Filipenses 3:1 - Kashibo-Kakataibo Biblia

¹ ꞌËn xucë́antu, ësaquinribi cana mitsu cain, mitsux Nucën ꞌIbu Jesucristonan ꞌaish camina chuámashirua tani cuëënti ꞌain. ꞌËn cacësabi oquin mitsu catëcëni cana atsaniman, mitsúxmi upí ꞌiti cupí.

Nukën 'Ibu Diosan ain unikama 'inan ain bana

¹ 'Ën xucë́antu, ësaquinribi cana mitsu cain, mitsux Nucën 'Ibu Jesucristonan 'aish camina chuámashirua tani cuëënti 'ain. 'Ën cacësabi oquin mitsu catëcëni cana atsaniman, mitsúxmi upí 'iti cupí.

Filipenses 3:1 ပူးပေါင်းရင်းမြစ်များ

Nehemías 8:10

Kanan ka ësakinribi Esdrasnën kakëxa: “Mitsun ꞌikënu rikianxun kamina upíokin ꞌaxun pianan uvas baka vino bataira ꞌitánun ꞌakë a xëanan ui kamax kara ñuñuma ꞌixun aín piti ꞌakëma ꞌikë akama kuëntankëxun pikianan xëakinti ꞌain, bërí ka achúshi nëtë anun Dios rabiti nëtë ꞌikën. Usa ꞌain kamina masá nuitukinma Diosan ka nukama ꞌakinti ꞌikë kixun sinánkanti ꞌain.”

Salmos 32:11

Nukën ꞌIbumi kamina mënin sinánñushi unikama ꞌimainun upí sinánñu unikama mitsux; ¡abë timëax kuëni sharákanti ꞌain!

Salmos 33:1

Mitsux Nukën ꞌIbun uni ꞌaish kamina, ¡kuëni Nukën ꞌIbumi kantati ꞌain! Uni upí sinan ñukama axa a rabi kantaia kuakë ax ka upí ꞌikën.

Salmos 37:4

Nukën ꞌIbu nuibakin kamina an kakësabiokin ꞌati ꞌain, usokinmi ꞌakëbëtan ka min ñukákësabi okin mi ꞌaxunti ꞌikën.

Salmos 42:4

Kixuan ꞌë kakan a sinani kana uínsaran karana ꞌëx tëmëra akama sinani anun ꞌitsaira masánuituti paëin; ꞌianan kana anuxun mi rabiti xubu Jerusalénnu ꞌikë anuax unikamabë kuanxun fiesta ꞌakin mi rabi munuma kuëëni ꞌia akama sinanin. ¡Ax ka fiesta chaiira nun ꞌakë ꞌiakëxa!

Isaías 41:16

Usakin ꞌaxun tákaia ka suñun bëkikin nuánmiti ꞌikën; ñu bimia aín bimikama këñunbi anu ꞌibúkin suñúan kushiiran ñu ꞌakësaribi okin ꞌabisoti ꞌikën. Usa ꞌain kamina mitsun ꞌIbu ꞌain kuëënkanti ꞌain, usai ꞌikamina mitsux rabiakati Israel unikaman Dios upíira ax ka nubë ꞌikë kiax kikanti ꞌain.

Isaías 61:10

¡Uisai karana ꞌëx Nukën ꞌIbumi chuámarua tani kuëënti ꞌain! Diosan ka kuëëira kuëënun ꞌë ꞌimiaxa, usa ꞌixun ka, ¡kamabi ñu kanankin ꞌanun ꞌë ꞌamiaxa! Usa ꞌain kana an xanu biti unían mëníokakin mañuti mañukësa ꞌianan, achúshi xanun birakanuxun mëníokin ain ñu ꞌupíikama pañukë usaribi ꞌain.

Joel 2:23

¡Axa Jerusalén kakë ꞌikëbi Sión kakëribi ëmanu tsókë unikama mitsux kamina kuëënkanti ꞌain, usai ꞌi kamina Diosmiribi sinani kuëënkanti ꞌain! An ka bëráma ꞌasabiokin anúan ꞌibúti nëtë ꞌikëbëtan ꞌuñe ꞌibúmiaxa, a ꞌuñe ka mitañu ꞌianan anun ñu ꞌapákëxa pëkëtia biti ꞌuxë anun ꞌasaribiokin ꞌibúmikë ꞌiti ꞌikën.

Mateo 5:12

Usaribi oquin ca an Nucën Papa Dios quicë bana uni ñuixuncë unicama unin bëtsi bëtsi ocëxa. Usaquin sinánquin camina cuëënquin, Nucën Papa Diosan ca mitsu upí oquin sinánxunquin aín nëtënu abë ꞌi upitax tsónun mitsu ꞌimiti ꞌicë quixun ꞌunani chuámarua tani cuëënti ꞌain.

Lucas 1:47

ꞌËn ꞌIbu Dios an ainan ꞌinun ꞌë ië́micë, a sinani cana cuëëinra cuëënin.

Romanos 5:11

Usaquin ꞌimicëx cananuna —Nucën ꞌIbu Jesucristo a cupí cana Nucën Papa Diosnan ꞌaish abë upí ꞌai —quixun ꞌunani cuëëinra cuëënin.

