Éxodo 5:6 - Kashibo-Kakataibo Biblia

⁶ A nëtënbi ka faraónën an bërúanxun unikama ñu mëëmikë ꞌimainun, an ñu mëia bërúankë aín ꞌapukama ësokin kakëxa:

Éxodo 5:6 ပူးပေါင်းရင်းမြစ်များ

Éxodo 1:11

Usakin sinánxun ka Egiptonu ꞌikë ꞌapun an ñu mëëia bërúanxun israel unikama timëti uni anëakëxa, anëkëxun ka a unikaman ꞌaisamaira okin ñu mëëmiakëxa. Usakin ñu mëëmikin ka Pitón ꞌimainun Ramsés kakë ëma aribia ꞌanun ꞌamiakëxa, ax ka anua Egiptonu ꞌikë ꞌapun, anu piti bukúnti ꞌamikë ꞌiakëxa.

Éxodo 3:7

ꞌaínbi ka Nukën ꞌIbun: —Asérabi kana ꞌën unikama Egipto menuax tëmëraia isan. ꞌËn kana an bërúanxun ñu mëëmikë unikama ꞌucha kupían tëmëraia kuan, ꞌimainun kana asérabi ꞌën upíokin uisai kara atux tëmëraia kixun ꞌunan.

Éxodo 5:10

Ësokian ꞌapu faraónën kakëx ka an ñu mëia bërúankë unikama ꞌimainun aín kushikama, ax unikama kai kuankëxa: —Kuanxun ka kakëxa, ꞌapu faraónën ka bërí ladrillo ꞌati basi mitsu ꞌinanxuma ꞌanun nu kaxa.

Éxodo 5:19

Usakian kakëxun ka Israel an ñu mëëmikë aín kushikaman tëiira iskin sinánkëxa: Uisaxun karanuna ladrillo ꞌitsamashi ꞌanun kakima bërámanu ꞌakë ꞌati ꞌitsabi achúshi nëtën ꞌanun kakëxun ꞌati ꞌai kixun.

Éxodo 5:7

—Bërí kamina Israel unikama ladrillo ꞌati me tëikëñun mëskuti basi ꞌinántima ꞌain, atun ꞌakësabi okían ꞌanun. Kamina kuantankëxuan atúnbi basi binun kati aín.

Números 11:16

Kiabi ka Nukën ꞌIbun ësokin kakëxa: —ꞌË kamina setenta Israel unikama aín kushibu min ꞌunánkë timë́xun, xubusa okin chupa ꞌakë anuax ꞌëbë banati anu bëxun kaínti ꞌain.

Josué 24:1

Josuénën ka kamabi ñaká Israel unibu Siquem kakë ëma anu timë́nun kixun kamiakëxa. Kamikin ka uni apankama ꞌapu an bana mëníokë akama ꞌimainun, suntárunën kushikama anuxun Nukën ꞌIbu rabiti xubusa okin chupa ꞌakë ꞌurama anu timë́nun kamiakëxa,

Josué 24:4

ꞌamikëxun ka aín bakë bëchikë Isaacnën Jacob ꞌimainun Esaú a rabë́ pain bakë bëchiakëxa. Usoxun kana Esaú Seír kakë me anu tsónun ꞌinánkën, ꞌinámainun ka Jacobnëx aín bakë bëchikëkamabë Egipto kakë menu tsóti kuankëxa.