Ezequiel 1:1 - Kashibo-Kakataibo Biblia

^1-3 ꞌËx kana sacerdote Ezequiel ꞌiakën, ꞌën papax ka Buzí kakë ꞌiakëxa, usa ꞌain ka mapai achúshi baritia ꞌapu Joaquín Judá menu uankë ꞌiakëxa, anúan rabë́ ꞌimainun rabë́ ꞌuxë ꞌikë ax mapai achúshi nëtë ꞌikë anun kana ꞌëx treinta baritia ꞌiakën. Usa ꞌain kana ꞌëx ñatanbiankin Babilonianu uankë a kamabëbi Quebar kakë baka kuëbí Babilonia menu ꞌikë anu ꞌiakën, anuxun kana naíkamë ꞌëo baaki panárabëkëbëtan Dios isakën. Usa ꞌain ka Diosan anbi ꞌë kakin aín mëkën ꞌënu nankësa ꞌinun aín kushi ꞌë tamiakëxa.

Ezequiel 1:1 ပူးပေါင်းရင်းမြစ်များ

Génesis 15:1

Ënë ñukama ꞌatankëxa ꞌinúkë ꞌain ka Nukën ꞌIbun Abram namákin iskësokian isia kakëxa: —Kamina rakuë́tima ꞌain Abram, ꞌëx kana an mi bërúankë a ꞌain. Min biti ñu ax ka chaiira ꞌinuxun ꞌaia.

Génesis 46:2

A imë́bi ka Diosan abë banakin Jacob ꞌikëbia Israel kakin anëkë a kuënkin namámikësokin kakëxa. Kakëxun ka an: —Ënu kana ꞌain kixun ka kakëxa.

Salmos 137:1

Anu nu ꞌikë Babilonia anuax kananuna anu ꞌikë bakakama ꞌurama tsótax, masá nuitukin Jerusalén sinani iankën.

Éxodo 24:10

Anuxun ka axa mapë́rakëkëkama atuinshi Israel unikaman Dios isakëxa: Iskin ka anua nikë ax upíira ꞌaish chabáchabákikë zafiro kakë a naí kuman bëtsi iskësa ꞌikë isakëxa.

Isaías 1:1

Amósnën bakë bëchikë Isaías an ka namákësokin uisai kara Judá ꞌimainun Jerusalén ꞌinuxun ꞌaia kixun, ënë ꞌapukama ꞌain Diosan ismikëxun isakëxa, akamax ka ꞌiakëxa, ꞌapu Ozías, Jotam, Ahaz ꞌimainun Ezequías ënëkamax ka Judá menu bëtsix bëtsix ꞌiax chikikëbë ꞌapu ꞌiakëxa.

Isaías 6:1

A baritian ꞌapu Ozías ñukë anun kana Dios anua tsókë manainra anuxunbia; aín chupa kuëxitan anun anuxun a rabiti xubu a mapukë isan.

Ezequiel 3:15

Usakin ꞌakëx Tel Abibnu kuantankëx kana, anua Quebar kakë baka kuëbí anua Israel unikama raíri ñatankë ꞌikë anu bëba, anu kana mapai ꞌimainun rabë́ nëtë a ñu karana ꞌati ꞌai kixun ꞌunánan, uisakin karana kati ꞌai kixun ꞌunánimabi atubë ꞌian.

Ezequiel 3:23

Usokin kakëx kana nirukiani anua me sapan ꞌikë anu kuan, anuxun kana Diosan kushi Quebar kakë baka kuëbí anuxun iskësokin istëkëan. Usa ꞌain kana anuax tëtúbuti tsóbuti ꞌën bëmánan memi tikai ꞌian,

Joel 2:28

Usakin ënë ñukama pain ꞌatankëxun kana ꞌën Bëru Ñunshin kamabi uninu xuti ꞌain: Usa ꞌain ka mitsun bakë bëchikë bëbukama ꞌimainun ini bëchikë xanukama atun ꞌën bana ñuiti ꞌikën, ꞌamainun ka uni xënikaman namákin isti ꞌikën, ꞌimainun ka uni bënábu atúnribi namákësa okin isti ꞌikën.

