Filipenses 1:1 - Kashibo-Kakataibo Biblia

¹ ꞌËx Pablo ꞌixun cana Timoteobëtan mitsu quirica buánmin. Jesucristonën casabi oquin aín bana uni ñuixuncë cananuna nux ꞌain. Micamaxmi Filipos ëmanu ꞌaish Jesucristomi sinania cana mitsun cushicama ꞌimainun an axa Jesucristomi catamëcë unicama ꞌaquincë unicamaribi ënë quirica buánmin.

Nukën 'Ibu Diosan ain unikama 'inan ain bana

¹ 'Ëx Pablo 'ixun cana Timoteobëtan mitsu quirica buánmin. Jesucristonën casabi oquin aín bana uni ñuixuncë cananuna nux 'ain. Micamaxmi Filipos ëmanu 'aish Jesucristomi sinania cana mitsun cushicama 'imainun an axa Jesucristomi catamëcë unicama 'aquincë unicamaribi ënë quirica buánmin.

Filipenses 1:1 ပူးပေါင်းရင်းမြစ်များ

Marcos 13:34

Ca ësa ꞌicën. Uni achúshinën ca aín xubunuax amanu cuanuxun an ñu mëëxuncë unicama cuënxun, —utëcëntamainun camina upí oquin ñu ꞌati ꞌai —quixun canan an xëcuë bërúancë uniribi aín xubu bërúainra onun quixun caia. Usaquin cabiani ca ꞌura cuania.

Juan 12:26

Axa ꞌënan ꞌiisa tancë unin ca ꞌëx cuëëncësabi oquin ꞌati ꞌicën. Usoquin ꞌai ca uinu carana ꞌëx ꞌain, anuribi ax ꞌiti ꞌicën. An ꞌëx cuëëncësabi oquin ꞌacë unicama a ca ꞌën Papan nuibaquin ꞌaquinia.

Hechos 1:20

Salmos quiricanua cuënëo bana axa ësai quicësabi oi ca ꞌiaxa: Aín xubux ca ëncë ꞌiti ꞌicën, anu ca uíxbi ꞌitima ꞌicën. ꞌImainun ca ësairibi quia: Bëtsi unin ca an ëncë ñu mëëti ꞌati ꞌicën.

Hechos 20:28

Usa ꞌain camina mitsun mina ñu ꞌaisama ꞌai bërúancati ꞌain. Bërúancanan camina axa Jesucristomi catamëcë unicamaribia upí ꞌinun bërúanti ꞌain. Nucën Papa Diosan Bëru Ñunshin Upitan ca usoquinmi axa Jesucristomi catamëcë unicama bërúanun mitsu ꞌimiaxa. A unicamax ca axa bama cupí Nucën ꞌIbu Jesucristomi catamëcë ꞌaish aín uni ꞌicën.

Hechos 9:13

Usaquian cacëxun cuaquin ca Ananíasnën cacëxa: —Itsaira unin ca ꞌë caxa, a unin ca ꞌaisama ñu ꞌaquin, axa Jerusalénuax mimi catamëcë unicama bëtsi bëtsi oia quixun.

Romanos 1:1

ꞌËx cana Pablo ꞌain, an Jesucristo quiásabi oquin aín bana uni ñuixuncë. Usa ꞌixun cana mitsu quirica buánmin. Nucën Papa Diosanbi ca Jesucristomi catamëquin ainan ꞌinux ië́nun unicama aín bana ñuixunun ꞌë caísacëxa.

Romanos 1:7

Ënë quirica cana cuënëoxunin, Roma ëmanuaxmi Nucën Papa Diosan nuibaquin ainan ꞌinun caíscë ꞌaish ax cuëëncësabi oi ꞌicë, micamaishi. Nucën Papa Dios ꞌimainun Nucën ꞌIbu Jesucristonën nuibaquin ꞌaquincëxmi chuámarua bucucanti cana cuëënin.

1 Corintios 16:10

ꞌËn ꞌacësaribi oquin ca Timoteonën Nucën ꞌIbu Jesucristo ñuiquin unicama bana ñuixunia. Usa ꞌain camina axa bëbaia upí oquin biti ꞌain, mitsubë ꞌaísha upí oquin sinani cuëënun.

2 Corintios 1:1

ꞌËx Pablo ꞌixun cana mitsu quirica buánmin, camina biti ꞌain. Nucën Papa Dios cuëëncësabi oquin ca Jesucristonën ꞌën a ñuiquin aín bana uni ñuixunun ꞌë caísacëxa. An caísa ꞌixun cana Timoteobëtan mitsu quirica buánmin. Axribi Jesúsmi catamëcë ꞌaish ca nun xucën ꞌicën. Mitsúxmi Corinto ëmanu ꞌicë axa Jesucristomi catamëcë unicama ꞌimainun Acaya menu ꞌicëcama axa Jesucristo cupí Nucën Papa Diosan iscëx upí ꞌicë, micama cananuna ënë quirica buánmin.

