Ezequiel 3:3 - Kashibo-Kakataibo Biblia

³ Usokin ꞌamitankëxun ka ꞌë kaxa: “Bërí kamina kirika tarankë kuënëokë ꞌën mi pimi ënë pitankëx anun puchati ꞌain.” Kixun kakëxun pikinbi kana ꞌën buna rëpasa ꞌaish bataira ꞌikë tan.

Ezequiel 3:3 ပူးပေါင်းရင်းမြစ်များ

Salmos 119:103

Mix usai ñu ꞌakatsi kikë bana ax ka bata ñubëtan sënë́nmaira ꞌikën, usa ꞌaish ka buna rëpa ain banua tankësamaira ꞌikën.

Salmos 119:97

¡A mi ꞌë ꞌunánmikë min bana kana ꞌitsaira kuëënin! ¡Usa ꞌixun kana kamabi nëtën iskin anua ꞌunanin!

Salmos 19:10

¡Usa ꞌaish ka kuri upíira kupíkë usamaira ꞌikën! ¡ꞌianan ka buna rëpa bataira ꞌain bánu ꞌikë usaribi ꞌixun nu ꞌunánmia!

Salmos 19:11

ꞌIanan ka a banakamaxribi an ꞌë ꞌunánmikë ꞌikën, usa ꞌain kana ñu ꞌaisama ꞌaisa tankinbi, min uni ꞌixun ax kikësokinbi ꞌati ꞌain.

Jeremías 15:16

Uínsaran kaina min ꞌë kai anun kana ꞌëx upíokin min bana kuati piti nëishokin ꞌakë pi kuëënkë, usaribiti kuëënun ꞌë ꞌimiakëxa, minmi kakë bana an ka ꞌë kuëënun ꞌimiakëxa ꞌëx minan ꞌikë. Nukën ꞌIbu Dios mix kamina kamabi kushiñuira ꞌain.

Jeremías 20:9

Uínsaran nëtën karana ꞌëx kian: “ꞌËn kana amiribishi Nukën ꞌIbumi sinántëkëntima ꞌain, usa ꞌain kana amiribishi aín bana ñuitëkëntima ꞌain,” usa ꞌain ka min banakama ax tsi rëkirukënën ꞌakësa okin ꞌën xokama ꞌë ꞌukëmëuxun xarokësa okin ꞌaia. Usa ꞌain kana mixmi kikë banakama ꞌëbi ñuikinma sinaínshitisa tanin ꞌaínbi ka usokin ꞌaisama ꞌikën.

Ezequiel 2:10

Iskëxun ka ꞌën ismainunbi kirika tarankë a sarakaxa. Usa ꞌaish ka a kirikanu amo rabë́bi kuënëokë ꞌiaxa: usa ꞌain ka anua kuënëokë bana ax masánuituti ꞌianan paëtani bënëti ꞌimainun uisa kara oti ꞌikë usokin isa ꞌati ꞌikë kixun ñuikin kuënëokë ꞌiaxa.

Ezequiel 2:8

Usa ꞌain kamina min ꞌën kakëxun upíokin kuati ꞌain, kuati kamina atux ꞌikësaribiti bana kuakëma unisa ꞌitima ꞌain. Usa ꞌain kamina añu karana ꞌën mi ꞌinani a piti ꞌain.”

Ezequiel 3:4

Usa ꞌain ka ësokin ꞌë kaxa: “Anu kuaxun kamina Israel unibu ꞌën kaisatankë banakama ënë kai kuanti ꞌain.

Juan 7:38

Axa asérabi ꞌëmi catamëcë uni, an ca aín nuitunën ꞌë ꞌunánan ꞌën cushiñu ꞌixun uni itsiribi ꞌëmia catamënun ꞌaquinti ꞌicën, Nucën Papa Diosan bana cuënëo quicësabi oquin.

Colosenses 3:16

Bëtsi bana ꞌacësamaira oquin Cristonëxa a ñui quicë bana sinani camina axa quicësa oíshi ꞌicanti ꞌain. ꞌIanan camina a bana upí oquin ꞌunani ꞌunánmianani ꞌësëánani ꞌicanti ꞌain. ꞌIanan camina a rabi Nucën Papa Diosan banan cantanan mitsúnmi ꞌacë bananribi a rabi cantati ꞌain. Camina Nucën Papa Dios min nuitu mëu sinánquin —asábi ca —cai cantati ꞌain.