Filipenses 2:12 - Kashibo-Kakataibo Biblia

¹² ꞌËn nuibacë xucë́antu, a ñucama ꞌunani camina ꞌëx mitsubë ꞌain, ꞌën Jesucristo ñuiquin mitsu cacë bana quicësabi oi ꞌian. Usa ꞌain camina ꞌëx mitsubë ꞌain ꞌicësamaira oi ꞌëx mitsubëma ꞌain, ꞌën mitsu cásabi oi ꞌiti ꞌain, Nucën Papa Dios cuëëncëma ñu ꞌatimi racuëti.

Nukën 'Ibu Diosan ain unikama 'inan ain bana

¹² 'Ën nuibacë xucë́antu, a ñucama 'unani camina 'ëx mitsubë 'ain, 'ën Jesucristo ñuiquin mitsu cacë bana quicësabi oi 'ian. Usa 'ain camina 'ëx mitsubë 'ain 'icësamaira oi 'ëx mitsubëma 'ain, 'ën mitsu cásabi oi 'iti 'ain, Nucën Papa Dios cuëëncëma ñu 'atimi racuëti.

Filipenses 2:12 ပူးပေါင်းရင်းမြစ်များ

Salmos 2:11

Dios rabikin kamina kuëëni shaíkikin rabikanti ꞌain; usakin ꞌai ka ami rakuë́kanti ꞌikën,

Proverbios 13:4

Uin kara chikishan tapun ꞌixunbi ñu bisatania an ka añu ñubi bitsima; usa ꞌaínbi ka uix kara ñu mëëkë uni ꞌikë an kuni an bisatankë ñu bitsia.

Isaías 66:2

¡ꞌËnbi kana kamabi a ñukama ꞌakën, usakin ꞌakëx ka asérabi ñu mërati ꞌiakëxa! ꞌËx min ꞌIbu ꞌaish kana usai kin. Uni ñuñuma ꞌianan axa tëmërai tsókë uni ami kana ꞌëx sinanin, usa ꞌain a unikaman ꞌën bana kikësabiokin upíokin ꞌati ꞌikën.”

Mateo 11:12

Juan ucëma pan ꞌain ca Moisés ꞌimainun an Nucën Papa Dios quicë bana uni ñuixuncë unicaman ꞌë ñuiquin unicama ñuixuancëxa. A unicama caxu uquin ca Juanën ꞌë ñuiquin, axa utia judíos unicaman caíncë ax ca uaxa quiax quiquin unicama ñuixuanxa. Usa ꞌain ca ꞌënribi, ꞌëmi catamëcë unicama ca Nucën Papa Diosnan ꞌiti ꞌicë quixun ñuixunia cuanan ꞌën ñu ꞌaia isi ꞌaisamaira unix Nucën Papa Diosnan ꞌiti sinania.

Mateo 11:29

Mitsúxmi cuëënia cana uisari caramina upí ꞌiti ꞌai quixun mitsu ꞌunánmiti ꞌain. Ñu caquinma cana tëmëraquinmami ꞌati sënë́inshi ꞌëx cuëëncësabi oi ꞌinun mitsu ꞌimiti ꞌain. ꞌImixun ꞌën ꞌaquincëx camina upí oquin sinani chuámashirua tani cuëënti ꞌain.

Hechos 16:29

Cacëxuinshi, anun pëcaxun isti a aín uni ñucáxun bibianx ca bënëtishi abáquiani sipu mëú atsíancëxa. Atsini, bërëqui racuëtan bamai ca Pablo ꞌimainun Silas tanáin rantin purúancëxa.

Hechos 9:6

Usoquian cacëxun cuati ratúirai racuëti bërëruquin ca Saulonën cacëxa: —¿Añu ñu ꞌën ꞌati caina cuëënin? Cacëxun ca Jesusan cacëxa: —Niruquiani ca Damasco ëmanu cuantan. Anuxun ca unin añu caramina ꞌati ꞌain quixun mi cati ꞌicën.

Romanos 2:7

Axa —Nucën Papa Diosan ca ꞌë upí isquin abë nëtë́timoi tsónun ꞌimiti ꞌicë —qui cuëëncë uni, an ca ënquinma Nucën Papa Dios cuëëncësabi oquin ñu ꞌaia. Usoquin an ꞌacë uni a ca Nucën Papa Diosan xënibua ꞌaínbi abë ꞌinun ꞌimia.