Gálatas 1:10

¿Ësaquin mitsu caquin carana unían ꞌëx cana asérabi upí ꞌai quixun ꞌë rabiti sinan? Usaquin sinánquinma cana Nucën Papa Diosan ꞌë upí isti sinan. ¿Carana unicamabë upí ꞌiti sinan? Cana usaquin sinaniman. Nucën Papa Diosma unishi cuëënmiti sinani cana Cristonën unima ꞌitsían.

Gálatas 3:26

Usa ꞌain camina mitsux Cristo Jesúsmi catamëti abë ꞌaish Nucën Papa Diosan bëchicë ꞌain.

Gálatas 3:28

Judíos unicama ꞌimainun axa griego banan banacë judíosma unicama, an uni ñu mëëxuncë unicama ꞌimainun an uni ñu mëëxuncëma unicama, bëbu ꞌimainun xanu, acamáxbi camina Jesucristonan ꞌaish Nucën Papa Diosan iscëx bëtsisaribi ꞌaish achúshisa ꞌain. Jesucristonan ꞌixun camina camaxunbi bëtsin sináncësaribi oquin sinanin.

Efesios 1:1

ꞌËx cana Pablo, Nucën Papa Dios cuëëncësabi oquin aín bana ñuixunun Jesucristonën caísa ꞌain. Usa ꞌixun cana Efeso ëmanuaxmi Cristo Jesúsmi sinani ami catamëti Nucën Papa Diosnan ꞌicë ënë quirica mitsu buánmin.

Efesios 1:15

Usoquin Nucën Papa Diosan ꞌaquincëxmi mitsux asérabi Nucën ꞌIbu Jesúsmi catamëanan axa ami sináncë unicamabë nuibanania ñuicania cana cuan.

Efesios 6:24

Mitsúxmi a manutëcëntimoi Nucën ꞌIbu Jesucristomi catamëcë ꞌicëa, Nucën Papa Diosan nuibaquin mitsu ꞌaquinti cana cuëënin. Ashi, Pablo.

Filipenses 2:19

Nucën ꞌIbu Jesús cuëëncëbëtan Timoteo mitsu istánun ꞌitsama nëtë ꞌicëbëtan xuti cana sinanin. An mitsu isbëtsíntancëxun uisa caramina ꞌicani quixun ñuixuncëxun cuati cana cuëënti ꞌain.

Filipenses 2:5

Jesucristonëan ꞌásaribi oquin camina sinánti ꞌain.

Filipenses 3:12

Usa ꞌaínbi cana asérabi asaírama pain ꞌain. Asaírama ꞌixun cana asérabi an ꞌacësaribi oquiinra sinaniman. Usa ꞌixunbi cana ꞌunanin, axa quiásabi oi asaribi ꞌinun ca ꞌë ië́miacëxa quixun. Usaquin ꞌunánquin cana asaribi ꞌinuxun, ënquinma aín bana quicësabi oquin ꞌain.

Filipenses 3:3

Atúxa judíos uni ꞌicë ꞌunántiocë ꞌaínbi cananuna nux asérabi Nucën Papa Diosan uni ꞌain, aín Bëru Ñunshin Upitan ꞌimicëx. Usa ꞌixun cananuna a rabianan Cristo Jesúsmi catamëcë ꞌixun cuëënquin ꞌunanin, nux ꞌunántioracacë cupíma Cristo Jesúsmi catamëcë cupíshi cananuna Nucën Papa Diosan uni ꞌai quixun.

Filipenses 3:8

Judíos unicama Nucën Papa Diosan uni ꞌicë ꞌunántiocë ꞌaish ꞌiásamaira ca Nucën ꞌIbu Jesucristo amishi catamëti upíira ꞌicën. Usa ꞌain cana ꞌën ꞌá ñucama ñu ꞌatima pucësa oquin ëni Jesucristonan ꞌinux amishi catamëtin.

1 Tesalonicenses 1:1

ꞌËx Pablo ꞌixun cana Silvano ꞌimainun Timoteobëtan Tesalónica ëmanuaxmi Nucën Papa Dios ꞌimainun Nucën ꞌIbu Jesucristonan ꞌicë, mitsu ënë quirica buánmin. Nucën Papa Dios ꞌimainun Nucën ꞌIbu Jesucristonëan nuibaquin chuámarua ꞌaíshmi bucunun mitsu ꞌaquinti cananuna cuëënin.

