Ezequiel 18:2 - Kashibo-Kakataibo Biblia

² “¿Uisa kupín kara Israel menuaxa amiribi amiribi ësai ki banakë a ënima: atun papan ka uvas kachakë piakëxa, usa ꞌaínbi ka atun bakë bëchikëkama aín xëta xëmanxëakëxa kiax kitima ꞌik?

Ezequiel 18:2 ပူးပေါင်းရင်းမြစ်များ

Éxodo 20:5

Usakin ꞌatankënxun ka a ñukamaribi ami ñanákin rabitima ꞌikën, ꞌëx kana atun Dios ꞌain, ꞌianan kana ꞌëx nishi kian an ñu ꞌatima ꞌatishi kuëënkë aín, bëchikëkama ꞌimainun aín baba aín bëchikënën bëchikë akama ꞌatimokin tëmëranun ꞌimiti ꞌain,

Jeremías 15:4

Ësokin kana kamabi menu ꞌikë uníxa a isi rakuë́tanun ꞌati ꞌain, Judá menua ꞌapu ꞌikë Manasés Ezequíasnën bakë bëchikë an ka ꞌatimakin Jerusalénnu ñu ꞌaxa usa ꞌain.

Ezequiel 18:1

Nukën ꞌIbu Diosan ka amiribishi ësokin ꞌë kakëxa:

Ezequiel 18:19

Mitsux kamina ñukákanani kananti ꞌain: ¿Uisa kupí kara aín bakë bëchikëribi aín papan ꞌucha kupín ꞌatimokëma ꞌiti ꞌik? Usama ka aín bakë bëchikënën ka ñu upí ꞌakin ꞌën banakama tankin ax kikësabiokin ꞌaxa: usa ꞌaish ka asérabi a unin bakë bëchikënëxëshi tsóti ꞌikën.

Ezequiel 18:3

ꞌËx mitsun Ibu, ꞌaish kana ësai sinanatëkëntima oi tsóti kin, usa ꞌain kamina mitsux Israel menuax ënë banan uínsaranbi banatëkënkantima ꞌain.

Ezequiel 37:11

Usa ꞌain ka Diosan ꞌë kakëxa: Israel unikama ax ka ënë xokamasaribi ꞌikën. Usa ꞌaish ka atux ësai ki nitsia: Nun xokamax ka ꞌitsaira paëia, usa ꞌain kananuna nukamax uisa ñu upibi kainima nëtë́kësa ꞌain.

Ezequiel 37:19

ñuixunkin kamina ësakin kati ꞌain: Ësai ka Dios kiaxa: ꞌËn kana Josénan ꞌikëbia an bikëx Efraínën mëkënu ꞌikë i tukakë a biti ꞌain, ꞌimainun kana bëtsi ñaká abëa ꞌikë Israel unikama atunanribi biti ꞌain, bitankëxun kana a ikama Judánu ꞌikë i akëñun achúshishi ꞌitanun ꞌën mëkënu timëti ꞌain, kixun kamina kati ꞌain.

Ezequiel 37:25

Usokin ꞌai ka ꞌën uni Jacob ꞌinan me anua aín chaitiokëkamaxribi anu tsóa me anuribi tsókanti ꞌikën. A menu ka xënibua ꞌaínbi atu ꞌimainun atun bakë bëchikëkamaribi ꞌimainun atun rëbúnkikamaribi tsóti ꞌikën; usai ꞌimainun ka ꞌën uni David aín rëbúnkinëx xënibua ꞌaínbi atun ꞌapu ꞌiti ꞌikën.

Mateo 23:36

Usa ꞌain cana asérabi mitsu cain, mitsun raracama ꞌásaribi oquin ca Nucën Papa Diosan mitsu ꞌuchoti ꞌicën. Mitsúxmi usa ꞌicë ca Nucën Papa Diosan uisa cara oti ꞌicë usoquin ꞌati ꞌicën.

Romanos 9:20

Mitsúnmi ꞌë usaquin cacëxunbi cana mitsu cain, ¿Mitsux unishi ꞌaíshbi caramina Nucën Papa Diosbë cuëbicanánti ꞌain? ¿Ñutë banati ꞌunan ꞌixun cara —¿uisoti caramina ësoquin ꞌë ꞌai? —quixun an ꞌacë xanu cati ꞌic? Ca catima ꞌicën.