2 Corintios 13:11

ꞌËn xucë́antu, chuámashi camina ꞌicanti ꞌain. Añu ñucama cara ꞌaisama ꞌicë camina mëníoquin sinántëcëntima ꞌain, ꞌën mitsu cacë banacama cuati camina bëtsin sináncësabi oquin sinani nishananíma nuibananishi ꞌicanti ꞌain. Usai ꞌia ca Nucën Papa Dios, an aín unicama nuibaquin bënëtima chuámarua ꞌinun ꞌimicë, ax mitsubë ꞌiti ꞌicën.

Efesios 6:10

ꞌËn xucë́antu, ënë banaribi cana mitsu ñuixunin. Ax mibë ꞌixúan mi sinánmicësabi oquin ꞌai camina Nucën ꞌIbu Jesucristomi asérabi catamëti ꞌain. Usaími ꞌia ca aín cushínbi mitsu cushioti ꞌicën.

Deuteronomio 12:18

ꞌImainun kamina Nukën ꞌIbu Diosan isnun ꞌakin mitsun uinu kara an kaisia, anuxun Diosan ismainun ꞌakin mitsun bakë bëchikëkama ꞌimainun an ñu mitsu mëëxunkë ꞌimainun mitsun aintsi levita unikama atubëbi timë́xun mitsun ñu ꞌapákë ꞌain bimi bixun pi kuëënti ꞌain.

Filipenses 3:3

Atúxa judíos uni ꞌicë ꞌunántiocë ꞌaínbi cananuna nux asérabi Nucën Papa Diosan uni ꞌain, aín Bëru Ñunshin Upitan ꞌimicëx. Usa ꞌixun cananuna a rabianan Cristo Jesúsmi catamëcë ꞌixun cuëënquin ꞌunanin, nux ꞌunántioracacë cupíma Cristo Jesúsmi catamëcë cupíshi cananuna Nucën Papa Diosan uni ꞌai quixun.

Filipenses 4:4

Mitsux camina Nucën ꞌIbu Jesucristonan ꞌai quixun sinani camina camabi nëtën uisa ñu cara ꞌicëbëbi chuámarua tani cuëënti ꞌain. Usai ꞌinun caxunbi cana mitsu catëcënin, chuámarua ca ꞌican.

Filipenses 4:8

ꞌËn xucë́antu, ësaquinshi cana mitsu cain, unían ësa ñu ꞌaia isquin camina mitsun —ax ca asábi ꞌicë —quixun sinánti ꞌain, cëmëma banacama ꞌimainun —upí ca —quixun ñuicë ñucama, ꞌimainun uni itsi paránquinma upí ñu ꞌacë, ꞌimainun ñu ꞌatima ꞌati sinánquinma upíshi ꞌiti sináncë, ꞌimainun bëtsibë upiti nuibananti, acama ꞌimainun rabiquian unin —upí ca a uni ꞌicë —quixun mitsu ñuixuncë, acama. ꞌImainun camina uisa ñu ꞌati cara upí ꞌicë, uisa ñu ꞌati ñui cara —asábi ca —quiax uni quiti ꞌicë, acama sinánti ꞌain.

1 Tesalonicenses 4:1

Nucën xucë́antu, Nucën ꞌIbu Jesús cuëëncësabi oquin ꞌësëquin cananuna ësaquinribi mitsu cain, uisai ꞌianan caramina uisaira oquinribi Nucën Papa Dios cuëëntanun ꞌati ꞌai quixunu mitsu ꞌunánmicësabi oquin ꞌaquinbi camina mitsun ꞌacësamaira oquin camabi nëtën ꞌati ꞌain.

1 Tesalonicenses 5:16

Masá nuitutíma camina camabi nëtën cuëëni chuámashi ꞌicanti ꞌain.

Santiago 1:2

ꞌËn xucë́antu, cana mitsu cain, uisai caramina ꞌiti ꞌain, uisa ñu cara mitsumi ꞌicëbëbi camina upí oquinshi sinani cuëënti ꞌain.

1 Pedro 3:8

Ënë banaribi cana mitsu cain, axa Jesucristomi catamëcë uni raírinën sináncësaribi oquin sinani camina atubë nuibananti ꞌain, atúxa mitsun xucë́nsaribi ꞌain. Camina bëtsibë camáxbi nuibanani ꞌaquianani rabítima ꞌain.

1 Pedro 4:13

Bënë́quinma camina sinánti ꞌain, ami nishquian unin bëtsi bëtsi ocë́xa Cristo tëmërasaribi oquin cananuna nunribi tëmërai quixun. Usaquin sinani camina tëmëraibi cuëënti ꞌain, usaribiti ꞌApuira ꞌaísha Cristo aia isi cuëënux.

2 Pedro 3:1

ꞌËn nuibacë xucë́antu, bëtsi quirica pan buánmixunbi cana ënë quiricaribi mitsu buánmin. Quirica buánmiquin cana asérabi Jesucristomi sináncë ꞌixunmi aín banacama manuquinma upí oquin sinánun mitsu ꞌësëan.

1 Samuel 2:1

Ësai ki ka Ana Diosbë banakëxa: Nukën ꞌIbu ꞌëx kana ꞌën nuitunënbi mi sinani kuëënin, min kamina amiribishi kushiñu ꞌinun ꞌë ꞌimian. Usa ꞌaish kana axa ꞌëmi nishkë unikama ñui banati ꞌain, min kamina ꞌë ꞌakian. ¡Usa ꞌain kana bërí kuëënin!