1 Tesalonicenses 2:2

Filipos ëmanuxun ca nu ñui ꞌatimati bananan bëtsi bëtsi oquin unin nu tëmëramiaxa quixun camina ꞌunanin. Usai tëmëratancëxunbi cananuna Nucën Papa Diosan ꞌaquincëxun mitsuribi Jesucristomi catamëti ca uni Nucën Papa Diosnan ꞌiti ꞌicë quixun a bana ñuixuan, ꞌaisamaira uníxa numi nishcëxunbi.

2 Tesalonicenses 1:1

ꞌËx Pablo ꞌixun cana Silvano ꞌimainun Timoteobëtan, Tesalónica ëmanuaxmi Nucën Papa Dios ꞌimainun Nucën ꞌIbu Jesucristonan ꞌicë, mitsu ënë quirica buánmin.

2 Tesalonicenses 1:10

Usai ca ꞌiti ꞌicën, a nëtë anúan Nucën ꞌIbu Jesucristo uti, aín unicaman —upíira ca Nucën ꞌIbu Jesucristo ꞌicë —quixun ami sinani cuëënquin a rabinun. Mitsúnribi nun aín bana ñuixuncëxun cuati ami catamëcë ꞌixun camina aín unicamabëtanbi cuëënquin a rabiti ꞌain.

1 Timoteo 1:2

Timoteo, ꞌën cana ënë quirica mi buánmin. ꞌËx ami sináncësaribi oi mix Jesucristomi sináncë ꞌaish camina ꞌën bëchicësa ꞌain. Nucën Papa Dios ꞌimainun Nucën ꞌIbu Jesucristo, an nu ainan ꞌinun ië́micë, an nuibaquin min ꞌuchacama tërë́ncë cupími ainan ꞌaish chuámarua ꞌiti cana cuëënin.

1 Timoteo 3:8

Axa Jesucristomi catamëcë unicaman cushi ꞌicësaribiti ca an atu ꞌaquincë unicamáxribi ꞌiti ꞌicën. Upí uni ca quixuan unin ꞌunáncë ca ꞌiti ꞌicën. ꞌIanan ca cëmëma ꞌixun aín quicësabi oquin ñu ꞌacë ꞌiti ꞌicën. Paë́ncëma ꞌianan ca curíqui binuxun uni paráncëma ꞌiti ꞌicën.

Tito 1:1

ꞌËx cana Pablo, an Nucën Papa Dios cuëëncësabi oquin ꞌanan Jesucristonëan a ñuiquin aín bana ñuixunun caísa ꞌain. Usa ꞌaish cana ꞌëx, uisai cara a Nucën Papa Diosan ainan ꞌinun caísa unicama Jesucristomi catamëti upí ꞌiti ꞌicë quixun ꞌunánmicë uni ꞌain.

Tito 1:7

Usa ꞌicëmi mitsun caíscë unicaman ca atun cushi ꞌixun aín unicama Nucën Papa Dios cuëëncësabi oquin bërúanti ꞌicën. Usa ꞌaish ca upí ñuishi ꞌai —ñu ꞌaisama ca ꞌaia —quixuan unin ñuicëma ꞌiti ꞌicën. ꞌIanan ca bëtsi uni ñuuma ca quixun sinánquin ashi ñu ꞌaxunun cacë ꞌitima ꞌicën. ꞌIanan ca bënëtishi masáquin sinani nishtima ꞌicën. ꞌIanan ca paë́ntima ꞌicën. ꞌIanan ca unibë mëëananti sinánñu ꞌitima ꞌicën. ꞌIanan ca curíquiñu ꞌinuxun uni paránti sinántima ꞌicën.

Filemón 1:1

Filemón, ꞌëx Pablo, Jesucristo ñuiquin uni bana ñuixuncë cupí sipuacë ꞌixun, cana axribi Jesucristomi catamëcë ꞌaísha nucën xucën ꞌain, Timoteobëtan mi quirica buánmin. Minribimi nubëtan Jesucristo ñuiquin bana ñuixuncë ꞌicë cananuna ënë quirica mi cuënëoxunin.

Hebreos 13:23

Mitsun camina ꞌunánti ꞌain, nucën xucën, Timoteo, a ca sipuacë ꞌicëbi chiquíncanxa. ꞌItíxa bënëtishi bëbaia cana mitsu isi cuanquin a buánti ꞌain.

Santiago 1:1

ꞌËx cana Santiago, an Nucën Papa Dios ꞌimainun Nucën ꞌIbu Jesucristonën cacësabi oquin ñu ꞌacë ꞌain. Israelnën bëchicë mëcën rabë́ ꞌimainun rabë́ aín rëbúnqui ꞌaíshmi bëtsi bëtsi menu tsóti cuan ꞌicë cana mitsu ënë quirica buánmin.

