai Cristobë achúshisa ꞌaish camina Nucën Papa Diosnan cupí ꞌunántioracacësaribi ꞌain. Judíos unicamaxa chamaratsu ꞌaish ꞌunántiocë usa ꞌaíshmabi camina Cristonënbia mitsun sinan upí ꞌimianan ñu ꞌaisama ꞌati ëmicë ꞌaish, Nucën Papa Diosnan cupí ꞌunántiocësa ꞌain.

Judas 1:20

ꞌËn nuibacë xucë́antu, ami catamëcë ꞌaish camina camabi nëtën asérabi Jesucristomi sinánti ꞌain. Ami sináncëxun ca an mitsu sinánmiti ꞌicën, an sináncësaribi oquinmi sinánun. Aín Bëru Ñunshin Upitan ꞌaquincëx camina Nucën Papa Diosbë banati ꞌain.