Números 12:6

kuania ka Nukën ꞌIbun ësokin kakëxa: “Bërí kana mikama ësokin kain: An ꞌëx kikë bana uni ñuixunkë mitsunu ꞌikë kana ꞌën namámikësokin kanan kana namámikinribi kain;

Mateo 17:9

Usaquiani matánuax cuanquin ca Jesusan atu cacëxa: —Mitsúnmi isanan cuacë ënë ñucama camina uinu ꞌicë unibi ñuixuntima ꞌain. Uni ꞌinux Nucën Papa Diosnuax uá ꞌaish, ꞌëx bamatancëx baísquicëbëtan cuni camina ënë ñucama unicama ñuixunti ꞌain.

Mateo 3:16

Usoquin Juanën nashimicëx ca Jesús bacanuax ꞌiruquiani cuancëxa. Cuanquinbi ca Jesusan naí panárabëcëbëtan isquin anuax numacuru tinax uáxa Nucën Papa Diosan Bëru Ñunshin Upí anu ꞌiruia isacëxa.

Marcos 1:10

Usoquin Juanën nashimicëx, bacanuax ꞌiruquian Jesusan iscëxbi ca naí panárabëacëxa. Usacëbëtan ca ñumacuru tinax uaxa Nucën Papa Diosan Bëru Ñunshin Upí anu ꞌiruia isacëxa.

Lucas 3:21

Sipuacëma pan ꞌixun unicama nashimianan ca Juanën Jesúsribi nashimiacëxa. Nashimicëx aín Papa Diosbë banacëbë ca naí panárabëacëxa.

Lucas 3:23

Unicama pain bana ñuixuanan ꞌaquini ca treinta baritiañusa Jesús ꞌiacëxa. Unicaman sináncëx ca Josénëx aín papa ꞌiacëxa. José ax ca Elínën bëchicë ꞌiacëxa.

Juan 1:51

Ësaquinribi ca Jesusan Natanael cacëxa: —Asérabi cana mitsu cain, naí panárabëcëbëtan camina uni ꞌinux ꞌëx anuax uá, ꞌë manáminuaxa Nucën Papa Diosan ángelcama cuaruanan ubutia isnuxun ꞌain.

Hechos 10:11

Iscë́xa naí panarabë́cëbë ca anuax chupa chaira, amácasa ꞌitánun aín rëbucamanu rabë́ ꞌimainun rabë́ oquin tëcërëcacë ꞌaish meu ubúacëxa.

Hechos 10:3

Usa ꞌixun ca bëtsi nëtën bari cuabutia, a las tres ꞌain, namáquin iscësoquin ángel achúshi Nucën Papa Diosan xucëx anu aia upí oquin isacëxa. Iscëx anua ꞌicënu atsínquin ca —Cornelio —caquin cuëancëxa.

Hechos 7:56

Isquin ca cacëxa: —Ca is. Naí panárabëcëbëtan cana axa uni ꞌinux anuax uá Jesús, a Nucën Papa Dios mëquea nicë isin.

2 Corintios 12:1

ꞌËx rabiacacë ꞌaíshbi ca ñancáishi ꞌiti ꞌicën. Usa ꞌaínbi cana ꞌën namáquin iscësa oquin Nucën ꞌIbu Jesucristonën ismicë ñu ꞌimainun an ꞌë sinánmicë ñu a ñuiti ꞌain.

Apocalipsis 19:11

Usaquin ángelnën cacëxun cana naí panárabëcë isan. Anuaxa caballo uxua chiquitia cana isan. Ax a caballonu tsócë, ax ca Aín Quicësabi Oquin ꞌAcë caquin anëcë ꞌianan ca An Uni Paráncëma caquin anëcë ꞌiaxa. Usa ax ꞌixun ca ꞌatima unicama a uisoquin cara ꞌaisa tania usoquin castícanan axa upí sinánñucama a upí oia.

Apocalipsis 4:1

A ñucama pain cuatancëxun cana xëcuë xëocacësa ꞌinuan naí panárabëcë isan. Isquin cana anun paían ꞌë cacë bana axa manë banañu banocë́xa banacësari banaia cuatëcëan, ësai qui: —Ënu ca ꞌirui ut, mixmi aia cana uisa ñucama cara ꞌiti ꞌicë quixun mi ismiti ꞌain.