Éxodo 5:12 - Kashibo-Kakataibo Biblia

¹² Ësakian kakëx ka Israel unibu Egipto mekamanu kuani basi bari abísakëxa, abístankëxun ka basi paxa basi chushikë, ꞌakësaribi okin ꞌati biakëxa.

Éxodo 5:12 ပူးပေါင်းရင်းမြစ်များ

Éxodo 15:7

Mix kushiira ꞌaish atumi nishkin kamina an mimi ꞌati makin sinánkë; unikamax basi chushikë në́nkësarishi bakan këñukëx ꞌinun ꞌimian.

Éxodo 5:11

Usa ꞌain kamina bërí kuantankëxun mitsúnbi uinua kaina mërai anua basi biti ꞌain. ꞌAínbi kamina mitsun ꞌakësabi okin uiti ꞌitsa karamina atu ꞌaxun ꞌinanin ati ꞌitsa ladrillobi ꞌaxun achúshirabi sënëmamikinma ꞌinánti ꞌain.

Éxodo 5:13

Usakian ꞌaia ka kamabi nëtën an ñu mëia bërúanti faraónën nankë unikaman bënë́kin, uiti ꞌitsa kara basi ꞌinánkëxun ladrillo ꞌaia ati ꞌitsabia ꞌanun ꞌamiakëxa, ꞌimainun ka Israel unibunën kushikama mëëkin kakëxa: —¿Uisa ꞌixun kaina imë́ishibi ꞌaíma ꞌiónxunbi bërámami basi ꞌinánkëxun ꞌakankë ati ꞌitsabi ladrillo mitsun ꞌakaniman?

Joel 2:5

usa ꞌain ka bashikamanu abákian taë banamikë ax anun ꞌakánanti caballonën nirinkë ñu ax bana kiankësari ꞌia, ꞌianan ka tsin rëkirukin në́nkëxa pëi chushirukë banakë usaribiti ꞌia. ꞌIanan ka suntáru kushiirabukama ꞌakanantishi ꞌaish sëtë́kë usaribi ꞌikën.

1 Corintios 3:12

Jesucristonën uni, an uni bana ñuixuncë, an ca Nucën Papa Diosan ꞌaquincëxun aín bana upí oquin ꞌunánquin, Jesucristomi catamëtia Nucën Papa Dios cuëëncësabi oi ꞌinun unicama ꞌunánmiti ꞌicën. Usa ꞌaínbi ca uni raírinën, usaquin ꞌunánmiquinma unicama Nucën Papa Dios cuëëncësabi oi ꞌinun ꞌunánmima. Usa ꞌain ca utëcënquin Jesucristonën uin cara aín bana upí oquin ꞌunánmiaxa quixun isnuxun ꞌaia. An upí oquin ꞌunánmicë unin ꞌunánmicë unicamax ca upí ꞌaish maxax upí ꞌimainun curi ꞌimainun uxu manë tsin nëënquinbi picëma usaribi ꞌiti ꞌicën. An upí oquinma ꞌunánmicë unin ꞌunánmicë unicamax ca i, pëi, basi xo acama nëënquin tsin picë usaribi ꞌiti ꞌicën.