Filipenses 2:2 - Kashibo-Kakataibo Biblia

² camina ꞌë cuëënminux ësai ꞌiti ꞌain, bëtsin sináncësaribi oquin sinani asérabi camáxbi bëtsibë nuibananquin amanua sinánquinma achúshi oquinshi sinani ꞌiti ꞌain.

Nukën 'Ibu Diosan ain unikama 'inan ain bana

² camina 'ë cuëënminux ësai 'iti 'ain, bëtsin sináncësaribi oquin sinani asérabi camáxbi bëtsibë nuibananquin amanua sinánquinma achúshi oquinshi sinani 'iti 'ain.

Filipenses 2:2 ပူးပေါင်းရင်းမြစ်များ

Salmos 122:8

Usa ꞌain kana bërí ꞌën xukë́nkama ꞌimainun ꞌën ꞌunánkë unikama kati ꞌain; Axa Jerusalénnu ꞌikë unikamax chuámarua ꞌiti kana kuëënin.

Juan 3:29

Ësa ca. Ainan ꞌinúan unin bicëx ca xanu ainan ꞌia. Ainan ꞌiti xanu bitsia uni cuëëni banaia cuati ca axa abë nicë uníxribi cuëënia. Usaribiti cana ꞌëx —unicaman ca Jesusan bana cuatia —quixunmi mitsun ꞌë cacëxun cuati chuámarua tani cuëënin.

Hechos 1:14

A unicamax ca atúxa ꞌicësabi oi ꞌi, Jesusan xucë́antu ꞌimainun aín tita María ꞌimainun bëtsi xanucamabëribi timë́ax ami sinani Nucën Papa Diosbë banacëxa.

Hechos 2:1

Usa ꞌain ca Pentecostés cacë nëtë ucëbë Jerusalénu ꞌicë achúshi xubunu timë́ax axa Jesucristomi catamëcë unicama bucüacëxa.

Hechos 2:46

Camabi nëtën anuxun Nucën Papa Dios rabiti xubunu a rabinux timë́anan ca atun xubunuribi timë́xun Jesúsmi sinánquin tëcë́npaxun pán pianan bëtsi ñuribi piquianani cuëëni bëtsibë bëtsibë nuibanancëxa.

Hechos 5:12

Usa ꞌain ca Jerusalénu ꞌicë unicaman, ax ca atubë ꞌicë quixun ꞌunánun Nucën Papa Diosan ꞌamicëxun, Jesusan caíscë unicaman uni itsin ꞌacëma ñu ꞌacëxa. Usocëbë ca axa Jesúsmi catamëcë unicamax Salomón cacë anun uni nicë, anubi ꞌi anuxun Nucën Papa Dios rabiti xubunu camabi nëtën timë́acëxa.

Romanos 12:16

Camina bëtsibë bëtsibë nishananíma nuibananishi upiti banati ꞌain. Usai ꞌi camina cërúananima, axa uni itsibëtan sënë́nmara unibë upí ꞌaish abë upiti banati ꞌain. Rabíquin camina —ꞌën cana uni itsin ꞌacësamaira oquin ñu ꞌunanin —quixun sinántima ꞌain.

1 Corintios 1:10

Mitsux Jesucristomi sináncë ꞌaish camina ꞌën xucë́antu ꞌain. Usa ꞌicë cana Nucën ꞌIbu Jesucristo cuëëncësabi oquin mitsu ësoquin cain: Bëtsin sináncësaribi oquin sinani camina bucucanti ꞌain. Masáquin sinani camina bëtsibë nishanancantima ꞌain. Nishananíma nuibananshiti camina camaxunbi bëtsin sináncësa oquinshi sinani upitax bucucanti ꞌain.

2 Corintios 13:11

ꞌËn xucë́antu, chuámashi camina ꞌicanti ꞌain. Añu ñucama cara ꞌaisama ꞌicë camina mëníoquin sinántëcëntima ꞌain, ꞌën mitsu cacë banacama cuati camina bëtsin sináncësabi oquin sinani nishananíma nuibananishi ꞌicanti ꞌain. Usai ꞌia ca Nucën Papa Dios, an aín unicama nuibaquin bënëtima chuámarua ꞌinun ꞌimicë, ax mitsubë ꞌiti ꞌicën.