1 Corintios 15:58

ꞌËn nuibacë xucë́antu, uisa ñu cara ꞌicëbëbi camina ëníma ami catamëti Nucën ꞌIbu Jesucristo cuëëncësabi oi ꞌiquin aín bana unicama ñuixunti ꞌain. Camina ꞌunanin, usaquinmi Cristonëan cushiocëxun ꞌacë ax ca ñancábimi ꞌacëma ꞌicën. Usaquin ꞌunánquin camina ënquinma mitsun ꞌacësamaira oquin nëtë camabi ꞌati ꞌain.

1 Corintios 2:3

Mitsubë ꞌëx ꞌain ca ꞌën nami ꞌaisama ꞌiaxa. Mitsúnmi ꞌën bana cuaisamasa sinani cana racuëti bërëan.

1 Corintios 4:14

Mitsúxmi masá nuitunun cana ënë ñucama mitsu cuënëoxuniman. Mitsúxmi ꞌën bëchicësa ꞌicë cana nuibaquin upí ꞌinun mitsu ꞌësëin.

2 Corintios 7:15

Mitsúnmi axa bëbaia aín bana cuaisa tanquin nuibaquin bicë, a sinánan an cacësabi oquinmi mitsun ꞌacë ñucama aribi sinánquin, ca an asérabi mitsu nuibatia.

Efesios 6:5

An uni itsi ñu mëëxuncë unicama, mitsun camina upí oquin sinánquin an mi ñu mëëmicë unia cuëëntanun paránquinma an cacësabi oquin ꞌati ꞌain, Cristoribimi ꞌaxuncësa ꞌitánun.

Filipenses 1:27

Ësaíshi ꞌiti camina sinánti ꞌain, ainan ꞌaish camina Cristo quiásabi oi ꞌiti ꞌain. ꞌËx mitsu isi cuananbi, cuanquinmabi cana, mitsux camina bëtsibë nuibanani Jesucristomi catamënun ꞌaquianani quixuan unin ñuia cuaisa tanin.

Filipenses 1:29

Nucën Papa Diosan ca Cristomi catamënun mitsu ꞌimiaxa. ꞌImianan ca ami catamëtia unin mitsumi nishquin ꞌatimocëxbimi cuëënun mitsu ꞌimiaxa.

Filipenses 1:5

ꞌËn mitsubë timë́xun bana ñuixuntabacëxun camina ꞌën ꞌacësaribi oquin, Jesucristomi catamëquin uni raíriribi amia catamënun ꞌaquinin. Usa ꞌain cana —asábi ca —quixun caquin Nucën Papa Dios rabin.

Filipenses 1:6

Cana ꞌunanin, an mitsu Jesucristomi catamënun sinánmicë ꞌixun ca axa utëcë́nti nëtë ꞌitámainun Nucën Papa Diosan Jesucristosaribi ꞌaish upí ꞌinun mitsu ꞌimia.

Filipenses 2:19

Nucën ꞌIbu Jesús cuëëncëbëtan Timoteo mitsu istánun ꞌitsama nëtë ꞌicëbëtan xuti cana sinanin. An mitsu isbëtsíntancëxun uisa caramina ꞌicani quixun ñuixuncëxun cuati cana cuëënti ꞌain.

Filipenses 4:1

ꞌËn xucë́antu, mitsu nuibaquin sinánquin mitsu istisa tani cana cuëënin. ꞌËn mitsu ñuixuncëxmi Jesucristomi catamëcë cupí cana cuëëinra cuëënin. Mitsux usai ꞌicëbë cana cupí bitsi cuëëncësaribi oi cuëënin. Usa ꞌain cana nuibaquin mitsu cain, mitsun ꞌacësabi oquin camina ënquinma Nucën ꞌIbu Jesucristomi catamëquin an cacësabi oquin ꞌati ꞌain.

Filipenses 4:15

Mitsux Filipos ëmanu ꞌicë uni ꞌixun camina ꞌunanin, anuxun Jesucristo ñuiquin ñuixuntabaquin bana ñuixuntancëx Macedonia menuax cuania, camina mitsúinshi curíqui bëmiquin ꞌë ꞌaquiancën, ꞌën mitsu ꞌaquincë a sinánquin. Axa bëtsi ëmanuax Jesucristomi sináncë unicaman ca ꞌë ꞌaquianma ꞌicën.

