Filipenses 2:4 - Kashibo-Kakataibo Biblia

⁴ Mitsúxëshi chuámarua ꞌaish cuëënuxun ñu ꞌatishi sinánquinma camina uni raíriribi chuámarua ꞌi cuëënun ꞌaquinti ꞌain.

Nukën 'Ibu Diosan ain unikama 'inan ain bana

⁴ Mitsúxëshi chuámarua 'aish cuëënuxun ñu 'atishi sinánquinma camina uni raíriribi chuámarua 'i cuëënun 'aquinti 'ain.

Filipenses 2:4 ပူးပေါင်းရင်းမြစ်များ

Mateo 18:6

Usa ꞌain ca an ꞌëmia sináncë uni ꞌimainun tuá ꞌëmia sinánti ënun quixun ꞌatima ñu ꞌamiquin ꞌuchamicë unix aín ꞌucha chaira ꞌicën. Usa ꞌaish ca ꞌaisamaira oquin castícancë ꞌiti ꞌicën. A unix ca anun ñu rënti maxax ami tëtëcërëcatancëxun parúnmapa nëbë́tsi nicë́xa uni nanë́cësamaira oi castícancë ꞌiti ꞌicën.

Romanos 12:15

Axa chuámarua ꞌaish cuëëncë uni abë camina cuëënti ꞌain. Axa masá nuituti incë uni a camina abë masá nuituquin nuibati ꞌain.

Romanos 15:1

Bëtsi bëtsi ñu ꞌati ca asábi ꞌicë quixun nun ꞌunáncë ꞌixunbi cananuna uni itsían, usa ñu ꞌati ca Nucën Papa Dios cuëënima quixun sináncë cupí a ñu ꞌaisa tanquinbi ꞌatima ꞌain.

1 Corintios 10:24

Axa Jesúsmi sináncë unin ca ꞌënanshi ca quixun sinánquin ñu ꞌatima ꞌicën. Bëtsi uniribia upí ꞌinun ꞌaquinti sinánxun ca ñu ꞌati ꞌicën.

2 Corintios 11:29

Ui unix cara ami catamëcë ꞌaíshbi Jesucristomi manutia a uni cupí cana ꞌëxbi Jesucristomi manucësa ꞌaish masá nuitutin. Usa ꞌaish cana unían axa Jesucristomi catamëcë uni ꞌuchamicëbë ꞌëribia usoquin ꞌacësa ꞌaish rabíanan an a uni ꞌuchamicë unimi nishin.

2 Corintios 6:3

Uinu ꞌicë unínbia nun bana —ꞌaisama ca —quixun caquin cuaisama tanunma cananuna ñu ꞌatima ꞌaquinma Nucën Papa Dios cuëëncësabi oquinshi ꞌain.

Filipenses 2:21

Ënu ꞌicë uni raírinën ca aín cuëëncë ñu ꞌatishi sinánquin a ꞌanúan Cristo Jesús cuëëncë ñu ꞌati sinanima.

Santiago 2:8

Aín bana raírinëxa quicësoi ꞌicësamaira oi a bana quicësoi ꞌiti Nucën Papa Diosan banax ca ësai quia: “Mixmi upiti bërúancacësaribi oquin camina min aintsicama nuibanan axa ꞌaquinsa ꞌicë ꞌaquinti ꞌain”. A bana quicësabi oquin ꞌacë ꞌixun camina mitsun Nucën Papa Dios cuëëncësabi oquin ꞌain.