Éxodo 8:4 - Kashibo-Kakataibo Biblia

⁴ Usai ꞌika minubi këñuruanan, an mi ñu mëëxunkë min uni kamanubi ꞌiruanan a ëmanu ꞌikë unikamanuribi ꞌashá këñuruti ꞌikën.

Éxodo 8:4 ပူးပေါင်းရင်းမြစ်များ

Salmos 107:40

ꞌAínbi ka Diosan an bëtsi tëmëramikë unikama a timakin anu uni ꞌikëma menuaxa, ain bai nëtë́miax sinánkamanun ꞌimiakëxa.

Éxodo 10:17

ꞌaínbi kamina ashikin ꞌëx mimi ꞌuchakë ënë ꞌëbë mëníonankin min Dios ꞌëribi ñukáxunti ꞌain, ñukákin kamina champu ꞌaisamaira ënë kara nëtë́mitima ꞌikë ñukáti ꞌain, nun ñu ꞌapákëkama ka ꞌaisamaira okin këñuia usa aín.

Éxodo 8:24

Usakin ka Nukën ꞌIbun ax kiásabiokin ꞌakëxa, ꞌakin ka chipë nëtë kuin tunan iskësa kuatsinia utanun ꞌimiakëxa, ꞌimikëx ka ꞌapu faraónën xubunu irapain tsitsirui atsíankëxa, atsíanan ka an ñu ꞌaxunkë unikama aín xubunuribi atsíankëxa, atsíanan ka kamabi egipcio unikaman mebi tsitsirui ukin ka. Chipën kamabi Egipto me ñuñuma ꞌitánun tsitsirukë ꞌiakëxa.

Éxodo 8:3

Usa ꞌain ka Nilo kakë baka kubini sëë ꞌi kukakikëbë anuax ꞌuáti ꞌashá chikiti këñurui, anu mix ꞌikë ꞌapun xubu anubi atsini, anumi ꞌuxkë anubi atsínti ꞌikën, atsíanan ka min unikaman xubunuribi atsini kamabi unin xubunuribi atsíanan ka anuxuan pán ꞌakë anubi atsínti ꞌikën.

Éxodo 8:5

Ësokin ka Nukën ꞌIbun Moisés kakëxa: —Aarón kamina baka kamami sanankin tsatin xëxá ꞌimainun ꞌian akamami okinribi sananun kati ꞌain, usokëbë ka kamabi Egipto me tsitsirui ꞌashá anuax chikiti ꞌikën.

Éxodo 9:28

ꞌAisamaira kanákamë ꞌëo banai sharakirumainun ka matsi bëruñu nunu pakëtia, usa ꞌain kana mitsu kuainsa tania bëruntëkëntima ꞌain. Usa ꞌain kamina mitsun Nukën ꞌIbu nu ñukáxunti ꞌain, ꞌën mitsu kuantanun xumainun.

Daniel 4:37

Usa ꞌain kana ꞌëx Nabucodonosor ꞌixun bërí Dios naínua ꞌapu ꞌikë a rabin, an ꞌakë ñukama ax ka asérabi ꞌianan upíira ꞌikën, an ka ax isa usaira ꞌikë kixun sinani rabiakakë unikama aín kuëënkësa okin ꞌati ꞌikën.

Números 21:7

Usokëbë anua ꞌikë anu kuanxun ka Israel unibunën Moisés kakëxa: —¡Nukamax kananuna Nukën ꞌIbu ñui ꞌatimati bananan mi ñuiribi ꞌatimati banai ꞌuchan! ¡Usa ꞌain kamina Nukën ꞌIbu ënua runu nëtëminun kati ꞌain! Kakëxun ka Moisésnën atun ꞌuchakama tërënxunun Nukën ꞌIbu ñukáxuankëxa,