Filipenses 2:5 - Kashibo-Kakataibo Biblia

⁵ Jesucristonëan ꞌásaribi oquin camina sinánti ꞌain.

Nukën 'Ibu Diosan ain unikama 'inan ain bana

⁵ Jesucristonëan 'ásaribi oquin camina sinánti 'ain.

Filipenses 2:5 ပူးပေါင်းရင်းမြစ်များ

Mateo 11:29

Mitsúxmi cuëënia cana uisari caramina upí ꞌiti ꞌai quixun mitsu ꞌunánmiti ꞌain. Ñu caquinma cana tëmëraquinmami ꞌati sënë́inshi ꞌëx cuëëncësabi oi ꞌinun mitsu ꞌimiti ꞌain. ꞌImixun ꞌën ꞌaquincëx camina upí oquin sinani chuámashirua tani cuëënti ꞌain.

Lucas 22:27

¿An piti ꞌacë uni ax cara axa mesanu pi tsócë unibëtan sënën ꞌic? An mesanuxun picë uni ax ca an piti ꞌacë unibë sënë́nmara ꞌicën. Usa ꞌaínbi cana ꞌëx an mitsu ñu ꞌaxuncë a ꞌain.

Hechos 10:38

Camina ꞌunanin, Nucën Papa Diosan ca Jesús Nazaretnu ꞌicë a aín Bëru Ñunshin Upí abë ꞌinun ꞌinánquin aín cushiribi ꞌináncëxa. ꞌInáncëxun ca ñu upíshi ꞌanan ñunshin ꞌatimañu unicamaribi pëxcüacëxa, Nucën Papa Dios abë ꞌain.

Hechos 20:35

Usaquin ñu mëëcë ꞌixun cana mitsu ꞌunánmia, mitsúnribimi usoquin ꞌanun, ñuñuma uni ñu ꞌinánuxun. Usaquin ꞌati sinani ca Nucën ꞌIbu Jesús ësai quiacëxa: “A unin ñu ꞌináncë uni ax cuëëncësamaira oi ca an uni ñu ꞌináncë uni ax cuëënia”. A bana camina manuquinma sinánti ꞌain.

Romanos 14:15

Usa ꞌain ca axa —ꞌën usa ñu pi cana ꞌuchati ꞌai —quixun sinánquinbi mitsúnmi ꞌaia isquin anribi usa ñu pi ꞌuchacë, ax ca min ꞌucha ꞌiti ꞌicën. Min a uni nuibacëma ꞌixun camina usaquin ꞌan. Usa ꞌain camina mitsun an picëma ñu piquin, anun rabanan Cristo bama ꞌicëbi, uni ꞌuchamitima ꞌain.

Romanos 15:3

Usaribi ca Cristo ꞌiacëxa. Ax cuëëncësa oi ꞌiti sinanima ca aín Papa Dios cuëëncësabi oíshi ꞌiacëxa. Nucën Papa Diosan bana quicësa oía aín Papabë banai Jesucristo ësai quicë ax ca asérabi ꞌicën: “Mimia ꞌatimati banaa usaribiti ca unicama ꞌëmiribi ꞌatimati banaxa”.

Romanos 15:5

Nucën Papa Dios, an aín unicama tëmëraquinbi ëníma ami catamënun ꞌimianan uisa ñu cara ꞌicëbëtanbi atu bërúanquin ꞌaquincë, an Cristo Jesús cuëëncësabi oquin mitsu bëtsibë nishananíma nuibananquin, bëtsin sináncësaribi oquin sinánun ꞌaquinti cana cuëënin.

1 Corintios 10:33

ꞌËnribi cana camabi uníxa ꞌën ꞌaia isi cuëënun ñu ꞌain. ꞌËn cuëëncë ñu ꞌatishi sinánxun cana ñu ꞌaiman. Jesucristomi catamëtía ië́nun camabi uni ꞌaquínti sinánxun cana ñu ꞌain.

Efesios 5:2

Nucën Papa Dios cuëëncësabi oquin judíos unin aín ꞌucha cupí rëcë́xa carnero ꞌiásaribiti ca bamatsianxmabi Cristo nu nuibati nun ꞌucha cupí bamacëxa, ami catamëtíshinu ië́nun. Cristonëan nu usoquin nuibacë ꞌain camina mitsúxribi usaribiti bëtsibë bëtsibë nuibananti ꞌain.

Filipenses 1:1

ꞌËx Pablo ꞌixun cana Timoteobëtan mitsu quirica buánmin. Jesucristonën casabi oquin aín bana uni ñuixuncë cananuna nux ꞌain. Micamaxmi Filipos ëmanu ꞌaish Jesucristomi sinania cana mitsun cushicama ꞌimainun an axa Jesucristomi catamëcë unicama ꞌaquincë unicamaribi ënë quirica buánmin.

1 Pedro 2:21

Usaími ꞌinun ca Nucën Papa Diosan mitsu aín uni ꞌimiaxa. Cristonën ca ñu ꞌatima ꞌacëma ꞌixunbi mitsu cupí tëmëracëxa. Usaribi oquin camina ñu atima ꞌacëma ꞌaish tëmëraquinbi tanshiti ꞌain.

1 Pedro 4:1

Uni ꞌixun ca Cristonën tëmëraquin paë tancëxa. Usa ꞌain camina ꞌunánti ꞌain, mitsúnribi camina —sapi cana tëmëraquin paë tanti ꞌai —quixun sinánti ꞌain. Uin cara Jesucristonan cupí tëmëraquin paë tanxa an ca ñu ꞌatima ꞌai ꞌuchati ëanxa.

1 Juan 2:6

Usa ꞌain ca axa —ainan ꞌaish abë ꞌicë ca Nucën Papa Diosan ꞌë sinánmia —quicë uni, ax Jesucristo ꞌiásaribiti ꞌiti ꞌicën.