Filipenses 2:3 - Kashibo-Kakataibo Biblia

³ Bëtsi uni ꞌaquinti sinánquinma camina minánshi ꞌiti ñu ꞌatima ꞌain. ꞌËx cana bëtsi unisama ꞌai quixun sinani rabíquinma camina —uni raírinëx ca ꞌëx ꞌicësamairai upí ꞌicë —quixun sinánti ꞌain.

Nukën 'Ibu Diosan ain unikama 'inan ain bana

³ Bëtsi uni 'aquinti sinánquinma camina minánshi 'iti ñu 'atima 'ain. 'Ëx cana bëtsi unisama 'ai quixun sinani rabíquinma camina —uni raírinëx ca 'ëx 'icësamairai upí 'icë —quixun sinánti 'ain.

Filipenses 2:3 ပူးပေါင်းရင်းမြစ်များ

Proverbios 13:10

Axa rabiakakë uni an ka bëtsi unibë mëëanantishi kuëënia; usa ꞌaínbi ka sinan mëninñushi uni an ꞌësëkin kakëxun bana kuatia.

Lucas 18:14

Usa ꞌain cana mitsu cain, fariseo unima, bëtsi uni a usaquin cacëxun aín ꞌuchacama tërë́ncë, ax ca aín xubunu cuani Nucën Papa Diosan iscëx upí ꞌiaxa. Usaribiquin ca an rabíquin —ꞌëx cana bëtsi unibëtan sënë́nma ꞌai —quixun sináncë uni a Nucën Papa Diosan aín uni raíribëtan sënë́nmara ꞌimiti ꞌicën. ꞌImainun ca axa rabícëma uni a cuni Nucën Papa Diosan cha ꞌimiti ꞌicën.

Romanos 12:10

Camina bëtsibë bëtsibë ꞌaquianani nuibananti ꞌain, mitsun xucë́nbë ꞌicësaribiti. Asamaira ꞌiisa tanquin ꞌatimoquinma camina bëtsi uni isquin upí oquin ꞌaquinti ꞌain.

Romanos 13:13

Ami cushicë ꞌaish cananuna upitaxëshi niti ꞌain. Paë́nti, paë́anx cuëëni sharáti, uni aín xanuma xanu itsibë ꞌiti, ñunshínquin ñu ꞌatima ꞌati, cuamianani nishananti, unimi nutsiti, a ñucama ënquin cananuna usa ñu ꞌatima ꞌain.

Romanos 2:8

Usaquin ꞌimianan ca uicamax cara ami sinántisama tanan aín bana quicësabi oquin ꞌaisama tanquin, atux cuëëncësa oquinshi ñu ꞌatima ꞌaia, a unicama Nucën Papa Diosan ami nishquin castícanti ꞌicën.

1 Corintios 15:9

ꞌËx axa Jesucristomi catamëcë unicama bëtsi bëtsi ocë ꞌaish cana ꞌëx Jesusan aín bana ñuixunun caíscë uni raíribë sënë́nma ꞌaish acama meuraira ꞌain. Usa ꞌaish an caíscë uni ꞌiisama ꞌicëbi ca ꞌë aín bana ñuixunun cacëxa.

1 Corintios 3:3

Usai ꞌaish nutsi cuamianani nishananquin camina Cristonanma unin sináncësa oquinshi sinanin. Usa ꞌi camina an Nucën Papa Diosan bana cuacëma unicamaxa ꞌicësai ꞌin.

2 Corintios 12:20

ꞌËn mitsu isi cuanxun iscëxbi sapi camina ꞌën sináncësama ꞌicanti ꞌai quixun cana sinanin, ꞌëxribi mitsun sináncësama ꞌimainun. Usa ꞌixun cana sinanin, mitsux sapi camina nutsi cuamianani cuëbicananan, bëtsibë bëtsibë nishánancë ꞌianan, bëtsimi manáncë ꞌianan, minainshi ñu ꞌati sinánan bëtsi unibë ñuianancë ꞌianan, rabiacaquin upí oquin sináncëma uni ꞌain.

Gálatas 5:15

Usa ꞌaínbi bëtsibë nishanani cuamianani camina mitsux Jesucristonën unimasa ꞌiti ꞌain. Usai ꞌitin rabanan camina bërúinraocati ꞌain.

Gálatas 5:26

Usa ꞌain cananuna —ꞌëx cana bëtsi unisama ꞌai —quiax rabítima ꞌain, cananuna cuëbicanani unibë nishanantima ꞌain, ꞌimainun cananuna bëtsimi nutsitima ꞌain.

Efesios 4:2

Cuamiananima camina upí sinánñu ꞌaish upiti banati ꞌain. Bënëtishi nishíma camina bëtsibë nuibanani ꞌaquiananti ꞌain.

Efesios 5:21

Nucën Papa Diosnan ꞌaish camina bëtsibë nishananima an cacëxun aín bana cuati, uni raíribë nuibananti ꞌain.

Filipenses 2:14

Usa ꞌain camina añu ñu caramina ꞌai a ñui quianan cuëbicanánquinma nëtë́xuinshi ꞌati ꞌain,

Colosenses 3:12

ꞌItsaira nuibaquin ca Nucën Papa Diosan ainan ꞌaish an iscëx upí ꞌinun mitsu caísacëxa. Usa ꞌixun camina mitsúnribi bëtsi uni nuibaquin upíoti ꞌain. Usoquin ꞌanan camina —ꞌëx cana bëtsi unisamaira ꞌaish upí ꞌai —quixun sinántima ꞌain, masáquin sinani camina bënëtishi unimi nishtima ꞌain.

Colosenses 3:8

Usa ꞌain camina bëráma ꞌá ꞌixunbi ënë ñucamaribi ënti ꞌain: Bëtsi unibë nishánanti, ꞌimainun bënëtishi nishti, ꞌimainun bëtsi unibë ꞌatimonanti, ꞌimainun bëtsi unimi ꞌatimati banati.

1 Timoteo 6:4

a unin ca rabiacaquinbi añu ñubi ꞌunáncëma ꞌicën. Usa unin ca abë cuëbicanantishi cuëënquin —usama ca, ësaira ca bana ꞌicë —quixun raíri unicama cuëbicananquinia. Usai ꞌi ca a unicamax nutsianan, nishánanan, ñuianani ꞌatimati banaia. Usa ꞌixun ca uinu ꞌicë unínbi ca asérabi bana ñuima quixun sinania.

1 Pedro 3:8

Ënë banaribi cana mitsu cain, axa Jesucristomi catamëcë uni raírinën sináncësaribi oquin sinani camina atubë nuibananti ꞌain, atúxa mitsun xucë́nsaribi ꞌain. Camina bëtsibë camáxbi nuibanani ꞌaquianani rabítima ꞌain.

1 Pedro 5:5

Usaribi oquin cana bëná unicama ësaquin cain, mitsun cushicaman bana camina timaquinma cuati ꞌain: Nucën Papa Dios ca unia rabíti cuëënima. Usa ꞌixunbi ca axa rabícëma unicama nuibaquin ꞌaquinia. Usa ꞌain camina —ꞌëx cana bëtsi unisamaira ꞌai —quixun sinanima camáxbi bëtsin sináncësaribi oquin sinani upiti ꞌësëananti ꞌain.