Éxodo 8:27 - Kashibo-Kakataibo Biblia

²⁷ Usa aín kananuna anu uni ꞌikëma menu rabë́ ꞌimainun achúshi nëtë ꞌikiani kuanti aín, usai anu kuantankëxun kananuna ñuina ꞌatankëxun xarokin nun ꞌIbu Dios, an nu usakin ꞌanun kakësabiokin ꞌai kuanti ꞌain.

Éxodo 8:27 ပူးပေါင်းရင်းမြစ်များ

Éxodo 10:26

Usa aín kananuna nun ñuina kamabëbi kuanti aín, nun kananuna ꞌunánima uiti ñuinaira karanuna Nukën ꞌIbu rabikin rënuxun kaisti ꞌai kixun. Anuxun nun rabiti anu bëbakëmapain ꞌixun kananuna ꞌunánima añu ñu xarokin karanuna nun Nukën ꞌIbu rabiti ꞌai kixun.

Éxodo 3:12

Ësai kia ka Diosan kakëxa: —ꞌËx kana mibë ꞌiti ꞌain, ënëx ka ami unántiokin ꞌënbi mi xukë ꞌiti ꞌikën: Egipto menua ꞌën unikama chikínkë ꞌain kamina kamaxunbi mikaman ënë menuxun ꞌë rabiti ꞌain.

Éxodo 3:18

Uni apan kaman ka min kakëxun kuati ꞌikën; usa ꞌain kamina atubë mix Egiptonu ꞌikë ꞌapu a isi kuanti ꞌain, iskin kamina kati ꞌain: Nukën ꞌIbu hebreos unikaman Dios, an ka ꞌëmi chikirakëkin ꞌë kaxa. Usa ꞌain kamina, nu anu uni ꞌikëma menu kuantanun xuti ꞌain, rabë́ ꞌimainun achúshi nëtë ꞌikiani kuantankëxun, ñuina xaroxunkin Nukën ꞌIbu Dios rabitanun kamina nu xuti aín.

Éxodo 34:11

ꞌËn kakësokinmi bërí mitsun ꞌakëbëtan kana mitsun ismainunbi anumi tsóti kuankanti me anu ꞌikë unikama kuantanun chikínti ꞌain, ax ka amorreos, cananeos, hititas, ferezeos, heveos ꞌimainun jebuseos unikama a ꞌikën.

Éxodo 5:1

Usakin unikama katankëx ka Moisés ꞌimainun Aarón, ꞌapu faraónbë banai kuankëxa: —Kuanxun ka ësai ka Israel unikaman Dios kiaxa kixun kakëxa: ꞌËn unikama kamina anu uni ꞌikëma menu kuanxuan achúshi fiesta ꞌakin ꞌë rabitanun xuti ꞌai kixun mi kanun ka ꞌë kaxa kixun kakëxa.

Éxodo 5:3

Usakian kakëxun ka a rabëtan kakëxa: —Usama ka ax ka hebreo unikaman Dios ꞌikën, usa ꞌaish ka numi chikirakëaxa; usa ꞌain kananuna anu uni ꞌikëma menu kuanti ꞌain, ax ka rabë́ ꞌimainun achúshi nëtë ꞌikiani kuanti ꞌikën, anuxun kananuna nun ꞌIbu Dios ñuina rëtankëxun xaroxunti ꞌain, usakin ꞌaxunkëxuma ka nukama ꞌinsínan këñumianan bëtsi unikaman nubë ꞌakanankin këñunun nu ꞌamiti ꞌikën.

Mateo 28:20

Nashimianan camina ꞌën mitsu ñuixuncë banacama ꞌunánmiquin a banacama quicësabi oquin ꞌanun quixun atu ꞌunánmiti ꞌain. Usaquin ꞌaquin camina ꞌunánti ꞌain, ꞌëx cana camabi nëtën usaquin ꞌacë ꞌën unicamabë ꞌain, ꞌëx utëcënti nëtë sënë́ntamainun. Ashi.