1 Tesalonicenses 1:3

Nucën Papa Diosbë banaquin cananuna mitsúnmi amiira pain catamëquin ax cuëëncësabi oquin ꞌanan, upí oquin unicama nuibaquin ꞌaquianan, a ëníma, Nucën ꞌIbu Jesucristonën ca ax quicësabi oquin nu ꞌimiti ꞌicë quixun manucëma cupí —asábi ca —quixun a cain.

2 Timoteo 2:10

An sinánmicëx ca ꞌitsa uni Nucën Papa Diosnan ꞌinux Cristo Jesúsmi sinánti ꞌicën. Acamaxa aín ꞌuchacama tërë́ncë ꞌianan Cristo Jesúsbë ꞌaish xënibua ꞌaínbi Nucën Papa Diosnan ꞌinun cana unían tëmëramicëxunbi tanshiti cuëënquin a bana ñuin.

Hebreos 12:1

A unicamaxa ꞌiásaribiquin ca nubë ꞌicë ꞌitsa unin tëmëraquinbi —Nucën Papa Diosan ca asérabi aín quicësabi oquin nu ꞌaquinti ꞌicë —quixun ꞌunánquin ami catamëquin ënima. Atúxa ꞌicësaribiti ꞌinuxun cananuna an nu ꞌatimaquin sinánmicë a ñucama ëanan an usabi ꞌitioquin nu ꞌatima ꞌimicë ñucamaribi ënti ꞌain. Acama ënquin cananuna bënë́quinma añu ñu ꞌën ꞌati cara Nucën Papa Dios cuëënia quixun sinánquin upí oquin ꞌati ꞌain. Cuai bëtsibë upiti abáti cupí ca unin an ië́ocë ñu nania, usaribiquin cananuna upí oquin nun ꞌati ñu ꞌanuxun, uisa ñun cara nu ꞌatimaquin sinánmia, a ënti ꞌain.

Hebreos 4:1

Usa ꞌain cananuna Nucën Papa Diosan ainan ꞌinun nu ꞌimiti nëtë inúcëma ꞌaínshi, ainan ꞌiti sinánti ꞌain. Mitsu raírinëxmi Nucën Papa Diosnanma ꞌitin rabanan camina bërúancati ꞌain.

Hebreos 4:11

Nucën Papa Diosan atu ñuixuncë menu bëbáma unicama usaribiti nuxribi ami catamëcëma ꞌitin rabanan cananuna ainan ꞌaish upí oquin sinani ami catamëquin ëníma bërúancati ꞌain.

Hebreos 5:9

Ax tëmëraibi aín Papa Dios cuëëncësabi oi ꞌiá ꞌixun ca an aín bana cuaquin ax quicësabi oquin ꞌacë unicama a aín ꞌucha tërë́nquin Nucën Papa Diosnan ꞌaish xënibua ꞌaínbi abë ꞌinun ië́mia.

1 Pedro 2:11

ꞌËn nuibacë xucë́antu, cana mitsu cain, Nucën Papa Dios mitsun ꞌApu ꞌain ca aín nëtëx mitsunanribi ꞌicën. Usa ꞌain camina ënë menu ꞌaish unia aín menumabi ꞌicësaribi ꞌain. Usa ꞌaish camina anbia ꞌatimaquin sináncë cupía ꞌatima ñu ꞌacë uníxa ꞌicësaribiti ꞌitima ꞌain. Usa unix ca Nucën Papa Diosbë upí ꞌima.

2 Pedro 3:18

Nucën ꞌIbu Jesucristo an Nucën Papa Diosnan ꞌinun mitsu ië́micë, ax quicësabi oi ꞌiti ꞌunánquinbi camina bëríbi ꞌunáncësamaira oquin ꞌunánti ꞌain. ꞌUnánan camina an ca mitsu nuibatia quixun ꞌunani ainainra ꞌiti ꞌain. Bërí ꞌacësaribi oquin ca usabi oquin nëtë xënibua ꞌaínbi camabi aín unicaman a rabiti ꞌicën. Ashi, Pedro.