Éxodo 7:20 - Kashibo-Kakataibo Biblia

²⁰ Usakian Nukën ꞌIbun kakëxun ka Moisés ꞌimainun Aarónën an kakësabiokin ꞌakëxa. ꞌAkian Aarónën aín tsati birukin anun baka rishkikëbëishi ka ꞌumpax faraón ꞌimainun aín unikaman ismainunbi imi ꞌiakëxa.

Éxodo 7:20 ပူးပေါင်းရင်းမြစ်များ

2 Reyes 4:29

Usakin kakëxun ka Eliseonën Guehazí kakëxa: —Mëníokakiani kamina ꞌën tatsi bibiani xanu ënën xubunu kuanti ꞌain. ꞌAínbi kamina kuankin unibë mëranankin uisakinbi katima ꞌain, ꞌimainun kamina uin kara uisa karamina ꞌai mi kaia a unibi uisokinbi katima ꞌain. Kaima kuantankëxun kamina tuá aín bëmánanu ꞌën tsati nanti ꞌain.

Salmos 105:29

Usakin ꞌanan ka anua ꞌikë baka kamanua ꞌikë ꞌumpaxkamaribi imi ꞌikëbëa, bakanu ꞌikë ñukama këñunun ꞌimiakëxa;

Éxodo 4:9

ꞌaínbia usa ka kixun sinanan min kakëxun kuaisama tánkin ënë ñu rabë́ iskinbi usa ka kixun sinánkankëbëtama kamina, ꞌumpax bakanua bixun menu chikuti ꞌain. Usakin ꞌumpax bakanua bikë a menu anpënkakëxëshi ka imi ꞌiti ꞌikën.

Éxodo 7:10

Usakian Nukën ꞌIbun kakëx ka Moisés ꞌimainun Aarón ꞌapu faraón isi kuankëxa, kuanxun ka ësakin kakëxa, ꞌën kana Diosan a ꞌanun ꞌë kakësabiokin ñu ꞌain: Ësakin faraón kakin ka Aarónën aín unibunën ismainunbi menu aín tsati niakëxa, nikëxëshi ka achúshi runu ꞌinun ꞌiakëxa.

Éxodo 7:21

Usai ꞌikëbëa bakanu ꞌikë ñuinakama këñúkëbë ka ꞌumpax pisiakëxa, usai ꞌia ka egipcio unibunën xëatisama ꞌikë ꞌumpax xëama ꞌikën. Usaia ꞌikëbë ka kamabi Egipto menu ꞌikë ꞌumpax imi ꞌiakëxa.

Éxodo 7:6

Usakin ka Moisés ꞌimainun Aarónën Nukën ꞌIbun kakësabiokin ꞌakëxa.

Habacuc 3:8

¿Mix karamina Dios ꞌaish bakakamami nishin? ¿Mix ꞌitsaira nishkin karamina parúmpapakama ꞌatima oti ꞌain? ¿Usa ꞌaish karamina min caballonën nikinkë anu ꞌirukiani bëtsi unikama ꞌikësa kiani kuanti ꞌain?

Apocalipsis 8:8

Usai ꞌicëbëtan ca bëtsi ángelnënribi aín manë banañu banoxa. Usocëbë ca achúshi ñu chaira aín bashi nëëmë́cësa ꞌicë nicë́xa parúnpapanu nipacëcëbë parúnpapa chaira ꞌaíshbi nëbë́tsi, rabë́ ꞌimainun achúshi oquin tëacësa ꞌaíshbi amo ꞌicë achúshi imisa ꞌiaxa.