Éxodo 8:20 - Kashibo-Kakataibo Biblia

²⁰ Ësokin ka Nukën ꞌIbun Moisés kakëxa: —Imë́ishi ka pëkarakëma ꞌaínshi faraón bakanu kuania, usa ꞌain kamina mixribi pëkarakëma ꞌaínshi nirukiani kuanxun kai kuanti: Ësai ka Nukën ꞌIbu kiaxa: ꞌËn unibu kamina ꞌë rabia kuantanun xuti aín.

Éxodo 8:20 ပူးပေါင်းရင်းမြစ်များ

Salmos 105:31

Usakin ꞌimiax ka Dios kiakëxa chipë ꞌimainun sëbë ka uniti ꞌikën kikëbëa, nëtë kuin tunankuatsini ukësa usaribi kuatsini ukin egipcio unikaman me tsitsirunun ꞌimiakëxa.

Éxodo 2:5

Usakian ꞌakë ꞌaínbi ka a nëtë xupibukëbë Egiptonu ꞌikë ꞌapun bëchikë xanu chipash ꞌimainun an ñu ꞌaxunkë xanukama nashi kuankëxa, kuantankëx baka kuëbí nikinbi ka xanu achúshinën, basion xo chaxkë́bu bakanua kookë tëmú bëspúkë tasá mërakëxa. Usakin mërakin ka an ñu ꞌaxunkë xanu achúshi tasá a bitánun kixun xuakëxa.

Éxodo 3:18

Uni apan kaman ka min kakëxun kuati ꞌikën; usa ꞌain kamina atubë mix Egiptonu ꞌikë ꞌapu a isi kuanti ꞌain, iskin kamina kati ꞌain: Nukën ꞌIbu hebreos unikaman Dios, an ka ꞌëmi chikirakëkin ꞌë kaxa. Usa ꞌain kamina, nu anu uni ꞌikëma menu kuantanun xuti ꞌain, rabë́ ꞌimainun achúshi nëtë ꞌikiani kuantankëxun, ñuina xaroxunkin Nukën ꞌIbu Dios rabitanun kamina nu xuti aín.

Éxodo 4:23

ꞌËn kana ꞌën unikamami ꞌë rabia kuantanun xunun mi kan; ꞌaínbi kamina min kuantanun atu xukëma ꞌain, usa ꞌain kana ꞌën min rëkuë́n bëchikë bamamiti ꞌain.

Éxodo 5:1

Usakin unikama katankëx ka Moisés ꞌimainun Aarón, ꞌapu faraónbë banai kuankëxa: —Kuanxun ka ësai ka Israel unikaman Dios kiaxa kixun kakëxa: ꞌËn unikama kamina anu uni ꞌikëma menu kuanxuan achúshi fiesta ꞌakin ꞌë rabitanun xuti ꞌai kixun mi kanun ka ꞌë kaxa kixun kakëxa.

Éxodo 5:3

Usakian kakëxun ka a rabëtan kakëxa: —Usama ka ax ka hebreo unikaman Dios ꞌikën, usa ꞌaish ka numi chikirakëaxa; usa ꞌain kananuna anu uni ꞌikëma menu kuanti ꞌain, ax ka rabë́ ꞌimainun achúshi nëtë ꞌikiani kuanti ꞌikën, anuxun kananuna nun ꞌIbu Dios ñuina rëtankëxun xaroxunti ꞌain, usakin ꞌaxunkëxuma ka nukama ꞌinsínan këñumianan bëtsi unikaman nubë ꞌakanankin këñunun nu ꞌamiti ꞌikën.

Éxodo 7:15

ꞌAínbi kamina imë́ishi pëkarakëma ꞌaínshi kuantankëxun, Nilo kakë baka kuëbíxun kaini kuanti ꞌain, kuankin kamina min tsati axa runuëxankë abi buani kuanti aín.

Éxodo 8:1

Nukën ꞌIbun ka Moisés kakëxa: —Anu kuanxun kamina ꞌapu faraón kai kuanti ꞌain: Ësai ka Nukën ꞌIbu kiaxa: ꞌËn unikama kamina ꞌë rabia kuantanun xuti ꞌain.

Éxodo 8:21

Min kuantanun xukëbëtama kana ꞌën chipë mi ubionan, min unikama ꞌimainun min xubukamanu xuti ꞌain. Usokin ꞌimikëx ka egipcio unibunën xubukama ꞌaisamaira chipën nutúruti ꞌikën, usakin ꞌai ka menubi chipë ꞌaisamaira ꞌiti ꞌikën.

Éxodo 9:13

Usa ꞌain ka Nukën ꞌIbun Moisés kakëxa: —Imë́ishi pëkarakëma ꞌaínshi nirukiani kuanxun kamina faraón ësokin kati ꞌain: Ësai ka hebreo unikaman Dios kiaxa: ꞌËn unikama kamina, ꞌë rabi kuantanun xuti ꞌain;