1 Pedro 2:25

Carneronëxa ꞌibuñuma ꞌaish ꞌicësari camina mitsux ꞌiacën. Usa ꞌiá ꞌaíshbi camina sinanati Cristomi catamëan. Amia catamëcëxuan aín ꞌibun carnero bëruancësa oquin ca an upími ꞌinun mitsu bërúanquin ꞌaquinia.

2 Pedro 1:1

ꞌËx cana Simón Pedro, ax cuëëncësabi oquin ꞌanan aín bana uni ñuixunuan Jesucristonën caísa ꞌain. An nu ië́micë Jesucristo, axbi Nucën Papa Diosribi ꞌaish upí ꞌixuan nu ꞌacësaribi oquin ainan ꞌinun ië́micë, mitsu cana ënë quirica buánmin.

Judas 1:1

ꞌËx cana Judas, an Jesucristonën cacësabi oquin ñu ꞌacë ꞌianan Jacobonën xucën, a ꞌain. Mitsúxmi ainan ꞌinun caíscë ꞌicëa Nucën Papa Diosan Jesucristomi cushicë ꞌinun ꞌimicë ꞌicë, cana ënë quirica mitsu cuënëoxunin.

Apocalipsis 1:1

Nucën Papa Diosan ca ënë quiricanu cuënëocë ñucama Jesucristo ismiaxa, xënibuiracëma ꞌaínshi ca ësai ꞌiti ꞌicë quixuan aín unicama isminun. Nucën Papa Diosan a ismicë ñucama aín unicaman ꞌunánun ca Jesucristonën aín ángel achúshi Juan isminun xuaxa.

Apocalipsis 1:20

ꞌIspa mëcën achúshi ꞌimainun rabë́mi ꞌën mëcën mëquenua iscë, ꞌimainun anu lamparín nanti mëcën achúshi ꞌimainun rabë́mi iscë, ax cara uisa ꞌicë quixun ꞌunánquinmabi camina ësa ca quixun ꞌunánti ꞌain, anu lamparín nanticama ax ca a mëcën achúshi ꞌimainun rabë́ ëmanuaxa ꞌëmi catamëti unicama ꞌunántioquin nancë ꞌicën. ꞌImainun ca mëcën achúshi ꞌimainun rabë́ ꞌispa ami iscë, ax a ëmacamanuxun an Nucën Papa Diosan bana unicama ñuixunquin ꞌunánmicë a unicama anun ꞌunántiocë ꞌicën.

Apocalipsis 19:10

Quicëbë cana a rabinux a ángel tanáin rantin purúan. Usai ꞌiabi ca ꞌë caxa: —Usai ꞌiáxma ca ꞌit. Uicaman cara Nucën Papa Dios quicë bana unicama ñuixunia an ca Jesús ñuiquin an ꞌunánmicë banacama uni ñuixunia. Mibëtan ax Jesús quicë banacama quicësabi oi ꞌicë unicaman ꞌacësaribi oquin cana ꞌënribi ax quicësaribi oquin ꞌaquin Nucën Papa Dios rabin. Usa ꞌain ca ꞌë rabixunma Nucën Papa Diosëshi rabit.

Apocalipsis 2:12

Usaquin catancëxun ca ësaquinribi cuënëonun Jesusan ꞌë caxa: —An axa Pérgamonuax ꞌëmi catamëcë unicama ꞌë ñui quicë bana ñuixuncë uni, a buánminuxun camina ësoquin cuënëoti ꞌain: Axa machitusa manë xëtocë amo rabë́bi cuënucëñu an ca ësaquin mi caia:

Apocalipsis 2:8

Usaquin catancëxun ca ësaquinribi cuënëonun ꞌë caxa: —An axa Esmiranuax ꞌëmi catamëcë unicama ꞌë ñui quicë bana ñuixuncë uni, a buánminuxun camina ësoquin cuënëoti ꞌain: Axa ñu ꞌaíma pan ꞌain ꞌiá ꞌaish camabi ñu cëñúcëbë usabi ꞌiti, axa bamaxbi bamatëcëntimoi baísquicë, Jesús, an ca ësaquin mi caia:

Apocalipsis 22:9

ꞌËn a rabicascëxunbi ca ꞌë caxa: —Usai ꞌiaxma ca ꞌit. Mibëtan, an min ꞌacësaribi oquin an Nucën Papa Diosan bana uni ñuixuncë unicama ꞌimainun an ënë quiricanu cuënëocë banacama upí oquin sinánquin cuacë unicaman ꞌacësaribi oquin cana ꞌënribi ax quicësabi oquin ꞌaquin Nucën Papa Dios rabin. Usa ꞌain ca ꞌë rabixunma Nucën Papa Diosëshi rabit.