Ezequiel 1:4 - Kashibo-Kakataibo Biblia

⁴ Usa ꞌain kana aín tsipumiaxa suñúan kushiira aia isakën; isanan kana kuin chaiira anuaxa tsi rëkirukësa ax kaná kamë ꞌëo mëríru mërirui ꞌikësai ꞌia isakën, ꞌimainun ka mëríru mëriruia ꞌikë a rapasu kuainakëkin ichu ichukikë an pëkakë ꞌiakëxa. ꞌIanan ka tsi rëkirukësa a nëbëtsi niba niba kikë ꞌitanuan unin ñu mëniokësa usaribi ꞌianan ichu ichukikë anu mërakëxa,

Ezequiel 1:4 ပူးပေါင်းရင်းမြစ်များ

1 Reyes 19:11

Usa ꞌain ka Diosan Elías kakëxa: “Anumi ꞌuxkë bashi kini ënuax chikíntankëx kamina ꞌën istisabioí aín xëkuë ꞌurama ënubi niti ꞌain.” Usakin kakëxa Elías chikíkëma ꞌaínbi ka Dios bërámashi inúkëbë, suñúan kushiira anu ꞌibúkin kamabi ni tsasipakin masókëxa, masónan ka anua ꞌikë maparakamaribi tukapakëxa; ꞌaínbi ka Dios suñúan ꞌibúkë anuma ꞌiakëxa. Usaia suñúan kushiira ꞌibútankëx bukubukëbëshi ka meribi shaíkiakëxa; ꞌaínbi ka me shaíkikë anubi Dios ꞌaíma ꞌiakëxa.

2 Reyes 2:11

Ësai kia a rabëtax kanankiani kuankëbëbi ka Diosanbi ꞌimikëx, bënëtishi achúshi caballonan nirinkë anu tsi rëkirukësa ꞌimainun caballonuribi tsi rëkirukësa ax mërakëxa, mërakëbëa Elías abë ënanani anu ꞌiruia ka suñúan kushiira mañákë anbi birubiankin naíkamë ꞌëonu buánkëxa.

Job 38:1

Usa ꞌain ka ax kikë banakama ñuikin suñúan chaiira ꞌikuatsini bëkikë anuxun Diosan Job kakëxa:

Éxodo 9:24

usakin ꞌimikëx ka matsin tita rëukumainun kanákamë ꞌëo mërirukë ax në́tëtimaira ꞌiakëxa. Usai ka uinsaranbia Egipto menu anun matsin tita kushiira pakëama anun usai ꞌiakëxa.

Jeremías 23:19

Ka kuat: Nukën ꞌIbu nishkë ax ka nëtë masákuatsini tunankuatsinkë usa ꞌianan, suñúan kushiira ukian ñu këñubëtsinkë usaribi ꞌatima sinánñu unikama ainan ꞌikën.

Ezequiel 1:27

Ax ka aín chixumiax manámi ꞌikë ax manë pënë́ ꞌitánun nibókësa ꞌiaxa, usa ꞌikë ka tsi rëkirukësa an bëararakë ꞌiaxa, ꞌimainun ka aín chixumiax shimuribi tsi rëkirukësa an pëkakë kana isan. Usa ꞌain ka a rapasunuax ichu ichukikë ax,

Hebreos 12:29

ax upíira ꞌixun ca rëquiruquin tsin ꞌacësaribi oquin ñu ꞌaisamacama cëñuti ꞌicë quixun sinánquin.

Apocalipsis 1:15

Aín taëx ca cashtá manë́xa niba nibaquicë ꞌaish ichúcësa ꞌiaxa. ꞌImainun ca aín banax baca xuqui cushíinra banaruia cuacësa ꞌiaxa.