2 Corintios 2:3

Mitsu isi cuaniami ꞌë masá nuitumiti rabanan cana cuanquinma mitsu usaía quicë quiricashi buánmian. Buánmiquin cana sinan, ꞌëx cuani masá nuitutíma cuëënia isi camina mitsúxribi upí oquin sinani cuëënti ꞌai quixun.

2 Corintios 7:7

Tito ucë cupíshima, an mitsu ñuiquin ꞌë cacë bana aribi cuati cananuna chuámarua tani cuëëan. Mitsunuax uxun ca Titon nu caxa, axribi masá nuituti cuanxbisa mitsu isi cuëëanxa quixun. Nux mitsu isi cuanti cuëëananmi ꞌën mitsu quiricanu cacë ñucama sinani masá nuitutími ꞌitsaira ꞌëmi sináncancë, acama Titon ñuia cuati cana cuëëan.

Filipenses 1:4

Abë banaquin cana upí oquin sinani cuëënquin mitsu ñucáxunin.

Filipenses 2:16

—Jesucristomi catamëti ca uni Nucën Papa Diosnan ꞌia —quixunmi unicama bana ñuixuncë cupí. Mitsúxmi usa ꞌain cana ꞌën Cristo ucëbëtan —ñancábi cana tëmëraquinbi Cristo ñuiquin Filiposnu ꞌicë unicama bana ñuixuanma ꞌai —quixun ꞌunani cuëënquin upí oquin sinánti ꞌain.

Filipenses 2:20

Timoteonënshi ca ꞌën ꞌacësaribi oquin mitsu sinania. Usaquian an sináncë bëtsi uniribi ca ꞌaíma ꞌicën.

Filipenses 4:2

Evodiacëñun cana Síntiqueribi cain, mitsux cuamianancë ꞌaíshbi camina Nucën ꞌIbu Jesucristonan ꞌaish cuamiananima bëtsin sináncësabi oquin sinani nuibananti ꞌain.

Colosenses 2:5

mitsu ꞌura ꞌaíshbi ꞌën sináncënëinshi mitsubë ꞌicësa ꞌaish cana mitsúxmi uisa ñu cara ꞌicëbëbi a ëníma Cristomi catamëti ami cushicë ꞌicë cuati cuëënin.

2 Tesalonicenses 2:13

Nucën xucë́antu, usa ꞌaínbia Nucën ꞌIbu Jesucristonën nuibaquin mitsu ainan ꞌimicë cupí cananuna Nucën Papa Dios —asábi ca —ënquinma cati ꞌain. Mecama unioisama pain ꞌixunbi ca Nucën Papa Diosan ainan ꞌinux ië́ti mitsu sinánxuancëxa. Usa ꞌaish camina aín Bëru Ñunshin Upí an ax cuëëncësa oíshi ꞌinun mitsu sinánmicë, a cupí ꞌianan asérabi Jesucristo ñuicë bana sináncë cupí, ainan ꞌain.

2 Timoteo 1:4

Mixmi bëunan mëscúcë aribi manucëma ꞌixun cana chuámarua tani cuëëinra cuëënuxun mi istëcëinsa tanin.

Filemón 1:20

Usa ꞌain camina mix Jesucristonan ꞌaish ꞌën xucë́nsa ꞌixun, Jesucristomi catamëcë unin ꞌacësoquin upí oquin sinánquin, ꞌëxribi ainan ꞌicë upí oquin sinani cuëënun ꞌë ꞌimiti ꞌain.

2 Juan 1:4

Min tuá raírinën ca Nucën Papa Dios quicësabi oquin ꞌaia quixuan ñuicania cuati cana cuëëinra cuëëan.

3 Juan 1:4

Bëtsi bana ñuia cuati ꞌicësamaira oi cana mixmi ꞌicësaribitia axa ꞌën bëchicësa unicamaxribi Nucën Papa Dios cuëëncësabi oi ꞌia ñuia cuati cuëënin.