Filipenses 1:9 - Kashibo-Kakataibo Biblia

⁹ Usa ꞌain cana mitsu nuibaquin Nucën Papa Dios mitsu ñucáxunin, mitsúnmi ꞌacësamaira oquinmi upí sinánñu ꞌixun ax cuëëncësabi oquin ꞌati ꞌunánquin uni nuibanun.

Nukën 'Ibu Diosan ain unikama 'inan ain bana

⁹ Usa 'ain cana mitsu nuibaquin Nucën Papa Dios mitsu ñucáxunin, mitsúnmi 'acësamaira oquinmi upí sinánñu 'ixun ax cuëëncësabi oquin 'ati 'unánquin uni nuibanun.

Filipenses 1:9 ပူးပေါင်းရင်းမြစ်များ

1 Corintios 14:20

ꞌËn xucë́antu, tuáratsunën sináncësa oquin camina sinántima ꞌain. Ñu ꞌatima ꞌati ꞌunáncëma ꞌaísha tuáratsu ꞌicësaribiti camina ꞌiti ꞌain. ꞌIananbi camina bëtsi ñucama sinánquin uni apanën upí oquin sináncësabi oquin sinánti ꞌain.

2 Corintios 8:7

Raírinëan ꞌacësamaira oquin camina upí oquin sinani Jesucristomi catamëanan, Nucën Papa Diosan bana ꞌunánquin a bana uni ꞌunánmiti ꞌunánan, asérabi chiquíshquinma cuëënquin ñu ꞌanan, asérabi nu nuiban. Usaquin ꞌaxun camina raírinëan ꞌacësamaira oquinribi Jerusalénu ꞌicë unicama nuibaquin atu buánmiti curíqui timëquin nanti ꞌain.

Efesios 5:17

Sinánñuma camina ꞌitima ꞌain. Uisa ñumi ꞌati cara Nucën ꞌIbu Jesucristo cuëënia, a camina ꞌunánti ꞌain.

Colosenses 1:9

Epafrasnëan mitsu ñuiquin nu cacë bana cuaxun cananuna ënquinma Nucën Papa Dios mitsu ñucáxunin. Uisaími ꞌiti cara Nucën Papa Dios cuëënia, a mitsu ꞌunánminun ñucáxuanan cananuna an aín unicama ꞌunánmiti ñucama mitsu ꞌunánminun a ñucatin.

Colosenses 3:10

Mitsun bëtsi oquin sinánquin camina Cristonën sináncësa oquin sinánti ꞌain. Usai ꞌiquinmi a upí oquin ꞌunánun ca an unio ꞌixun Nucën Papa Diosan mitsu ꞌimia.

1 Tesalonicenses 3:12

Mitsúnmi bëráma ꞌicësamairai upitiira bëtsibë nuibananquin raíri uniribi nuibanuan, Nucën ꞌIbu Jesucristonën mitsu ꞌaquinti cananuna cuëënin, usai ꞌiquinmi nun mitsu ꞌacësaribi oquin mitsun camabi uni nuibanun.

1 Tesalonicenses 4:1

Nucën xucë́antu, Nucën ꞌIbu Jesús cuëëncësabi oquin ꞌësëquin cananuna ësaquinribi mitsu cain, uisai ꞌianan caramina uisaira oquinribi Nucën Papa Dios cuëëntanun ꞌati ꞌai quixunu mitsu ꞌunánmicësabi oquin ꞌaquinbi camina mitsun ꞌacësamaira oquin camabi nëtën ꞌati ꞌain.

2 Tesalonicenses 1:3

Nucën xucë́antu, mitsu sinánquin cananuna nëtë́quinma —asábi ca —quixun caquin Nucën Papa Dios rabin. Mitsux camina bëráma ꞌicësamairai Jesucristomi catamëanan bëtsibë bëtsibë nuibananin. Usaími mitsux ꞌicëbëtan nun Nucën Papa Dios —asábi ca —caquin rabiti ca asábiira ꞌicën, anbi mitsu upíira oquin sinánmicë cupí.

Filemón 1:6

Mix Jesucristomi catamëquinmi ax cuëëncësabi oquin ꞌacë cupí, ca uni raírinëxribi ami catamëaxa. Acaman uisaira oquin cara Jesucristonën aín unicama ꞌaquinia quixun ꞌunánun cana aturibi Nucën Papa Dios ñucáxunin.

Hebreos 5:14

An Nucën Papa Diosan bana upí oquin sinánquin an cacësabi oquin ꞌacë uni, an ca upí oquin ꞌunania, uisa ñu ꞌati cara Nucën Papa Diosan iscëx asábi ꞌicë, uisa ñu ꞌati cara ꞌaisama ꞌicë quixun. ꞌUnánquin ca usoquin ꞌaia. Usa unix ca tuá xuratsusama ꞌaish uni apánsa ꞌicën.

1 Pedro 1:22

Aín Bëru Ñunshin Upitan ꞌimicëx Jesucristomi catamëti ax cuëëncësabi oi ꞌiquin axa mitsux ꞌicësaribiti Jesucristomi catamëcë unicamabë upiti nuibananuxun camina ñu ꞌatima ꞌati ashiquin ëan. Usa ꞌaish camina bërí ꞌicësamaira oi asérabi cuëënquin upí oquinra sinani atubë nuibananti ꞌain.

2 Pedro 3:18

Nucën ꞌIbu Jesucristo an Nucën Papa Diosnan ꞌinun mitsu ië́micë, ax quicësabi oi ꞌiti ꞌunánquinbi camina bëríbi ꞌunáncësamaira oquin ꞌunánti ꞌain. ꞌUnánan camina an ca mitsu nuibatia quixun ꞌunani ainainra ꞌiti ꞌain. Bërí ꞌacësaribi oquin ca usabi oquin nëtë xënibua ꞌaínbi camabi aín unicaman a rabiti ꞌicën. Ashi, Pedro.