Éxodo 7:2 - Kashibo-Kakataibo Biblia

² Min kamina min xukë́n Aarón ꞌën mi kakësokinbi kati ꞌain; usakinmi kakëxuan an kakëxun ka faraónën Israel unikama ꞌain menuaxa chikitanun kati ꞌikën.

Éxodo 7:2 ပူးပေါင်းရင်းမြစ်များ

1 Reyes 22:14

Kakëxunbi ka Micaíasnën kakëxa: —¡ꞌËx kana asérabi Nukën ꞌIbun ismainunbi kin, usa ꞌain kana uisakin kanun kara an ꞌë kaia usakinshi kati ꞌain!

Éxodo 4:15

Usa ꞌain kamina abë banakin kamabi ꞌën mi kakë banakama ñuixunti ꞌain; usa ꞌain kana ꞌëx abë ꞌianan mibëribi unikama kaimi banakëbë mi rabëbë ꞌiti ꞌain, usa ꞌixun ka mi ñuikin an unikama kati ꞌikën, ꞌën kana usakian ñukama ꞌanun ꞌunánmiti ꞌain.

Éxodo 4:16

Min kamina abë banakin Aarón ꞌëxbi abë banakësa ꞌinun kati ꞌain, usa ꞌixun ka Aarónënbi kamabi bana minmi ñuixunkë kamabi unikama kati ꞌikën.

Éxodo 5:1

Usakin unikama katankëx ka Moisés ꞌimainun Aarón, ꞌapu faraónbë banai kuankëxa: —Kuanxun ka ësai ka Israel unikaman Dios kiaxa kixun kakëxa: ꞌËn unikama kamina anu uni ꞌikëma menu kuanxuan achúshi fiesta ꞌakin ꞌë rabitanun xuti ꞌai kixun mi kanun ka ꞌë kaxa kixun kakëxa.

Éxodo 6:29

kakëxa: —ꞌËx kana min ꞌIbu ꞌain. Usa ꞌain kamina Egiptonu ꞌikë ꞌapu faraón, ꞌën mi kakë kamabi banakama ñuikin kati ꞌain.

Éxodo 7:6

Usakin ka Moisés ꞌimainun Aarónën Nukën ꞌIbun kakësabiokin ꞌakëxa.

Jeremías 1:17

Usa ꞌain kamina mix atu ꞌën kakë banakama kai kuanux rakuë́ti sinanima, anun ꞌakánanti nëtën ꞌikësai mëníokati ꞌain; usa ꞌain kamina kuantankëxun ꞌën mi kakë banakama atu kai kuanti ꞌain. Atumi kamina rakuë́tima ꞌain, atumi rakuë́tia kana ꞌën mi, atunu kuanimi rakuë́ti bërënun ꞌimiti ꞌain.

Jeremías 1:7

ꞌAínbi ka Diosan ꞌë kaxa: Uni bëná pain kana ꞌain kamina kitima ꞌain. Mix kamina uinu kuanun karana ꞌën mi xuti anubi kuanti ꞌain, usa ꞌain kamina kuanxun ꞌën mi kakësabiokin atu kati ꞌain.

Ezequiel 3:10

Usa ꞌain ka ꞌë kaxa: “Ñuitsimarua tsóxun kamina ꞌën mi kakë banakama a sinánkin min maxkátan sinánti ꞌain.

Ezequiel 3:17

“ꞌËn kana mi, unin bëchikë ꞌikë an bërúankë unisa ꞌixun an Israel unikama bërúanti ꞌimin. Usa ꞌixun kamina usakinmi kanun ꞌën mi kakëxun atun ꞌunánkë ꞌitánun ꞌëx kikë banakama kati ꞌain.

Mateo 28:20

Nashimianan camina ꞌën mitsu ñuixuncë banacama ꞌunánmiquin a banacama quicësabi oquin ꞌanun quixun atu ꞌunánmiti ꞌain. Usaquin ꞌaquin camina ꞌunánti ꞌain, ꞌëx cana camabi nëtën usaquin ꞌacë ꞌën unicamabë ꞌain, ꞌëx utëcënti nëtë sënë́ntamainun. Ashi.

Deuteronomio 4:2

Kamina ënë banakama iskinbi ax kikësama okin bëtsi banakëñun mëskukima ꞌanan achúshi banarabi bikuankima ax kikësabiokin ꞌakin ëntima ꞌain, ꞌën mitsu kakësabiokin; ꞌanan kamina ax kikësaibi oí ꞌiti Dios kia bana usaibi a menu tsókanti ꞌain.